കാ​ഞ്ഞ​ങ്ങാ​ട്: കാ​ഞ്ഞ​ങ്ങാ​ട് റെ​യി​ൽ​വേ സ്റ്റേ​ഷ​നി​ൽ ക​ഴി​ഞ്ഞ തി​രു​വോ​ണ​ത്ത​ലേ​ന്ന് മൂ​ന്നു​പേ​ർ ട്രെ​യി​ൻ​ത​ട്ടി മ​രി​ക്കാ​നി​ട​യാ​യ വ​ട​ക്കു​ഭാ​ഗ​ത്തെ ന​ട​പ്പാ​ത റെ​യി​ൽ​വേ അ​ധി​കൃ​ത​ർ ഇ​രു​മ്പു​പ​ട്ട കൊ​ണ്ട് കെ​ട്ടി​യ​ട​ച്ചു. റെ​യി​ൽ​വേ സ്റ്റേ​ഷ​നി​ലെ യാ​ത്ര​ക്കാ​ർ​ക്കൊ​പ്പം സ​മീ​പ​ത്തെ റോ​ഡു​ക​ളി​ലേ​ക്കു​ള്ള കാ​ൽ​ന​ട​യാ​ത്ര​ക്കാ​രും പാ​ളം മു​റി​ച്ചു​ക​ട​ക്കു​ന്ന​തി​നാ​യി ഈ ​ന​ട​പ്പാ​ത ഉ​പ​യോ​ഗി​ച്ചു​വ​രി​ക​യാ​യി​രു​ന്നു. ഏ​തു ത​ര​ത്തി​ലാ​യാ​ലും പാ​ളം മു​റി​ച്ചു​ക​ട​ക്കു​ന്ന​ത് നി​യ​മ​വി​രു​ദ്ധ​മാ​ണെ​ന്നു ചൂ​ണ്ടി​ക്കാ​ട്ടി​യാ​ണ് ന​ട​പ്പാ​ത​യി​ലേ​ക്കു​ള്ള വ​ഴി കെ​ട്ടി​യ​ട​ച്ച​ത്.

എ​ന്നാ​ൽ യാ​ത്ര​ക്കാ​ർ​ക്കും നാ​ട്ടു​കാ​ർ​ക്കും മ​റു​വ​ശ​ത്തേ​ക്കു ക​ട​ക്കാ​ൻ ബ​ദ​ൽ മാ​ർ​ഗ​ങ്ങ​ളൊ​രു​ക്കാ​തെ ന​ട​പ്പാ​ത കെ​ട്ടി​യ​ട​ച്ച​തി​ൽ പ്ര​തി​ഷേ​ധ​മു​യ​ർ​ന്നി​ട്ടു​ണ്ട്. കാ​ഞ്ഞ​ങ്ങാ​ട് സ്റ്റേ​ഷ​നി​ൽ പ്ലാ​റ്റ്ഫോ​മി​ന്‍റെ ഏ​താ​ണ്ട് മ​ധ്യ​ഭാ​ഗ​ത്തു മാ​ത്ര​മാ​ണ് മേ​ൽ​പ്പാ​ല​മു​ള്ള​ത്. ന​ഗ​ര​കേ​ന്ദ്ര​ത്തി​ലേ​ക്ക് ക​ട​ക്ക​ണ​മെ​ങ്കി​ൽ വ​ട​ക്കു ഭാ​ഗ​ത്തെ​ത്ത​ണം. ഈ ​ഭാ​ഗ​ത്ത് ട്രെ​യി​നി​റ​ങ്ങു​ന്ന യാ​ത്ര​ക്കാ​രും ഇ​നി പ്ലാ​റ്റ്ഫോ​മി​ന്‍റെ പ​കു​തി ദൂ​രം തി​രി​കെ ന​ട​ന്ന് മേ​ൽ​പ്പാ​ലം ക​ട​ന്ന​ശേ​ഷം വീ​ണ്ടും അ​ത്ര​യും ദൂ​രം മു​ന്നോ​ട്ടു ന​ട​ക്കേ​ണ്ട അ​വ​സ്ഥ​യാ​ണ്. പ്രാ​യാ​ധി​ക്യ​വും അ​വ​ശ​ത​ക​ളു​മു​ള്ള​വ​ർ​ക്കും ഭാ​ര​മേ​റി​യ ല​ഗേ​ജു​ക​ളു​ള്ള​വ​ർ​ക്കു​മെ​ല്ലാം ഇ​ത് ഏ​റെ പ്ര​യാ​സം സൃ​ഷ്ടി​ക്കും.

