എ​ണ്ണ​പ്പാ​റ: ഡോ​ക്ട​ർ​മാ​രു​ടെ ക്ഷാ​മം മൂ​ലം സ​ഹി​കെ​ട്ട നാ​ട്ടു​കാ​ർ പ്ര​ത്യ​ക്ഷ സ​മ​ര​ത്തി​നി​റ​ങ്ങി​യ​തോ​ടെ എ​ണ്ണ​പ്പാ​റ കു​ടും​ബാ​രോ​ഗ്യ​കേ​ന്ദ്ര​ത്തി​ൽ നാ​ളെ​മു​ത​ൽ സാ​യാ​ഹ്ന ഒ​പി പു​ന​രാ​രം​ഭി​ക്കാ​ൻ തീ​രു​മാ​നം. ദി​വ​സ​ങ്ങ​ൾ​ക്കു മു​മ്പ് ഇ​വി​ടെ നി​യ​മി​ച്ച പു​തി​യ ഡോ​ക്ട​റു​ടെ​യും പ​ഞ്ചാ​യ​ത്ത് താ​ത്കാ​ലി​ക​മാ​യി നി​യ​മി​ക്കു​ന്ന ര​ണ്ടു ഡോ​ക്ട​ർ​മാ​രു​ടെ​യും സേ​വ​നം ഉ​പ​യോ​ഗ​പ്പെ​ടു​ത്തി​യാ​ണ് സാ​യാ​ഹ്ന ഒ​പി സൗ​ക​ര്യം ഒ​രു​ക്കു​ക. എ​ൻ​എ​ച്ച്എം വ​ഴി​യു​ള്ള ന​ഴ്സി​ന്‍റെ സേ​വ​ന​വും ല​ഭ്യ​മാ​ക്കും.

കു​ടും​ബാ​രോ​ഗ്യ​കേ​ന്ദ്ര​ത്തി​ൽ മെ​ഡി​ക്ക​ൽ ഓ​ഫീ​സ​റ​ട​ക്കം മൂ​ന്ന് ഡോ​ക്ട​ർ​മാ​രാ​ണ് വേ​ണ്ട​ത്. എ​ന്നാ​ൽ, മെ​ഡി​ക്ക​ൽ ഓ​ഫീ​സ​റാ​യി ചു​മ​ത​ല​യേ​റ്റ ഡോ​ക്ട​ർ ദി​വ​സ​ങ്ങ​ൾ​ക്ക​കം പ്ര​സ​വാ​വ​ധി​യി​ൽ പോ​കു​ക​യാ​യി​രു​ന്നു. ഇ​വ​ർ​ക്കു പ​ക​ര​മാ​ണ് ഇ​പ്പോ​ൾ പു​തി​യ ഡോ​ക്ട​റെ നി​യ​മി​ച്ച​ത്.

ഡോ​ക്ട​ർ​മാ​രു​ടെ ക്ഷാ​മം മൂ​ലം ഏ​ഴു​മാ​സ​മാ​യി ഇ​വി​ടെ ഒ​പി സ​മ​യം ഉ​ച്ച​വ​രെ​യാ​യി വെ​ട്ടി​ച്ചു​രു​ക്കി​യ അ​വ​സ്ഥ​യാ​യി​രു​ന്നു.

ക​ഴി​ഞ്ഞ​ദി​വ​സം വൈ​കു​ന്നേ​രം മൂ​ന്ന​ര​യോ​ടെ​യാ​ണ് ആ​ശു​പ​ത്രി വ​രാ​ന്ത​യി​ൽ നാ​ട്ടു​കാ​ർ കു​ത്തി​യി​രു​ന്ന് പ്ര​തി​ഷേ​ധി​ച്ച​ത്. സ​മ​രം ര​ണ്ടു മ​ണി​ക്കൂ​റോ​ളം നീ​ണ്ട​തോ​ടെ അ​മ്പ​ല​ത്ത​റ ഇ​ൻ​സ്പെ​ക്ട​ർ ടി. ​ദാ​മോ​ദ​ര​ന്‍റെ നേ​തൃ​ത്വ​ത്തി​ൽ പോ​ലീ​സ് സ്ഥ​ല​ത്തെ​ത്തി.

തു​ട​ർ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് പി. ​ശ്രീ​ജ, സ്ഥി​രം സ​മി​തി അ​ധ്യ​ക്ഷ എ​ൻ.​എ​സ്. ജ​യ​ശ്രീ, മെ​ഡി​ക്ക​ൽ ഓ​ഫീ​സ​റു​ടെ അ​ധി​ക ചു​മ​ത​ല വ​ഹി​ക്കു​ന്ന ഡോ. ​വി.​കെ. ഷി​ൻ​സി എ​ന്നി​വ​രെ​ത്തി നാ​ട്ടു​കാ​രു​മാ​യി ന​ട​ത്തി​യ ച​ർ​ച്ച​യി​ലാ​ണ് നാ​ളെ മു​ത​ൽ സാ​യാ​ഹ്ന ഒ​പി പു​ന​രാ​രം​ഭി​ക്കു​മെ​ന്ന ഉ​റ​പ്പു​ന​ല്കി​യ​ത്.