മഞ്ചേരി: വിവിധ പ്രദേശങ്ങളില് മഞ്ഞപ്പിത്തം പടരുന്നതിന്റെ ഭാഗമായി പ്രതിരോധ നിര്ദേശങ്ങളുമായി ജില്ലാ നിയമസേവന അഥോറിറ്റി രംഗത്ത്. ഏറനാട് താലൂക്ക് ലീഗല് സര്വീസസ് കമ്മിറ്റിയുടെ സഹകരണത്തോടെ മഞ്ചേരി സീതിഹാജി സ്മാരക ബസ് സ്റ്റാന്ഡില് പ്രചാരണ പ്രവര്ത്തനങ്ങളുടെ ഉദ്ഘാടനം ജില്ലാ ലീഗല് സര്വീസസ് അഥോറിറ്റി സെക്രട്ടറിയും സബ് ജഡ്ജുമായ എം. ഷാബിര് ഇബ്രാഹിം നിര്വഹിച്ചു.
സെക്ഷന് ഓഫീസര് വി.ജി. അനിത, എം. റീന, കെ.പി. അബ്ദുള്ജവാദ് എന്നിവര് സംബന്ധിച്ചു. ബസ് സ്റ്റാന്ഡിലെത്തിയ യാത്രക്കാര്ക്കും ഓട്ടോറിക്ഷാ, ബസ് ജീവനക്കാര്ക്കും കച്ചവട സ്ഥാപനങ്ങളിലും മഞ്ഞപ്പിത്തം, സൂര്യതാപം എന്നിവക്കെതിരേ സ്വീകരിക്കേണ്ട നിര്ദേശങ്ങളടങ്ങിയ ലഘുലേഖകള് വിതരണം ചെയ്തു.
പാരാലീഗല് വോളണ്ടിയര്മാരായ കെ. അമ്പിളി, കെ. പങ്കജം, ലില്ലി മാത്യു, എം. സാജിത, ശബ്ന എം. കാട്ടു, കെ. സാഹിറ, എന്. ജനത, എന്. ജലജ, കെ. രമ്യ, പി.കെ. ചന്ദ്രബാബു, രവീന്ദ്രന് മംഗലശേരി, ടി.പി. സുരേശന്, കെ. ഷാഹുല് ഹമീദ് എന്നിവര് നേതൃത്വം നല്കി.