മണ്ണാര്‍കുന്ന് പള്ളിയില്‍ തിരുനാളിനു നാളെ കൊടിയേറും
1479077
Thursday, November 14, 2024 7:17 AM IST
അതിരമ്പുഴ: ശതാബ്ദി ആഘോഷിക്കുന്ന മണ്ണാര്‍കുന്ന് പള്ളിയില്‍ വിശുദ്ധ ഗ്രിഗോറിയോസിന്‍റെ തിരുനാളിനു നാളെ കൊടിയേറും. നാളെ വൈകുന്നേരം അഞ്ചിന് ചങ്ങനാശേരി അതിരൂപത സിഞ്ചെല്ലൂസ് ഫാ. വര്‍ഗീസ് താനമാവുങ്കല്‍ കൊടിയേറ്റും. തുടര്‍ന്ന് വിശുദ്ധ കുര്‍ബാന. രാത്രി ഏഴിന് ദിവ്യകാരുണ്യ പ്രദക്ഷിണവും തുടര്‍ന്ന് തിരുസ്വരൂപം പ്രതിഷ്ഠിക്കലും.
16നു രാവിലെ 6.15ന് വിശുദ്ധ കുര്‍ബാന ഫാ. ജോജി മാമ്മൂട്ടില്‍. 7.30ന് ശതാബ്ദി സ്മാരക സ്‌നേഹതീരം ഭവനങ്ങളുടെ കല്ലിടല്‍ വികാരി ഫാ. ഏബ്രഹാം തര്‍മശേരി നിര്‍വഹിക്കും. വൈകുന്നേരം 4.30ന് വിശുദ്ധ കുര്‍ബാന: ഫാ. സെബാസ്റ്റ്യന്‍ മൈലാടുംപാറയില്‍. തുടര്‍ന്ന് പ്രദക്ഷിണം. രാത്രി 8.30ന് ലൈറ്റ് ആന്‍ഡ് സൗണ്ട് ഷോ, ഒമ്പതിന് ആകാശ വിസ്മയം. തിരുനാള്‍ ദിനമായ 17നു രാവിലെ 6.15ന് വിശുദ്ധ കുര്‍ബാന: ഫാ. ജയിന്‍ പുത്തന്‍പുരയ്ക്കല്‍.
9.30ന് ആഘോഷമായ റാസ: ഫാ. ജിനു മാന്തിയില്‍. ഫാ. എബി സെബാസ്റ്റ്യന്‍ കിഴക്കേക്കുറ്റ് സന്ദേശം നല്‍കും. 11.30ന് പ്രദക്ഷിണം. രാത്രി ഏഴിന് മാജിക് ഷോ. 18ന് പരേതരുടെ ഓര്‍മദിനമായി ആചരിക്കും. രാവിലെ 6.15ന് വിശുദ്ധ കുര്‍ബാന, സെമിത്തേരി സന്ദര്‍ശനം.