ചങ്ങനാശേരി പോലീസ് സ്റ്റേഷന്‍ രണ്ടാമതും ജില്ലയിലെ മികച്ച സ്റ്റേഷന്‍
1478838
Wednesday, November 13, 2024 7:37 AM IST
ചങ്ങനാശേരി: കോട്ടയം ജില്ലയിലെ ഒക്‌ടോബറിലെ പ്രവര്‍ത്തന മികവിന്‍റെ അടിസ്ഥാനത്തില്‍ മികച്ച സ്റ്റേഷനായി വീണ്ടും ചങ്ങനാശേരി സ്റ്റേഷനേയും മികച്ച സബ് ഡിവിഷനായി വൈക്കം സബ് ഡിവിഷനേയും തെരഞ്ഞെടുത്തു.
സെപ്റ്റംബറിലും ചങ്ങനാശേരി സ്റ്റേഷനായിരുന്നു മികച്ച സ്റ്റേഷന്‍. മികച്ച സബ് ഡിവിഷനായി തെരഞ്ഞെടുക്കപ്പെട്ട വൈക്കത്തെ പ്രതിനിധീകരിച്ച് ഡിവൈഎസ്പി സിബിച്ചന്‍ ജോസഫും ചങ്ങനാശേരിയെ പ്രതിനിധീകരിച്ച് സ്റ്റേഷന്‍ എസ്എച്ച്ഒ ബി. വിനോദ് കുമാറും ജില്ലാ പോലീസ് ചീഫ് ഷാഹുല്‍ ഹമീദില്‍നിന്ന് ട്രോഫി ഏറ്റുവാങ്ങി.
ജില്ലയില്‍ മികച്ച സേവനം കാഴ്ചവച്ച ചങ്ങനാശേരി ഡിവൈഎസ്പി എ.കെ. വിശ്വനാഥന്‍, ചങ്ങനാശേരി സ്റ്റേഷന്‍ എസ്എച്ച്ഒ ബി. വിനോദ് കുമാര്‍, തൃക്കൊടിത്താനം എസ്എച്ച്ഒ എം.ജെ. അരുണ്‍, കറുകച്ചാല്‍ എസ്എച്ച്ഒ കെ.കെ. പ്രശോഭ് തുടങ്ങിയ പോലീസ് ഉദ്യോഗസ്ഥര്ക്ക് ജില്ലാ പോലീസ് ചീഫ്, പോലീസ് ക്ലബ്ബില്‍ നടന്ന ചടങ്ങില്‍ പ്രശംസാപത്രം നല്‍കി.
അഡീഷണല്‍ എസ്പി വിനോദ് പിള്ള, ജില്ലയിലെ ഡിവൈഎസ്പിമാര്‍, എസ്എച്ച്ഒമാര്‍ തുടങ്ങിയവര്‍ പങ്കെടുത്തു.