സ്വ​ന്തം ലേ​ഖ​ക​ൻ

കാ​സ​ർ​ഗോ​ഡ്: ത​ദ്ദേ​ശ​സ്വ​യം​ഭ​ര​ണ വ​കു​പ്പ് ഏ​കീ​ക​ര​ണ​ത്തി​ന്‍റെ ഭാ​ഗ​മാ​യി വി​ല്ലേ​ജ് എ​ക്സ്റ്റ​ൻ​ഷ​ൻ ഓ​ഫീ​സ​ർ​മാ​ർ​ക്ക് പു​തി​യ ഹാ​ജ​ർ നി​ബ​ന്ധ​ന ഏ​ർ​പ്പെ​ടു​ത്തി​യ​തി​നെ​തി​രെ ഉ​ദ്യോ​ഗ​സ്ഥ​ർ സ​മ​ര​രം​ഗ​ത്ത്.

ലൈ​ഫ് മി​ഷ​ൻ, പി​എം​എ​വൈ വീ​ട് നി​ർ​മാ​ണം, അ​റ്റ​കു​റ്റ​പ്പ​ണി, തൊ​ഴി​ലു​റ​പ്പ്, ഹ​രി​ത​ക​ർ​മ​സേ​ന, ക്ഷേ​മ​പെ​ൻ​ഷ​ൻ, ശു​ചി​ത്വം, ജ​ല​സം​ര​ക്ഷ​ണം തു​ട​ങ്ങി എ​ണ്ണ​മ​റ്റ പ​ദ്ധ​തി​ക​ളു​ടെ നി​ർ​വ​ഹ​ണ ചു​മ​ത​ല വ​ഹി​ക്കു​ന്ന വി​ഇ​ഒ​മാ​ർ എ​ല്ലാ പ്ര​വൃ​ത്തി​ദി​വ​സ​ങ്ങ​ളി​ലും രാ​വി​ലെ​യും വൈ​കു​ന്നേ​ര​വും ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​മാ​ർ​ക്ക് മു​മ്പാ​കെ നേ​രി​ട്ടെ​ത്തി ഹാ​ജ​ർ രേ​ഖ​പ്പെ​ടു​ത്ത​ണ​മെ​ന്നാ​ണ് പു​തി​യ നി​ബ​ന്ധ​ന.

ഫീ​ൽ​ഡ് ത​ല പ​രി​ശോ​ധ​ന​ക​ൾ​ക്കും മ​റ്റ് ഓ​ഫീ​സു​ക​ളി​ൽ ഔ​ദ്യോ​ഗി​ക യോ​ഗ​ങ്ങ​ൾ​ക്കും പോ​കു​ന്ന​തി​ന് ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​മാ​രു​ടെ മു​ൻ​കൂ​ർ അ​നു​മ​തി വാ​ങ്ങേ​ണ്ട​താ​ണെ​ന്നും ഉ​ത്ത​ര​വി​ൽ പ​റ​യു​ന്നു. ഇ​തു​വ​രെ ബ്ലോ​ക്ക് പ​ഞ്ചാ​യ​ത്ത് ഓ​ഫീ​സു​ക​ളു​ടെ നേ​രി​ട്ടു​ള്ള നി​യ​ന്ത്ര​ണ​ത്തി​ലാ​ണ് വി​ഇ​ഒ​മാ​ർ പ്ര​വ​ർ​ത്തി​ച്ചി​രു​ന്ന​ത്. ബ്ലോ​ക്ക് പ​ഞ്ചാ​യ​ത്ത് ഓ​ഫീ​സി​ൽ നേ​രി​ട്ട് ഹാ​ജ​രാ​കു​ന്ന ദി​വ​സ​ങ്ങ​ളി​ൽ അ​വി​ടെ​യും മ​റ്റു ദി​വ​സ​ങ്ങ​ളി​ൽ അ​ത​ത് ഗ്രാ​മ​പ​ഞ്ചാ​യ​ത്തി​ലെ വി​ഇ​ഒ ഓ​ഫീ​സി​ലു​മാ​ണ് ഇ​വ​ർ ഹാ​ജ​ർ രേ​ഖ​പ്പെ​ടു​ത്തി​യി​രു​ന്ന​ത്. പൊ​തു​വേ ഗ്രാ​മ​പ​ഞ്ചാ​യ​ത്ത് ഓ​ഫീ​സു​ക​ളി​ൽ​നി​ന്ന് മാ​റി മ​റ്റു സ്ഥ​ല​ങ്ങ​ളി​ലും കെ​ട്ടി​ട​ങ്ങ​ളി​ലു​മാ​ണ് വി​ഇ​ഒ ഓ​ഫീ​സു​ക​ൾ സ്ഥി​തി​ചെ​യ്യു​ന്ന​ത്. ഓ​രോ ദി​വ​സ​വും ന​ട​ത്തു​ന്ന ഫീ​ൽ​ഡ്ത​ല പ​രി​ശോ​ധ​ന​ക​ളു​ടെ ഡ​യ​റി​യും ബ്ലോ​ക്ക് പ​ഞ്ചാ​യ​ത്ത് ഓ​ഫീ​സി​ലാ​ണ് ന​ല്കി​യി​രു​ന്ന​ത്. ന​വം​ബ​ർ ഒ​ന്നു​മു​ത​ൽ ഇ​തെ​ല്ലാം ഗ്രാ​മ​പ​ഞ്ചാ​യ​ത്ത് ഓ​ഫീ​സി​ലേ​ക്ക് മാ​റ്റ​ണ​മെ​ന്നാ​ണ് സ​ർ​ക്കാ​രി​ന്‍റെ ഉ​ത്ത​ര​വ്. എ​ന്നാ​ൽ ശ​മ്പ​ളം മാ​ത്രം തു​ട​ർ​ന്നും ബ്ലോ​ക്ക് പ​ഞ്ചാ​യ​ത്ത് ഓ​ഫീ​സു​ക​ളി​ൽ നി​ന്നാ​യി​രി​ക്കും.