പാ​ത കെ​ട്ടി​യ​ട​ച്ചി​ട്ടും ക​ഴി​ഞ്ഞ ദി​വ​സ​ങ്ങ​ളി​ൽ ഓ​രോ ട്രെ​യി​നെ​ത്തു​മ്പോ​ഴും ര​ണ്ടാ​മ​ത്തെ പ്ലാ​റ്റ്ഫോ​മി​ന്‍റെ വ​ട​ക്കു​ഭാ​ഗ​ത്തി​റ​ങ്ങു​ന്ന യാ​ത്ര​ക്കാ​രി​ല​ധി​ക​വും വേ​ലി ചാ​ടി​ക്ക​ട​ന്ന് ഇ​തു​വ​ഴി ത​ന്നെ പോ​വു​ന്ന​താ​ണ് ക​ണ്ട​ത്. വ​രും​ദി​വ​സ​ങ്ങ​ളി​ൽ ഇ​വി​ടെ റെ​യി​ൽ​വേ നി​യ​ന്ത്ര​ണം ക​ടു​പ്പി​ക്കു​മെ​ന്നാ​ണ് സൂ​ച​ന.

എ​ന്നാ​ൽ പ്ര​ശ്ന​ത്തി​ന് ശാ​ശ്വ​ത പ​രി​ഹാ​ര​മാ​യി ഇ​വി​ടെ മേ​ൽ​പ്പാ​ലം നി​ർ​മി​ക്കു​ന്ന കാ​ര്യ​ത്തി​ൽ റെ​യി​ൽ​വേ അ​ധി​കൃ​ത​ർ മെ​ല്ലെ​പ്പോ​ക്ക് തു​ട​രു​ക​യാ​ണ്. പ്ലാ​റ്റ്ഫോ​മു​ക​ളു​ടെ തെ​ക്കു​ഭാ​ഗ​ത്ത് പു​തി​യ പാ​ർ​ക്കിം​ഗ് കേ​ന്ദ്ര​ത്തി​ന്‍റെ നി​ർ​മാ​ണം പൂ​ർ​ത്തി​യാ​യ​തി​നു ശേ​ഷം മാ​ത്ര​മേ വ​ട​ക്കു​ഭാ​ഗ​ത്ത് ഇ​പ്പോ​ൾ പാ​ർ​ക്കിം​ഗ് കേ​ന്ദ്ര​മു​ള്ള​സ്ഥ​ല​ത്ത് ചെ​ന്നു​ചേ​രു​ന്ന രീ​തി​യി​ൽ മേ​ൽ​പ്പാ​ലം നി​ർ​മി​ക്കാ​നാ​കൂ എ​ന്നാ​ണ് അ​ധി​കൃ​ത​രു​ടെ നി​ല​പാ​ട്. ഇ​തി​ന് ഇ​നി​യും ഒ​രു വ​ർ​ഷ​ത്തോ​ളം സ​മ​യ​മെ​ടു​ക്കാ​നാ​ണ് സാ​ധ്യ​ത. അ​തി​നി​ട​യി​ൽ കാ​ഞ്ഞ​ങ്ങാ​ടി​നെ അ​മൃ​ത് ഭാ​ര​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തു​ക​യാ​ണെ​ങ്കി​ൽ അ​തി​ന്‍റെ ഭാ​ഗ​മാ​യി മേ​ൽ​പ്പാ​ല​ത്തി​ന്‍റെ നി​ർ​മാ​ണ​വും ന​ട​ക്കാ​നാ​ണ് സാ​ധ്യ​ത.