വാ​ഷിം​ഗ്ട​ൺ: പ്ര​സി​ഡ​ന്‍റ് ട്രം​പി​ന്‍റെ ഉ​ത്ത​ര​വി​നെ​ത്തു​ട​ർ​ന്ന് അ​മേ​രി​ക്ക വി​ദേ​ശ​സ​ഹാ​യ​ങ്ങ​ൾ നി​ർ​ത്തി​വ​ച്ച​താ​യി റി​പ്പോ​ർ​ട്ട്. ആ​ഗോ​ള​ത​ല​ത്തി​ൽ ആ​രോ​ഗ്യ, വി​ദ്യാ​ഭ്യാ​സ മേ​ഖ​ല​ക​ളി​ല​ട​ക്കം ന​ല്കു​ന്ന സാ​ന്പ​ത്തി​ക സ​ഹാ​യ​മാ​ണ് 90 ദി​വ​സ​ത്തേ​ക്കു നി​ർ​ത്തി​വ​ച്ചി​രി​ക്കു​ന്ന​ത്.

ഇ​ക്കാ​ല​യ​ള​വി​ൽ ന​ട​ത്തു​ന്ന അ​വ​ലോ​ക​ന​ത്തി​ൽ, ട്രം​പി​ന്‍റെ വി​ദേ​ശ​ന​യ​ത്തോ​ട് ഒ​ത്തു​പോ​കു​ന്നു എ​ന്നു ക​ണ്ടെ​ത്തി​യാ​ൽ മാ​ത്ര​മേ സ​ഹാ​യ​ങ്ങ​ൾ പു​നഃ​സ്ഥാ​പി​ക്കൂ. ആ​ഗോ​ള​ത​ല​ത്തി​ൽ ഏ​റ്റ​വും കൂ​ടു​ത​ൽ സാ​ന്പ​ത്തി​ക​സ​ഹാ​യം ന​ല്കു​ന്ന രാ​ജ്യ​മാ​ണ് അ​മേ​രി​ക്ക. 2023 വ​ർ​ഷ​ത്തി​ൽ മാ​ത്രം 72,00 കോ​ടി ഡോ​ള​റാ​ണു ന​ല്കി​യ​ത്.

20ന് ​അ​ധി​കാ​ര​മേ​റ്റ ട്രം​പ് മ​ണി​ക്കൂ​റു​ക​ൾ​ക്ക​കം ഇ​തു നി​ർ​ത്തി​വ​യ്ക്കാ​ൻ ആ​വ​ശ്യ​പ്പെ​ടു​ന്ന ഉ​ത്ത​ര​വി​ൽ ഒ​പ്പു​വ​ച്ചു. പ​ദ്ധ​തി​ക​ൾ വി​ല​യി​രു​ത്തി, തു​ട​ര​ണ​മോ വേ​ണ്ട​യോ എ​ന്നു തീ​രു​മാ​നി​ക്കാ​നു​ള്ള അ​ധി​കാ​രം ന​ല്കി​യി​രി​ക്കു​ന്ന​ത് സ്റ്റേ​റ്റ് സെ​ക്ര​ട്ട​റി മാ​ർ​ക്കോ റൂ​ബി​യോ​യ്ക്കാ​ണ്.


റ​ഷ്യ​ൻ അ​ധി​നി​വേ​ശം നേ​രി​ടു​ന്ന യു​ക്രെ​യ്നി​ലെ ചി​ല പ​ദ്ധ​തി​ക​ൾ​ക്കു​ള്ള സ​ഹാ​യ​ധ​ന​വും ഇ​തോ​ടെ നി​ല​ച്ച​താ​യി റി​പ്പോ​ർ​ട്ടി​ൽ പ​റ​യു​ന്നു. വാ​ക്സി​നേ​ഷ​ൻ, പ്ര​സ​വ​ര​ക്ഷ, വി​ദ്യാ​ഭ്യാ​സ പ​ദ്ധ​തി​ക​ൾ എ​ന്നി​വ ഇ​തി​ൽ ഉ​ൾ​പ്പെ​ടു​ന്നു.

ഇ​സ്ര​യേ​ൽ, ഈ​ജി​പ്ത് രാ​ജ്യ​ങ്ങ​ൾ​ക്കു സൈ​നി​ക സ​ഹാ​യം തു​ട​ർ​ന്നും ല​ഭി​ക്കേ​ണ്ട​തി​നു മാ​ർ​ക്കോ റൂ​ബി​യോ പ്ര​ത്യേ​ക ഇ​ള​വു ന​ല്കി​യി​ട്ടു​ണ്ടെ​ന്നും റി​പ്പോ​ർ​ട്ടി​ൽ പ​റ​യു​ന്നു.