കാടുകുറ്റി: കാടുകുറ്റിയിലെത്തുന്നവർക്ക് ചുട്ടുപൊള്ളുന്ന വെയിലിനെ പ്രതിരോധിക്കാൻ സംഭാരം വിതരണം ചെയ്യാൻ ക്രമീകരണങ്ങളൊരുക്കി ചാലക്കുടി ടൗണ്‍ സഹകരണ ബാങ്ക്. ചാലക്കുടി ടൗണ്‍ സഹകരണ ബാങ്കിന്‍റെ കാടുകുറ്റി ബ്രാഞ്ചിൽ ഒരുക്കിയ തണ്ണീർപന്തൽ ഗ്രാമപഞ്ചായത്ത് പ്രസിഡന്‍റ് പ്രിൻസി ഫ്രാൻസിസ് ഉദ്ഘാടനം ചെയ്തു. ബാങ്ക് പ്രസിഡന്‍റ് എം.എം. അനിൽകുമാർ അധ്യക്ഷനായി.
പഞ്ചായത്തുമെന്പർമാരായ മോളി തോമസ്, ഡെയ്സി ഫ്രാൻസിസ്, കെ.സി. മനോജ്, ബാങ്ക് വൈസ് പ്രസിഡന്‍റ് മേരി നളൻ, ജോയ് മൂത്തേടൻ, പി.ഐ. ജോർജ്, ബാങ്ക് ഡയറക്ടർമാരായ ബിജു പുത്തിരിക്കൽ, സണ്ണി വർഗീസ്, ഗിരീഷ് മേനോൻ, കെ.എ. ജോയ്, കെ.എസ്. അനിൽ, തോമസ് ഐ. കണ്ണത്ത്, സെക്രട്ടറി വി.ആർ. സജീവൻ എന്നിവർ പ്രസംഗിച്ചു.
കൊരട്ടി: കൊരട്ടി സർവീസ് സഹകരണ ബാങ്കിന്‍റെ നേതൃത്വത്തിൽ ആരംഭിച്ച തണ്ണീർ പന്തൽ ബാങ്ക് പ്രസിഡന്‍റ് കെ.പി. തോമസ് ഉദ്ഘാടനം ചെയ്തു. രാവിലെ 11 മുതൽ ഉച്ചതിരിഞ്ഞ് മൂന്നുവരെ സംഭാരവും തണുത്ത ജലവും ഒആർഎസ് ലായിനിയും വിതരണത്തിനൊരുക്കിയിട്ടുണ്ട്. ഗ്രാമപഞ്ചായത്ത് പ്രസിഡന്‍റ് പി.സി. ബിജു, ബാങ്ക് വൈസ് പ്രസിഡന്‍റ് എം.കെ. സുഭാഷ്, അസി. രജിസ്ട്രാർ ബ്ലിസണ്‍ ടി. ഡേവിസ്, കേരള ബാങ്ക് മാനേജർ സോമുലാൽ, ഭരണസമിതി അംഗങ്ങളായ പി.എ. രാമകൃഷ്ണൻ, ബാങ്ക് സെക്രട്ടറി എൻ.ജി. സനിൽകുമാർ എന്നിവർ പ്രസംഗിച്ചു.