പോ​ലീ​സ് മാ​മ​നെ ക​ണ്ടു, തൊ​ട്ടു; സ്റ്റേ​ഷ​ന്‍ വി​ശേ​ഷ​ങ്ങ​ള്‍ ചോ​ദി​ച്ച​റി​ഞ്ഞ് കു​ട്ടി​ക​ൾ
Wednesday, February 1, 2023 10:48 PM IST
തേ​വ​ല​ക്ക​ര: ക്ലാ​സ്മു​റി​യു​ടെ നാ​ലു​ചു​വ​രു​ക​ൾ ക​ട​ന്ന് പോ​ലീ​സ് സ്റ്റേ​ഷ​നി​ലെ​ത്തി​യ​പ്പോ​ൾ കു​ട്ടി​ക​ൾ​ക്ക് ഒ​ട്ടും ഭ​യം തോ​ന്നി​യി​ല്ല. സി​ഐ​യും എ​സ്ഐ​യും മ​റ്റു പോ​ലീ​സു​കാ​രും എ​ല്ലാം സ്വ​ന്തം വീ​ട്ടു​കാ​രെ​പ്പോ​ലെ, അ​ങ്ങോ​ട്ടു​മി​ങ്ങോ​ട്ടും സം​സാ​രി​ച്ചും ത​മാ​ശ​പ​റ​ഞ്ഞും നി​മി​ഷ​നേ​ര​ത്തി​ൽ അ​വ​ർ പോ​ലീ​സു​കാ​രു​ടെ ച​ങ്ങാ​തി​മാ​രാ​യി.

തേ​വ​ല​ക്ക​ര ഈ​സ്റ്റ് ഗ​വ.​എ​ൽ​പി സ്കൂ​ളി​ലെ കു​ട്ടി​ക​ളാ​ണ് സ​മ​ഗ്ര​ശി​ക്ഷ കേ​ര​ള​യു​ടെ നേ​ത്യ​ത്വ​ത്തി​ൽ ന​ട​പ്പി​ലാ​ക്കു​ന്ന ഇ​ല പാ​ക്കേ​ജി​ന്‍റെ ഭാ​ഗ​മാ​യി ശാ​സ്താം​കോ​ട്ട പോ​ലീ​സ് സ്റ്റേ​ഷ​നി​ലെ​ത്തി​യ​ത്. എ​സ്എ​ച്ച്ഒ അ​നൂ​പി​ന് പൂ​ച്ചെ​ണ്ട് ന​ൽ​കി​യാ​ണ് കു​ട്ടി​ക​ൾ സ്റ്റേ​ഷ​നി​ലു​ള്ളി​ലേ​ക്ക് ക​ട​ന്ന​ത്.

വി​ദ്യാ​ർ​ഥി​ക​ൾ ആ​ദ്യം ലോ​ക്ക​പ്പ് സ​ന്ദ​ർ​ശി​ച്ചു. ലോ​ക്ക​പ്പ് ശൂ​ന്യ​മാ​ണെ​ങ്കി​ലും കു​രു​ന്നു മ​ന​സി​ലെ ചോ​ദ്യ​ങ്ങ​ൾ​ക്ക് മു​ന്നി​ൽ പോ​ലീ​സ് തൊ​പ്പി​യൂ​രി.

"പോ​ലീ​സ് മാ​മാ..... ഇ​തി​ന്‍റെ ഉ​ള്ളി​ലി​ടു​ന്ന ക​ള്ള​നെ ഇ​ടി​ക്കു​മോ?'
"ക​ള്ള​ന് ചോ​റു കൊ​ടു​ക്കു​മോ ..... ?'

"അ​ച്ഛ​നും വ​ഴ​ക്കു​ണ്ടാ​ക്കി​യാ​ൽ കേ​സ് കൊ​ടു​ക്കോ​മോ ?'
"ഹെ​ൽ​മ​റ്റി​ല്ലെ​ങ്കി​ൽ പെ​റ്റി​യ​ട​ക്ക​ണോ?' ചോ​ദ്യ​ങ്ങ​ളു​ടെ നീ​ണ്ട നി​ര.
"സാ​റെ... ഇ​വി​ടെ തോ​ക്കു​ണ്ടോ?" ഷി​ൻ​സി എ​ന്ന നാ​ലാം ക്ലാ​സു​കാ​രി​യു​ടെ ചോ​ദ്യ​ത്തി​ന് മു​ന്നി​ൽ ആ​ശ്ച​ര്യം പൂ​ണ്ട് സാ​റ​ന്മാ​ർ ചി​രി തു​ട​ങ്ങി.

എ​സ്എ​ച്ച്ഒ അ​നൂ​പി​ന്‍റെ ന​ർ​മ​ത്തി​ൽ കു​തി​ർ​ന്ന വി​ശ​ദീ​ക​ര​ണ​ത്തി​ൽ നി​യ​മ​പാ​ല​ന​ത്തെ​ക്കു​റി​ച്ചും നി​യ​മ​ലം​ഘ​ന​ത്തെ​ക്കു​റി​ച്ചു​ള്ള​തെ​ല്ലാം കു​ട്ടി​ക​ൾ മ​ന​സി​ലാ​ക്കി. സി​ഐ ന​ൽ​കി​യ ചോ​ക്ലേ​റ്റു​മാ​യി കു​ട്ടി​ക​ൾ സ​ന്തോ​ഷ​ത്തോ​ടെ മ​ട​ങ്ങി. പ്ര​ധാ​ന​ധ്യാ​പി​ക എൽ. അ​നി​ത, എ​സ്ആ​ർ​ജി ക​ൺ​വീ​ന​ർ രാ​ജ് ലാ​ൽ തോ​ട്ടു​വാ​ൽ, ജ്യോ​തി​ഷ് ക​ണ്ണ​ൻ, ബി​നി​താ ബി​നു, അ​ജി​താ കു​മാ​രി, ഷി​ബി എ​ന്നി​വ​ർ സ​ന്ദ​ർ​ശ​ന​ത്തി​ന് നേ​തൃ​ത്വം ന​ൽ​കി.

Copyright @ 2022 , Rashtra Deepika Ltd.