ലഹരിവിരുദ്ധ ബോധവത്കരണ പദ്ധതി ആരംഭിച്ചു
1429332
Friday, June 14, 2024 11:39 PM IST
ചേര്ത്തല: ടൗൺ റോട്ടറി ക്ലബിന്റെ ആഭിമുഖ്യത്തില് റോട്ടറി ഡിസ്ട്രിക്ടിന്റെ ലഹരിവിരുദ്ധ ബോധവത്്കരണ പദ്ധതി- മോചനം ചേര്ത്തയിലെ എട്ടു സ്കൂളുകളില് ആരംഭിച്ചു. കുട്ടികളിൽ കൂടിവരുന്ന മയക്കുമരുന്ന് ഉപയോഗം, പുകവലി, മദ്യപാനം, ഇന്റർനെറ്റ് ദുരുപയോഗം എന്നിവ തടയുക എന്ന ലക്ഷ്യത്തോടെ റോട്ടറി ആവിഷ്കരിച്ചതാണ് പദ്ധതി. ചേർത്തല ഗവ. ഗേൾസ് ഹൈസ്കൂൾ, ഗവ. ഹയർ സെക്കൻഡറി സ്കൂൾ, സെന്റ് മേരീസ് ഗേള്സ് ഹൈസ്കൂൾ, കരപ്പുറം യുപി സ്കൂൾ, ചേർത്തല സെന്റ് ആൻസ് സ്കൂൾ, ഹോളി ഫാമിലി ഹൈസ്കൂൾ, ഹോളി ഫാമിലി ഹയർ സെക്കൻഡറി സ്കൂൾ, വല്ല്യാക്കൽ ഗവ. യുപി സ്കൂൾ എന്നിവിടങ്ങളിലാണ് പദ്ധതി നടപ്പിലാക്കിയത്.
പദ്ധതിയുടെ ഭാഗമായി ലഹരിവിരുദ്ധ ബോർഡുകളും ബോധവത്കരണ ക്ലാസും നടത്തി. ചേര്ത്തല ടൗൺ റോട്ടറി ക്ലബ് പ്രസിഡന്റ് കെ. ലാൽജി ഉദ്ഘാടനം ചെയ്തു. അബ്ദുൽ ബഷീർ, തങ്കച്ചൻ ടി. കടവൻ, എന്.ജി. നായർ, ബസന്ത് റോയി തുടങ്ങിയവർ പങ്കെടുത്തു.