ചേർത്തല: വാഹനാപകടത്തിൽ പരിക്കേറ്റ് ചികിത്സയിലായിരുന്ന ബൈക്ക് യാത്രക്കാരൻ മരിച്ചു. ചേർത്തല നഗരസഭ 18-ാം വാർഡ് കുഴുവേലി കിഴക്കേമഠം പരേതനായ ശിവരാമനുണ്ണിയുടെ മകൻ കെ.എസ്. മനോജ് (47) ആണ് മരിച്ചത്.
കഴിഞ്ഞ ഞായറാഴ്ച വൈകുന്നേരം അഞ്ചോടെ ദേശീയപാതയിൽ മതിലകം ആശുപത്രിക്ക് തെക്ക് ഓട്ടോറിക്ഷയുമായി കൂട്ടിയിടിച്ചായിരുന്നു അപകടം. തലയ്ക്ക് ഗുരുതരമായി പരിക്കേറ്റ മനോജിനെ ചേർത്തലയിലെ സ്വകാര്യ ആശുപത്രിയിലും തുടർന്ന് കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചെങ്കിലും ജീവന് രക്ഷിക്കാനായില്ല. ഡ്രൈവറായിരുന്നു. സംസ്കാരം നടത്തി. മാതാവ് പരേതയായ ഓമനയമ്മ. സഹോദരങ്ങൾ: ശശികല, വിനോദ്കുമാർ, ബിന്ദു, സേതു ലക്ഷ്മി.