കോട്ടയം: തദ്ദേശ സ്വയംഭരണ വകുപ്പ് മന്ത്രി എം.ബി. രാജേഷ് നാളെ രാവിലെ എട്ടിന് മലരിക്കൽ ആമ്പൽ ഫെസ്റ്റ് സന്ദർശിക്കും. ഹരിത ടൂറിസം പദ്ധതിയുടെ ഭാഗമായി തിരുവാർപ്പ് പഞ്ചായത്ത് ഹരിതകർമസേന ടൂറിസം ഗ്രാമത്തിൽ നടത്തിയ പ്രവർത്തനങ്ങൾ വിലയിരുത്തും.
ഈ വർഷം 150 വള്ളങ്ങളാണു 40 ദിവസങ്ങളിലായി ജലയാത്രകൾ നടത്തിയത്. പൂക്കൾ വിറ്റതിലൂടെ കുടുംബശ്രീ പ്രവർത്തകരും പാർക്കിംഗ് സ്ഥലമൊരുക്കിയും ഭക്ഷണങ്ങൾ നൽകിയും തദ്ദേശീയ ജനതയ്ക്ക് രണ്ടുകോടി രൂപയിലേറെ വരുമാനം സ്വന്തമാക്കിയതായി നദീ പുനർസംയോജന പദ്ധതി കോഓർഡിനേറ്റർ അഡ്വ. കെ. അനിൽകുമാർ അറിയിച്ചു.