നി​ഷ്‌​ക​ള​ങ്ക​ത​യു​ടെ പൂ​ക്ക​ള്‍ ഏ​റ്റുവാ​ങ്ങി നി​റ​ചി​രി​യോ​ടെ ജില്ലാ ക​ള​ക്ട​ര്‍
Friday, March 31, 2023 11:23 PM IST
കൊല്ലം: നി​ഷ്‌​ക​ള​ങ്ക​ത​യു​ടെ പ​നി​നീ​ര്‍ പൂ​ക്ക​ള്‍ കൈ​മാ​റി​യ കു​രു​ന്നു​ക​ള്‍​ക്ക് മു​ന്നി​ല്‍ ഉ​പ​ചാ​ര​ങ്ങ​ള്‍ മാ​റ്റി വെ​ച്ചു ക​ള​ക്ട​ര്‍. കു​ട്ടി​ക​ളും ജി​ല്ലാ ക​ള​ക്ട​ര്‍ അ​ഫ്സാ​ന പ​ര്‍​വീ​ണു​മാ​യു​ള്ള കൂ​ടി​ക്കാ​ഴ്ച്ച​യാ​ണ് ക​ളക്ടറേ​റ്റി​ലെ സാ​യാ​ഹ്ന​ത്തെ മ​നോ​ഹ​ര​മാ​ക്കി​യ​ത്. ശാ​സ്താം​കോ​ട്ട മ​നോ​വി​കാ​സി​ലെ മാ​ന​സി​ക വെ​ല്ലു​വി​ളി നേ​രി​ടു​ന്ന കു​ട്ടി​ക​ളാ​ണ് ജി​ല്ലാ ക​ള​ക്ട​ര്‍ അ​ഫ്സാ​ന പ​ര്‍​വീ​ണി​നെ കാ​ണാ​ന്‍ ക​ളക്ടറേറ്റി​ല്‍ എ​ത്തി​യ​ത്.

സ്ഥാ​പ​ന​ത്തി​ലെ വി​നോ​ദ​യാ​ത്ര​യു​ടെ ഭാ​ഗ​മാ​യാ​ണ് കു​ട്ടി​ക​ള്‍ കൊ​ല്ല​ത്ത് എ​ത്തി​യ​ത്. അ​ഡ്വെ​ഞ്ച​ര്‍ പാ​ര്‍​ക്കും ലൈ​റ്റ് ഹൗ​സും ക​ണ്ടശേ​ഷം, ജി​ല്ലാ ക​ള​ക്ട​റെ​യും കാ​ണാ​ന്‍ കു​ട്ടി​ക​ള്‍​ക്ക് ആ​ഗ്ര​ഹം. കു​ട്ടി​ക​ളെ ക​ളക്ടറേ​റ്റി​ന് മു​ന്നി​ല്‍ സ്വീ​ക​രി​ച്ചു. ക​ള​ക്ട​ര്‍​ക്ക് പ​നി​നീ​ര്‍​പൂ​ക്ക​ള്‍ ന​ല്‍​കി​യാ​ണ് ത​ങ്ങ​ളു​ടെ സ്‌​നേ​ഹം പ്ര​ക​ടി​പ്പി​ച്ച​ത്. തു​ട​ര്‍​ന്ന് ക​ള​ക്ട​ര്‍ അ​വ​രോ​ടു പേ​രും വി​ശേ​ഷ​ങ്ങ​ളും ക​ണ്ട കാ​ഴ്ച്ച​ക​ളും ചോ​ദി​ച്ച​റി​ഞ്ഞു. സ്ഥാ​പ​ന​ത്തി​ന്‍റെ കാ​ര്യ​ങ്ങ​ള്‍ അ​ധ്യാ​പ​ക​രോ​ട് തി​ര​ക്കി. ന​ന്നാ​യി പ​ഠി​ക്ക​ണ​മെ​ന്ന ഉ​പ​ദേ​ശ​ത്തി​ന് മു​ന്നി​ല്‍ ത​ല​യാ​ട്ടി​യും ഒ​രേ സ്വ​ര​ത്തോ​ടെ ന​ന്ദി പ​റ​ഞ്ഞാ​ണ് കു​ട്ടി​ക​ള്‍ പി​രി​ഞ്ഞ​ത്.

Copyright @ 2022 , Rashtra Deepika Ltd.