അബുദാബി പത്തനംതിട്ട ജില്ലാ കെഎംസിസി റംസാൻ റിലീഫിന് തുടക്കം
അനിൽ സി.ഇടിക്കുള
Friday, March 14, 2025 5:28 PM IST
അബുദാബി: പത്തനംതിട്ട ജില്ലാ കെഎംസിസിയുടെ ആഭിമുഖ്യത്തിൽ "ഡിലൈറ്റഡ് ഈദ് ഹൈദരലി ശിഹാബ് തങ്ങൾ റിലീഫ്' എന്നപേരിൽ വർഷം തോറും നടന്നുവരുന്ന റംസാൻ റിലീഫ് പ്രവർത്തങ്ങൾക്ക് തുടക്കമായി.
ഇതിനോടനുബന്ധിച്ച് ജില്ലയിലെ അഞ്ചു നിയോജകമണ്ഡലങ്ങളിലെയും അർഹരായ കുടുംബങ്ങൾക്കുള്ള റംസാൻ കിറ്റ് വിതരണം നിയോജകമണ്ഡലം മുസ്ലിം ലീഗ് കമ്മിറ്റികളുടെ നേതൃത്വത്തിൽ വരും ദിവസങ്ങളിൽ ജില്ലയിൽ നടക്കും.
സംസ്ഥാന കെഎംസിസി സെക്രട്ടറി ഷാനവാസ് പുളിക്കൽ ഉദ്ഘാടനം ചെയ്തു. ജില്ലാ പ്രസിഡന്റ് ഫൈസൽ പി.ജെ അധ്യക്ഷത വഹിച്ചു. വിവിധ ജില്ലാ ഭാരവാഹികളായ സുധീർ ഹംസ, അബ്ദുൽ സമദ്, മുഹമ്മ്ദ് അൻസാരി ഇടുക്കി, ഡോക്ടർ ജേക്കബ് ഈപ്പൻ, ഹാരിസ് കരമന എന്നിവർ സന്നിഹിതരായിരുന്നു.
പത്തനംതിട്ട ജില്ലാഭാരവാഹികളായ അനീഷ് ഹനീഫ, നദീർ കാസിം, അൻസാദ് അസീസ്, അനൂബ് കവലക്കൽ, ഷാരൂഖ് ഷാജഹാൻ,ആസിഫ് അബ്ദുല്ല, റിയാസ് ഹനീഫ, സബ് ജാൻ ഹുസൈൻ, തൗഫീഖ് സുലൈമാൻ, സെക്രട്ടറി അൽത്താഫ് മുഹമ്മദ്, ട്രഷറർ റിയാസ് ഇസ്മായിൽ തുടങ്ങിയവർ പരിപാടിക്ക് നേതൃത്വം നൽകി.