വി​ധി പാ​ളി, ക​ളി ക​യ്യാ​ങ്ക​ളി വി​ധി​ക​ര്‍​ത്താ​ക്ക​ളെ കാ​ത്ത് പോ​ലീ​സ്
Thursday, November 30, 2023 1:00 AM IST
ചേ​ര്‍​ത്ത​ല: മ​ത്സ​ര​ങ്ങ​ള്‍ ക​ടു​ത്ത​തോ​ടെ ത​ര്‍​ക്ക​ങ്ങ​ളും ക​യ്യാ​ങ്ക​ളി​യും മു​റു​കി. ക​ലോ​ത്സ​വ​ത്തി​ന്‍റെ ഒ​ന്നാം​ദി​നം മു​ത​ല്‍ വി​ധി​ക​ര്‍​ത്താ​ക്ക​ളു​ടെ പ്ര​ഖ്യാ​പ​ന​ത്തി​ല്‍ പി​ഴ​വു​ണ്ടെ​ന്ന് കാ​ണി​ച്ച് ര​ക്ഷ​ക​ര്‍​ത്താ​ക്ക​ളും സ്‌​കൂ​ള്‍ അ​ധി​കൃ​ത​രും രം​ഗ​ത്ത് വ​ന്നി​രു​ന്നെ​ങ്കി​ലും ഇ​ന്ന​ലെ പു​ല​ര്‍​ച്ചെ ക​യ്യേ​റ്റ​ത്തി​ലും ക​യ്യാ​ങ്ക​ളി​യി​ലു​മാ​യി.

ചൊ​വ്വാ​ഴ്ച രാ​ത്രി തു​ട​ങ്ങി​യ നൃ​ത്ത​മ​ത്സ​ര​ങ്ങ​ള്‍ ബു​ധ​നാ​ഴ്ച പു​ല​ര്‍​ച്ചെ​യാ​ണ് സ​മാ​പി​ച്ച​ത്. ഫ​ലം വ​ന്ന​പ്പോ​ള്‍ സ​മ്മാ​നം പ്ര​തീ​ക്ഷി​ച്ച​വ​ര്‍ ഫ​ല​ത്തി​നെ​തി​രേ രം​ഗ​ത്തെ​ത്തു​ക​യാ​യി​രു​ന്നു. നൃ​ത്ത​മ​ത്സ​ര​ത്തി​ല്‍ പ​ങ്കെ​ടു​ത്ത​വ​രു​ടെ കൂ​ടെ അ​ല​ങ്കാ​ര​ത്തി​നാ​യി ച​മ​യം ഇ​ടാ​ന്‍ വ​ന്ന ചി​ല ട്ര​ന്‍​സ്‌​ജെ​ന്‍​ഡ് ആ​ളു​ക​ളാ​ണ് പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യ​ത്.

ഇ​വ​രു​ടെ കൂ​ടെ മ​റ്റൊ​രു​കൂ​ട്ട​ര്‍ ബ​ഹ​ളം ഉ​ണ്ടാ​ക്കു​ക​യും വി​ധി​ക​ര്‍​ത്താ​ക്ക​ളെ ക​യ്യേ​റ്റ​ത്തി​നു മു​തി​രു​ക​യു​മാ​യി​രു​ന്നു. കൂ​കി വി​ളി​യും അ​ല​റി​വി​ളി​യും ചീ​ത്ത​വി​ളി​യും തെ​റി​വി​ളി​യും മൂ​ലം പ​രി​സ​ര​മാ​കെ ബ​ഹ​ള​മ​യ​മാ​യി. വി​ധി​ക​ര്‍​ത്താ​ക്ക​ള്‍ പ്ര​ധാ​ന​വേ​ദി​ക്കു സ​മീ​പ​മു​ള്ള കെ​ട്ടി​ട​ത്തി​ന്‍റെ ഒ​ന്നാം നി​ല​യി​ല്‍ ക​യ​റി ര​ക്ഷ​പ്പെ​ടാ​ന്‍ ശ്ര​മി​ച്ചെ​ങ്കി​ലും പ്ര​തി​ഷേ​ധ​ക്കാ​ര്‍ ഇ​വ​രു​ടെ പു​റ​കേ പാ​ഞ്ഞു
.
പോ​ലീ​സ് എ​ത്തി ഗേ​റ്റ് പൂ​ട്ടി അ​തി​നു​മു​ന്നി​ലാ​യി വ​ല​യം തീ​ര്‍​ത്ത് പ്ര​തി​ഷേ​ധ​ക്കാ​രെ ത​ട​യു​ക​യാ​യി​രു​ന്നു. പി​ന്നീ​ട് പോ​ലീ​സ് ജീ​പ്പി​ലാ​ണ് ഇ​വ​രെ അ​വി​ടെ നി​ന്നു ര​ക്ഷ​പ്പെ​ടു​ത്തി​യെ​ടു​ത്ത​ത്.

പി​ന്നാ​ലെ​യാ​ണ് ഇ​ന്ന​ലെ പ​ക​ല്‍ എ​ച്ച്എ​സ്എ​സ് വി​ഭാ​ഗം മോ​ണോ​ആ​ക്ടി​ല്‍ മ​ത്സ​ര​പ്ര​ഖ്യാ​പ​ന​ത്തി​ല്‍ പ്ര​തി​ഷേ​ധ​വു​മാ​യി മ​ത്സ​രാ​ര്‍​ഥി കെ​സി​യ മ​രി​യ ടോ​മി സ​ത്യ​ഗ്ര​ഹ​വു​മാ​യി രം​ഗ​ത്തെ​ത്തി​യ​ത്. വി​ധി​ക​ര്‍​ത്താ​ക്ക​ളു​ടെ പ​ക്ഷ​പാ​ത​പ​ര​മാ​യ ന​ട​പ​ടി​യി​ല്‍ പ്ര​തി​ഷേ​ധി​ച്ച് ക​ലാ​ജീ​വി​തം ഇ​ന്ന് വൈ​കു​ന്നേ​ര​ത്തോ​ടെ അ​വ​സാ​നി​പ്പി​ക്കു​മെ​ന്നാ​ണ് കെ​സി​യ മ​രി​യ​യു​ടെ പ്ര​ഖ്യാ​പ​നം.