ഇ​ങ്ങ​നെ​യാ​ണെ​ങ്കി​ൽ വി​ഇ​ഒ​മാ​രെ പൂ​ർ​ണ​മാ​യും ഗ്രാ​മ​പ​ഞ്ചാ​യ​ത്തി​നു കീ​ഴി​ലാ​ക്ക​ണ​മെ​ന്നും നി​ർ​വ​ഹ​ണ ചു​മ​ത​ല ഒ​ഴി​വാ​ക്ക​ണ​മെ​ന്നു​മാ​ണ് ഉ​ദ്യോ​ഗ​സ്ഥ​രു​ടെ ആ​വ​ശ്യം. നി​ല​വി​ൽ വി​ഇ​ഒ​മാ​രു​ടെ ശ​മ്പ​ള വ്യ​വ​സ്ഥ ഗ്രാ​മ​പ​ഞ്ചാ​യ​ത്തു​ക​ളി​ലെ എ​ൽ​ഡി ക്ലാ​ർ​ക്കി​ന് തു​ല്യ​മാ​ണ്. ഫീ​ൽ​ഡ്ത​ല പ​രി​ശോ​ധ​ന​യ്ക്ക് പോ​കു​ന്ന​ത് ജോ​ലി​യു​ടെ പ്ര​ധാ​ന ചു​മ​ത​ല​യാ​യ​തി​നാ​ൽ അ​തി​ന് പ്ര​ത്യേ​കം യാ​ത്ര​പ്പ​ടി​യും ന​ല്കാ​റി​ല്ല. എ​ൽ​ഡി ക്ലാ​ർ​ക്കി​ന്‍റെ ശ​മ്പ​ള വ്യ​വ​സ്ഥ​യും സെ​ക്ര​ട്ട​റി​ക്ക് തു​ല്യ​മാ​യ ഉ​ത്ത​ര​വാ​ദി​ത്വ​വും ജോ​ലി​ഭാ​ര​വും വ​ഹി​ക്കേ​ണ്ടി​വ​രു​ന്ന​ത് നീ​തീ​ക​രി​ക്കാ​നാ​കി​ല്ലെ​ന്ന് അ​വ​ർ ചൂ​ണ്ടി​ക്കാ​ട്ടു​ന്നു. പ​ഞ്ചാ​യ​ത്ത് ആ​സ്ഥാ​ന​ങ്ങ​ളി​ൽ​നി​ന്ന് കി​ലോ​മീ​റ്റ​റു​ക​ൾ അ​ക​ലെ​യു​ള്ള സ്ഥ​ല​ങ്ങ​ളി​ൽ ഫീ​ൽ​ഡ്ത​ല പ​രി​ശോ​ധ​ന​ക​ൾ​ക്ക് പോ​കു​മ്പോ​ൾ അ​ഞ്ചു​മ​ണി​ക്കു​മു​മ്പ് തി​രി​കെ​യെ​ത്തി ഹാ​ജ​ർ രേ​ഖ​പ്പെ​ടു​ത്തു​ക​യെ​ന്ന​ത് അ​പ്രാ​യോ​ഗി​ക​മാ​ണെ​ന്നും അ​വ​ർ പ​റ​യു​ന്നു.

