കാട്ടാനയ്ക്ക് അ‌റിയുമോ കർഷകന്‍റെ രോദനം?
Tuesday, September 19, 2023 11:21 PM IST
മ​റ​യൂ​ര്‍: കാ​ന്ത​ല്ലൂ​ര്‍ ആ​ടി​വ​യ​ല്‍ പ്ര​ദേ​ശ​ത്ത് കാ​ട്ടാ​ന​ക​ള്‍ ഏ​ക്ക​ര്‍ ക​ണ​ക്കി​ന് ബീ​ന്‍​സ്, വെ​ളു​ത്തു​ള്ളി കൃ​ഷി​ക​ള്‍ ന​ശി​പ്പി​ച്ചു. വി​ള​വെ​ടു​പ്പ് ആ​രം​ഭി​ച്ച കാ​ന്ത​ല്ലൂ​രി​ലെ ഇ​രു​പ​ത് ഏ​ക്ക​റോ​ളം കൃ​ഷി​ഭൂ​മി​യാ​ണ് ഒ​റ്റ​രാ​ത്രികൊണ്ട് നാ​മ​വ​ശേ​ഷ​മാ​ക്കി​യ​ത്.

കാ​ന്ത​ല്ലൂ​ര്‍ പ​ഞ്ചാ​യ​ത്ത് ഓ​ഫീ​സി​നു സമീപമുള്ള കൃ​ഷി​ഭൂ​മി​ക​ളാ​ണ് വ​നാ​തി​ര്‍​ത്തി ​ക​ട​ന്ന് കി​ലോ​മീ​റ്റ​റു​ക​ള്‍ താ​ണ്ടി എ​ത്തി​യ കാ​ട്ടാ​ന​ക​ൾ ന​ശി​പ്പി​ച്ച​ത്. ചി​ന്നാ​ര്‍ വ​ന്യ​ജീ​വിസ​ങ്കേ​തം ക​ട​ന്ന് ഗ്രാ​ന്‌റീ​സ് തോ​ട്ട​ത്തി​ലെ​ത്തി ത​മ്പ​ടി​ക്കു​ന്ന കാ​ട്ടാ​ന​ക​ളെ എ​ല്ലാ വ​ര്‍​ഷ​വും നാ​ട്ടു​കാ​രാ​ണ് വ​ന​ത്തി​ലേ​ക്കു തു​ര​ത്തു​ന്ന​ത്.

ക​ഴി​ഞ്ഞവ​ര്‍​ഷം കാ​ട്ടാ​ന​ക​ളെ തു​ര​ത്തു​ന്ന​തി​നി​ടെ ക​ര്‍​ഷ​ക​ര്‍​ക്ക് പ​രി​ക്കേ​റ്റി​രു​ന്നു. ജ​ന​വാ​സ കേ​ന്ദ്ര​ങ്ങ​ളും ക​ട​ന്നാ​ണ് മാ​സ​ങ്ങ​ളാ​യി കാ​ട്ടാ​ന​ക​ൾ ഗ്രാ​ന്‍റീസ് തോ​ട്ട​ങ്ങ​ളി​ല്‍ ത​മ്പ​ടി​ച്ചി​രി​ക്കു​ന്ന​ത്. ജ​ന​വാ​സ കേ​ന്ദ്ര​ങ്ങ​ളി​ല്‍ ഇ​റ​ങ്ങു​ന്ന കാ​ട്ടാ​ന​ക​ളെ തു​ര​ത്താ​ന്‍ റാ​പ്പി​ഡ് റെ​സ്പോ​ണ്‍​സ് ടീ​മി​നെ​യും വാ​ച്ച​ര്‍​മാ​രെ​യും നി​യ​മി​ക്കു​മെ​ന്ന് വ​നം വ​കു​പ്പ് ഉ​ദ്യോ​ഗ​സ്ഥ​ര്‍ പ​റ​ഞ്ഞി​രു​ന്നെ​ങ്കി​ലും യാ​തൊ​രു ന​ട​പ​ടി​ക​ളും സ്വീ​ക​രി​ച്ചി​ട്ടി​ല്ല.


വാ​യ്പ​യെ​ടു​ത്തും കു​ടു​ബ ശ്രീ ​ ഉ​ള്‍​പ്പെ​ടെ​യു​ള്ള സം​വി​ധാ​ന​ങ്ങ​ളി​ല്‍ നി​ന്നു ക​ടം വാ​ങ്ങി​യു​മാ​ണ് ക​ര്‍​ഷ​ക​ര്‍ വി​ള​വി​റ​ക്കി​യി​രി​ക്കു​ന്ന​ത്. മ​ഴ ഇ​ല്ലാ​ത്ത​തി​നാ​ല്‍ വ​ള​രെ പ്ര​യാ​സ​പ്പെ​ട്ടാ​ണ് വി​ള​ക​ള്‍ ന​ന​ച്ചു വ​ള​ര്‍​ത്തി​യ​തെ​ന്ന് ആ​ടി​വ​യ​ലി​ലെ ക​ര്‍​ഷ​ക​നാ​യ എം. ​എ​സ്. ശ​ശി പ​റ​യു​ന്നു.

ആ​ടി​വ​യ​ലി​നു സ​മീ​പ​ത്തു​ള്ള ത​മി​ഴ് ആ​രാ​ധ​ന​മൂ​ര്‍​ത്തി​യാ​യ കാ​വ​ല്‍​ക്കാ​ര​ന്‍ ദൈ​വ​ത്തി​ന്‍റെ ആ​രാ​ധ​നാ​ല​യ​ത്തി​നും കേ​ടു​പാ​ടു​ക​ള്‍ വ​രു​ത്തി.​സ​മീ​പകാ​ല​ത്താ​യി ഇ​രു​പ​തുല​ക്ഷം രൂ​പ​യു​ടെ നാ​ശ ന​ഷ്ടം​വ​രു​ത്തി​യ​താ​യി ക​ര്‍​ഷ​ക​ർ പ​റ​യു​ന്നു.