ഉരുണ്ടുനീങ്ങിയ ലോറിക്കും മതിലിനും ഇടയിൽപെട്ട് ഡ്രൈവർക്ക് ദാരുണാന്ത്യം : Deepika.com Nattu Visesham

KOTTAYAM

ഉരുണ്ടുനീങ്ങിയ ലോറിക്കും മതിലിനും ഇടയിൽപെട്ട് ഡ്രൈവർക്ക് ദാരുണാന്ത്യം

Thursday, June 13, 2024 10:39 PM IST

മണര്‍കാട്: ചായ കുടിക്കാന്‍ ലോറി നിര്‍ത്തിയ ഡ്രൈവര്‍, വാഹനം മുന്നോട്ട് ഉരുണ്ടത് കണ്ട് ചാടിക്കയറുന്നതിനിടെ ലോറിക്കും മതിലിനും ഇടയിൽപ്പെട്ട് മരിച്ചു.

തിരുവനന്തപുരം വര്‍ക്കല സ്വദേശി ചന്ദ്രദാസാ (68)ണു മരിച്ചത്. മണര്‍കാട് പൗള്‍ട്രി ഫാമിനുസമീപം ഇന്നലെ പുലര്‍ച്ചെ രണ്ടോടെയായിരുന്നു സംഭവം. കളത്തിപ്പടിയിലെ പാചകവാതക ഏജന്‍സിയിലേയ്ക്ക് സിലിണ്ടറുമായി വരികയായിരുന്നു ലോറി.

ലോറി ഡ്രൈവര്‍ ചായ കുടിക്കുന്നതിനായാണ് പൗള്‍ട്രി ഫാമിന് സമീപത്തെ തട്ടുകടയ്ക്കു സമീപം ലോറി നിര്‍ത്തിയത്. ലോറി നിര്‍ത്തി പുറത്തിറങ്ങി നടക്കുന്നതിനിടെ ലോറി മുന്നോട്ട് ഉരുണ്ടു നീങ്ങുകയായിരുന്നു.

ഓടിയെത്തിയ ചന്ദ്രദാസ് ലോറിയുടെ കാബിന്‍ വഴി ചാടി ഉള്ളില്‍ കയറാന്‍ ശ്രമിച്ചു. ഇതിനിടെ ലോറി സമീപത്തെ മതിലിനോട് ചേര്‍ന്ന് വന്നപ്പോള്‍ ചന്ദ്രദാസ് ഇതിനിടയില്‍പ്പെട്ടു തത്ക്ഷണം മരിക്കുകയായിരുന്നു.

ഓടിക്കൂടിയ നാട്ടുകാരും വിവരമറിഞ്ഞെത്തിയ പോലീസും ചേര്‍ന്ന് വാഹനം മാറ്റി മൃതദേഹം ആശുപത്രിയിലേയ്ക്ക് മാറ്റി. അപകടത്തില്‍ സമീപത്തെ കടയുടെ ഭിത്തിയും ബോര്‍ഡും തകര്‍ന്നിട്ടുണ്ട്. ലോറിയുടെ ഹാന്‍ഡ് ബ്രേക്ക് ഇടാന്‍ മറന്നതാണ് അപകടത്തിന് കാരണമായത്.