കു​ള​ത്തൂ​പ്പു​ഴ: ഡീ​സ​ന്‍റു മു​ക്കി​ല്‍ പ്ര​വ​ര്‍​ത്തി​ക്കു​ന്ന വ​നം വ​കു​പ്പ് സെ​ന്‍​ട്ര​ല്‍ ന​ഴ്സ​റി തോ​ട്ട​ത്തി​നു​ള്ളി​ല്‍ കാ​ട്ടാ​ന​ക്കൂ​ട്ട​മെ​ത്തി​യ​തോ​ടെ നാ​ട്ടു​കാ​ര്‍ ഭീ​തി​യി​ല്‍. സെ​ന്‍​ട്ര​ല്‍ ന​ഴ്സ​റി​ക്കു​ള്ളി​ല്‍ വ​ന​പാ​ല​ക​ര്‍ താ​മ​സി​ക്കു​ന്ന ക്വാ​ര്‍​ട്ടേ​ഴ്സു​ക​ള്‍​ക്കും റേ​ഞ്ച് ഓ​ഫീ​സ് കെ​ട്ടി​ത്തി​നും ഏ​താ​നും മീ​റ്റ​ര്‍ മാ​ത്ര​മ​ക​ലെ​യാ​ണ് നാ​ലു കു​ട്ടി​ക​ളും അ​ഞ്ചു വ​ലി​യ ആ​ന​ക​ളും അ​ട​ങ്ങി​യ കാ​ട്ടാ​ന​ക്കൂ​ട്ടം വൈ​കു​ന്നേ​ര​ത്തോ​ടെ​യെ​ത്തി​യ​ത്.

ക​ഴി​ഞ്ഞ ഏ​താ​നും ദി​വ​സ​മാ​യി പ്ര​ദേ​ശ​ത്തെ വ​ന​ത്തി​ല്‍ കാ​ട്ടാ​ന​ക്കൂ​ട്ട​മു​ള​ള​ത് സ​മീ​പ​ത്തെ ആ​ദി​വാ​സി കോ​ള​നി​യി​ലേ​ക്കു​ള്ള യാ​ത്ര​ക്കാ​ര്‍ ക​ണ്ടി​രു​ന്നു. ഇ​വ ന​ട​ന്ന് ജ​ന​വാ​സ മേ​ഖ​ല​യോ​ട് ചേ​ര്‍​ന്നു​ള്ള സെ​ന്‍​ട്ര​ല്‍ ന​ഴ്സ​റി തോ​ട്ട​ത്തി​ലെ​ത്തി.

ഉ​ദ്യോ​ഗ​സ്ഥ​ര്‍ താ​മ​സി​ക്കു​ന്ന ക്വാ​ര്‍​ട്ടേ​ഴ്സു​ക​ളും അ​മ്പ​ലം വാ​ര്‍​ഡി​ലെ ജ​ന​ങ്ങ​ള്‍ താ​മ​സി​ക്കു​ന്ന ജ​ന​വാ​സ മേ​ഖ​ല​യും അ​മ്പ​തേ​ക്ക​ര്‍ വ​ന​പാ​ത​യും ഏ​താ​നും മീ​റ്റ​റു​ക​ള്‍ മാ​ത്രം അ​ക​ല​ത്തി​ലാ​ണു​ള​ള​ത്.

തെ​ങ്ങു​ക​ളും ക​വു​ങ്ങും വാ​ഴ​യുമുള്ള ജ​ന​വാ​സ മേ​ഖ​ല​യി​ലേ​ക്ക് പ്ര​തി​ബ​ന്ധ​ങ്ങ​ളില്ലാ​തെ കാ​ട്ടാ​ന​ക​ൾ എ​ത്തി​ച്ചേ​രാ​നാ​കും. ഇ​ത് പ്ര​ദേ​ശ​വാ​സി​ക​ളു​ടെ ഉ​റ​ക്കം കെ​ടു​ത്തു​ക​യാ​ണ്. കാ​ട്ടാ​ന​ക​ളെ വ​ന​ത്തി​ലേ​ക്ക് തു​ര​ത്താ​നു​ള്ള ശ്ര​മ​ങ്ങ​ള്‍ തു​ട​രു​ക​യാ​ണെ​ന്ന് വ​ന​പാ​ല​ക​ര്‍ പ​റ​ഞ്ഞു.