കടപ്പാട്ടൂര്‍ ഇടത്താവളത്തില്‍ ശബരിമല തീര്‍ഥാടകര്‍ക്കുള്ള ഒരുക്കങ്ങള്‍ പൂര്‍ത്തിയായി
1478983
Thursday, November 14, 2024 5:40 AM IST
പാലാ: കടപ്പാട്ടൂര്‍ മഹാദേവക്ഷേത്രത്തിലെ മണ്ഡല മകരവിളക്ക് മഹോത്സവത്തിന് ഇന്നു രാവിലെ പത്തിനു തുടക്കമാകും.
തീര്‍ഥാടന മഹോത്സവത്തിന്‍റെയും അന്നദാനപദ്ധതിയുടെയും ഉദ്ഘാടനം ദേവസ്വം പ്രസിഡന്‍റും ഗുരുവായൂര്‍ ദേവസ്വം ബോര്‍ഡ് അംഗവുമായ മനോജ് ബി. നായര്‍, പാലാ ഡിവൈഎസ്പി കെ.സദന്‍, വിന്‍വേള്‍ഡ് ഫൗണ്ടേഷന്‍ ചെയര്‍മാന്‍ എസ്. ജയസൂര്യന്‍ എന്നിവര്‍ സംയുക്തമായി നിര്‍വഹിക്കും.
തീര്‍ഥാടകരുടെ സൗകര്യാര്‍ഥം അരവണയും അപ്പവും ലഭ്യമാക്കുന്നതിന് 24 മണിക്കൂറും വഴിപാട് കൗണ്ടര്‍ പ്രവര്‍ത്തിക്കും.
ആയുര്‍വേദ, ഹോമിയോ, അലോപ്പതി ഡിസ്‌പെന്‍സറികളും 24 മണിക്കൂര്‍ ആംബുലന്‍സ് സേവനവും പോലീസ് സേവനവും അനുവദിച്ചിട്ടുണ്ടെന്ന് പ്രസിഡന്‍റ് മനോജ് ബി. നായര്‍, സെക്രട്ടറി എന്‍. ഗോപകുമാര്‍, ഖജാന്‍ജി കെ.ആര്‍. ബാബു എന്നിവര്‍ പത്രസമ്മേളനത്തില്‍ അറിയിച്ചു.