തൊ​ടു​പു​ഴ: മാ​രി​യി​ൽ ക​ലു​ങ്ക് പാ​ല​ത്തി​ന്‍റെ അ​പ്രോ​ച്ച് റോ​ഡ് നി​ർ​മാ​ണം ഇ​ഴ​ഞ്ഞനീ​ങ്ങു​ന്നു. അ​പ്രോ​ച്ച് റോ​ഡി​ന്‍റെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച് മൂ​ന്നാ​ഴ്ച പി​ന്നി​ട്ട​പ്പോ​ഴും നി​ർ​ദ്ദി​ഷ്ട റോ​ഡി​നാ​യി അ​ട​യാ​ള​പ്പെ​ടു​ത്തി​യ സ്ഥ​ല​ത്തെ മ​ര​ങ്ങ​ൾ വെ​ട്ടി​നീ​ക്കു​ന്ന ന​ട​പ​ടി പോ​ലും പൂ​ർ​ത്തി​യാ​യി​ട്ടി​ല്ല. ഒ​രു ഭാ​ഗ​ത്തെ കാ​ടു വെ​ട്ടി​മാ​റ്റു​ക​യും ഇ​വി​ടെ കൂ​ടി​ക്കി​ട​ന്ന മ​ണ്ണ് നി​ര​പ്പാ​ക്കു​ക​യും മാ​ത്ര​മാ​ണ് ഇ​തു​വ​രെ ചെ​യ്ത​ത്. നി​ർ​മാ​ണം ആ​രം​ഭി​ച്ച് പ​ത്തു വ​ർ​ഷ​മാ​യി​ട്ടും അ​പ്രോ​ച്ച് റോ​ഡി​ല്ലാ​ത്ത​തി​നാ​ൽ പാ​ലം ജ​ന​ങ്ങ​ൾ​ക്കു പ്ര​യോ​ജ​ന​പ്പെ​ട്ടി​രു​ന്നി​ല്ല.

പി.​ജെ. ജോ​സ​ഫ് എം​എ​ൽ​എ​യു​ടെ പ്രാ​ദേ​ശി​ക വി​ക​സ​ന​ഫ​ണ്ടി​ൽ​നി​ന്ന് അ​നു​വ​ദി​ച്ച 1.80 കോ​ടി രൂ​പ ഉ​പ​യോ​ഗി​ച്ചു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ളാ​ണ് ആ​രം​ഭി​ച്ച​ത്. ഈ ​ഭാ​ഗ​ത്തെ റോ​ഡ് നി​ർ​മാ​ണം പൂ​ർ​ണ​മാ​യും എം​എ​ൽ​എ ഫ​ണ്ട് ഉ​പ​യോ​ഗി​ച്ചാ​ണ് ന​ട​ത്തു​ക. എ​ന്നാ​ൽ, നി​ർ​മാ​ണം വേ​ഗ​ത്തി​ൽ പൂ​ർ​ത്തി​യാ​ക്കു​ന്ന കാ​ര്യ​ത്തി​ൽ പൊ​തു​മ​രാ​മ​ത്ത് വ​കു​പ്പ് തി​ക​ഞ്ഞ ഉ​ദാ​സീ​ന​ത​യാ​ണ് കാ​ട്ടു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു. തൊ​ടു​പു​ഴ​യു​ടെ വി​ക​സ​ന​ത്തി​ന് പ്ര​യോ​ജ​ന​ക​ര​മെ​ന്ന നി​ല​യി​ലാ​ണ് ഇ​വി​ടെ കോ​ടി​ക​ൾ മു​ട​ക്കി പാ​ലം നി​ർ​മി​ച്ച​ത്. എ​ന്നാ​ൽ, പാ​ല​ത്തി​ന്‍റെ ഇ​രു​വ​ശ​വും അ​പ്രോ​ച്ച് റോ​ഡി​ല്ലാ​ത്ത​തി​നാ​ൽ പാ​ലം നോ​ക്കു​കു​ത്തി​യാ​യി നി​ല​നി​ൽ​ക്കു​ക​യാ​യി​രു​ന്നു. ആ​റ​ര​ക്കോ​ടി മു​ട​ക്കി​യാ​ണ് പാ​ലം നി​ർ​മി​ച്ച​ത്.