പു​തി​യ ഉ​ത്ത​ര​വ് പ്ര​കാ​രം വി​ഇ​ഒ​മാ​രു​ടെ ത​സ്തി​ക​പ്പേ​രി​ൽ​നി​ന്ന് വി​ല്ലേ​ജ് എ​ന്ന​ത് ഒ​ഴി​വാ​ക്കി എ​ക്സ്റ്റ​ൻ​ഷ​ൻ ഓ​ഫീ​സ​ർ എ​ന്നു​മാ​ത്രം ആ​ക്കി​യി​ട്ടു​ണ്ട്. നേ​ര​ത്തേ ഗ്രാ​മ​വി​ക​സ​ന​വ​കു​പ്പി​ൽ ബ്ലോ​ക്ക് ഓ​ഫീ​സു​ക​ൾ​ക്കു കീ​ഴി​ൽ ഗ്രാ​മ​സേ​വ​ക​ൻ എ​ന്ന പേ​രി​ലു​ണ്ടാ​യി​രു​ന്ന ത​സ്തി​ക​യാ​ണ് പി​ന്നീ​ട് വി​ല്ലേ​ജ് എ​ക്സ്റ്റ​ൻ​ഷ​ൻ ഓ​ഫീ​സ​റാ​യ​ത്.

പേ​രി​ൽ​നി​ന്ന് വി​ല്ലേ​ജ് ഒ​ഴി​വാ​ക്കു​ന്ന​ത് റ​വ​ന്യൂ​വ​കു​പ്പി​ലെ വി​ല്ലേ​ജ് ഓ​ഫീ​സ​റു​മാ​യു​ള്ള സാ​ദൃ​ശ്യം ഒ​ഴി​വാ​ക്കാ​നാ​ണെ​ന്നാ​ണ് ബ​ന്ധ​പ്പെ​ട്ട​വ​രു​ടെ വി​ശ​ദീ​ക​ര​ണം. 1994 ൽ ​പ​ഞ്ചാ​യ​ത്ത രാ​ജ് നി​യ​മം ന​ട​പ്പാ​ക്കി​യ​പ്പോ​ഴാ​ണ് ആ​രോ​ഗ്യം, കൃ​ഷി തു​ട​ങ്ങി​യ വ​കു​പ്പു​ക​ളി​ലെ സ്ഥാ​പ​ന​ങ്ങ​ൾ​ക്കൊ​പ്പം വി​ല്ലേ​ജ് എ​ക്സ്റ്റ​ൻ​ഷ​ൻ ഓ​ഫീ​സു​ക​ളെ​യും പ​ഞ്ചാ​യ​ത്തു​ക​ൾ​ക്ക് കീ​ഴി​ലാ​ക്കി​യ​ത്. ഗ്രാ​മ​വി​ക​സ​ന​വ​കു​പ്പും പ​ഞ്ചാ​യ​ത്തു​ക​ളു​മാ​യി ബ​ന്ധ​പ്പെ​ട്ട ഒ​ട്ട​ന​വ​ധി പ​ദ്ധ​തി​ക​ളു​ടെ നി​ർ​വ​ഹ​ണ ചു​മ​ത​ല ഉ​ണ്ടെ​ങ്കി​ലും എ​ല്ലാ ജോ​ലി​ക​ളും ഒ​രാ​ൾ ഒ​റ്റ​യ്ക്കു ചെ​യ്യേ​ണ്ട അ​വ​സ്ഥ​യാ​ണ് ഈ ​ഓ​ഫീ​സു​ക​ളി​ലു​ള്ള​ത്. ഇ​തി​നെ​ല്ലാം പു​റ​മേ ഹാ​ജ​ർ രേ​ഖ​പ്പെ​ടു​ത്താ​നും ഫീ​ൽ​ഡി​ൽ പോ​കു​ന്ന​തി​ന് അ​നു​മ​തി വാ​ങ്ങാ​നും എ​ല്ലാ​ദി​വ​സ​വും പ​ഞ്ചാ​യ​ത്ത് ഓ​ഫീ​സി​ൽ പോ​കേ​ണ്ടി​വ​ന്നാ​ൽ അ​ത് ഓ​ഫീ​സ് പ്ര​വ​ർ​ത്ത​ന​ങ്ങ​ളെ താ​ളം​തെ​റ്റി​ക്കു​മെ​ന്ന് ഇ​വ​ർ പ​റ​യു​ന്നു.

എ​ന്നാ​ൽ ഇ​തോ​ടൊ​പ്പം പ​ദ്ധ​തി​ക​ളു​ടെ നി​ർ​വ​ഹ​ണ ചു​മ​ത​ല കൂ​ടി ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​മാ​ർ​ക്ക് കൈ​മാ​റി​യാ​ൽ അ​മി​ത​മാ​യ ഉ​ത്ത​ര​വാ​ദി​ത്വ​ങ്ങ​ളു​ടെ ഭാ​ര​മി​ല്ലാ​തെ സെ​ക്ര​ട്ട​റി​മാ​ർ​ക്കു​കീ​ഴി​ൽ ജോ​ലി​ചെ​യ്യാ​ൻ ത​ങ്ങ​ൾ സ​ന്ന​ദ്ധ​മാ​ണെ​ന്നും അ​വ​ർ പ​റ​യു​ന്നു.