കുഴഞ്ഞുവീണ യുവതിക്ക് രക്ഷ: ബസ് ജീവനക്കാരെ അഭിനന്ദിച്ചു
1429529
Sunday, June 16, 2024 2:53 AM IST
മാന്നാർ: ബസിൽ കുഴഞ്ഞു വീണ യുവതിക്ക് രക്ഷകരായ ബസ് ജീവനക്കാരെ മോട്ടോർ വാഹനവകുപ്പ് ആദരിച്ചു. കഴിഞ്ഞദിവസം മാവേലിക്കരയിൽനിന്നു തിരുവല്ലയിലേക്കുള്ള യാത്രമധ്യേ മാന്നാർ ഭാഗത്ത് ബസിനുള്ളിൽ കുഴഞ്ഞുവീണ യുവതിക്ക് രക്ഷകരായ മുഴങ്ങോടിയിൽ ബസിലെ ജീവനക്കാരായ വിഷ്ണു, രഞ്ജിത്ത് എന്നിവരെയാണ് മാവേലിക്കര സബ് ആർടി ഓഫീസിന്റെ നേതൃത്വത്തിൽ ആദരിച്ചത്.
മാവേലിക്കരയിൽനിന്നു തിരുവല്ലയ്ക്ക് യാത്ര ചെയ്ത യുവതി മാന്നാർ കോയിക്കൽ ജംഗ്ഷൻ എത്തിയപ്പോൾ ബസിനുള്ളിൽ കുഴഞ്ഞുവീഴുകയായിരുന്നു. സമൂഹത്തിനു മാതൃകയായ പ്രവർത്തി ചെയ്ത വിഷ്ണുവിനെയും രഞ്ജിത്തിനെയും മാവേലിക്കര ജോയിന്റ് ആർടിഒ എം.ജി. മനോജ് പൊന്നാട അണിയിച്ച് ആദരിച്ചു. മാവേലിക്കര മോട്ടോർ വെഹിക്കിൾ ഇൻസ്പെക്ടർ കെ.എസ്. പ്രമോദ്, അസി. മോട്ടോർ വെഹിക്കിൾ ഇൻസ്പെക്ടർമാരായമാരായ എസ്. ഹരികുമാർ, ജി. ദിനൂപ്, എൻ. പ്രസന്നകുമാർ എന്നിവരും പങ്കെടുത്തു.