ഇ​തി​നി​ടെ, അ​പ്രോ​ച്ച് റോ​ഡി​ന്‍റെ നി​ർ​മാ​ണ​ത്തി​നാ​യി സ്വ​കാ​ര്യ​വ്യ​ക്തി​ക​ളു​ടെ സ്ഥ​ലം ഏ​റ്റെ​ടു​ക്കാ​നു​ള്ള ന​ട​പ​ടി​ക​ൾ തു​ട​ങ്ങി​യെ​ങ്കി​ലും ഫ​ണ്ടി​ന്‍റെ അ​പ​ര്യാ​പ്ത​ത ത​ട​സ​മാ​യി. പ​രാ​തി​യെ​ത്തു​ട​ർ​ന്ന് പൊ​തു​മ​രാ​മ​ത്ത് മ​ന്ത്രി മു​ഹ​മ്മ​ദ് റി​യാ​സ് പാ​ലം സ​ന്ദ​ർ​ശി​ച്ചി​രു​ന്നു. തു​ട​ർ​ന്ന് സ്ഥ​ല​മേ​റ്റെ​ടു​പ്പി​നാ​യി 2021-ൽ 2.90 ​കോ​ടി അ​നു​വ​ദി​ച്ചു. പി​ന്നീ​ട് ഇ​തി​നാ​യി 6.48 കോ​ടി രൂ​പ​കൂ​ടി അ​നു​വ​ദി​ച്ച​തോ​ടെ സ്ഥ​ല​മെ​ടു​പ്പ് ന​ട​പ​ടി​ക​ൾ പൂ​ർ​ത്തി​യാ​യി.

പാ​ല​ത്തി​ന്‍റെ മാ​രി​യി​ൽ ക​ലു​ങ്ക് ഭാ​ഗ​ത്താ​ണ് കാ​ടു വെ​ട്ടി​നീ​ക്കി മ​ണ്ണു നി​ര​പ്പാ​ക്കി​യ​ത്. കാ​ഞ്ഞി​ര​മ​റ്റം ഭാ​ഗ​ത്തെ അ​പ്രോ​ച്ച് റോ​ഡ് നി​ർ​മാ​ണ​ത്തി​നാ​യി ക​ഴി​ഞ്ഞ ദി​വ​സ​മാ​ണ് മ​ര​ങ്ങ​ൾ മു​റി​ച്ചു​മാ​റ്റി​ത്തു​ട​ങ്ങി​യ​ത്. വ​നം​വ​കു​പ്പ് ത​യാ​റാ​ക്കി​യ മ​ര​ത്തി​ന്‍റെ വി​ല​യ്ക്ക​നു​സ​രി​ച്ച് മ​രം വെ​ട്ടി​നീ​ക്കാ​ൻ ടെ​ൻ​ഡ​ർ ചെ​യ്തെ​ങ്കി​ലും ആ​രും ഏ​റ്റെ​ടു​ക്കാ​തി​രു​ന്ന​തി​നാ​ലാ​ണ് ന​ട​പ​ടി​ക​ൾ വൈ​കി​യ​തെ​ന്ന് അ​ധി​കൃ​ത​ർ പ​റ​ഞ്ഞു.

അ​പ്രോ​ച്ച് റോ​ഡ് നി​ർ​മാ​ണം പൂ​ർ​ത്തി​യാ​യാ​ൽ ന​ഗ​ര​ത്തി​ലേ​ക്കു​ള്ള പ്ര​വേ​ശ​ന​ക​വാ​ട​മാ​യ മോ​ർ ജം​ഗ്ഷ​നി​ൽ അ​നു​ഭ​വ​പ്പെ​ടു​ന്ന ഗ​താ​ഗ​ത​ക്കു​രു​ക്കി​നു പ​രി​ഹാ​ര​മാ​കും. കാ​ഞ്ഞി​ര​മ​റ്റം, മു​ത​ലി​യാ​ർ​മ​ഠം, കാ​രി​ക്കോ​ട്, അ​ഞ്ചി​രി, തെ​ക്കു​ഭാ​ഗം എ​ന്നി​വി​ട​ങ്ങ​ളി​ലു​ള്ള​വ​ർ​ക്കും കാ​ഞ്ഞി​ര​മ​റ്റം മ​ഹാ​ദേ​വ ക്ഷേ​ത്ര​ത്തി​ലെ​ത്തു​ന്ന​വ​ർ​ക്കും പ്ര​യോ​ജ​നം ല​ഭി​ക്കും.