നെ​ടു​ങ്ക​ണ്ടം: തൂ​ക്കു​പാ​ല​ത്ത് ഓ​ട്ടോ​റി​ക്ഷാ തൊ​ഴി​ലാ​ളി​യെ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി. തൂ​ക്കു​പാ​ല​ത്തെ വ്യാ​പാ​ര​സ്ഥാ​പ​ന​ത്തി​ലു​ണ്ടാ​യ സം​ഘ​ർ​ഷ​ത്തി​ൽ മ​നം​നൊ​ന്താ​ണ് ആ​ത്മ​ഹ​ത്യയെന്ന് സി​ഐ​ടി​യു ഡ്രൈ​വേ​ഴ്സ് യൂ​ണി​യ​ൻ ആ​രോ​പി​ച്ചു.

സം​ഭ​വ​ത്തി​ൽ പ്ര​തി​ഷേ​ധി​ച്ച് വ്യാ​പാ​ര​സ്ഥാ​പ​ന​ത്തി​നു മു​ൻ​പി​ൽ യൂ​ണി​യ​ൻ യോഗം ന​ട​ത്തി. തൂ​ക്കു​പാ​ലം- ക​ല്ലു​മേ​ക്ക​ല്ല് ഇ​ല​ഞ്ഞി​ക്ക​ൽ സോ​ണി ജോ​സ​ഫാ​ണ് (43) മ​രി​ച്ച​ത്. വെ​ള്ളി​യാ​ഴ്ച രാ​ത്രി ഏ​ഴോ​ടെ വീ​ടി​നു സ​മീ​പ​ത്തെ മ​ര​ത്തി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.

നെ​ടു​ങ്ക​ണ്ടം പോ​ലീ​സ് സ്ഥ​ല​ത്തെ​ത്തി മേ​ൽ​ന​ട​പ​ടി​ക​ൾ സ്വീ​ക​രി​ച്ചു. പോ​സ്റ്റ്മോ​ർ​ട്ട​ത്തി​നു​ശേ​ഷം ബ​ന്ധു​ക്ക​ൾ​ക്ക് വി​ട്ടു​ന​ൽ​കി​യ മൃ​ത​ദേ​ഹം സം​സ്ക​രി​ച്ചു. ഭാ​ര്യ: മ​രി​യ. മ​ക്ക​ൾ: അ​ഭി​ര, അ​മീ​ര.
വെ​ള്ളി​യാ​ഴ്ച തൂ​ക്കു​പാ​ല​ത്തെ വ്യാ​പാ​ര​സ്ഥാ​പ​ന​ത്തി​ലെ ജീ​വ​ന​ക്കാ​ർ സോ​ണി​യെ മ​ർ​ദി​ച്ചെ​ന്നും ഇ​തേത്തുട​ർ​ന്നു​ണ്ടാ​യ മ​നോ​വി​ഷ​മ​മാ​ണ് സോ​ണി​യെ മ​ര​ണ​ത്തി​ലേ​ക്കു ന​യി​ച്ച​തെ​ന്നു​മാ​ണ് സി​ഐ​ടി​യു ആ​രോ​പി​ക്കു​ന്ന​ത്.

അ​സ്വാഭാ​വി​ക മ​ര​ണ​ത്തി​നും സോ​ണി​യെ മ​ർ​ദി​ച്ച​തി​ന് ക​ണ്ടാ​ല​റി​യാ​വു​ന്ന നാ​ലു​പേ​ർ​ക്കെ​തി​രേ​യും നെ​ടു​ങ്ക​ണ്ടം പോ​ലീ​സ് കേ​സെ​ടു​ത്തി​ട്ടു​ണ്ട്. സം​ഭ​വ​ത്തി​ൽ കൂ​ടു​ത​ൽ അ​ന്വേ​ഷ​ണം ന​ട​ത്തു​മെ​ന്ന് പോ​ലീ​സ് അ​റി​യി​ച്ചു.