മങ്കട : കൊളത്തൂര്‍ നാഷണല്‍ ഫുട്ബോള്‍ ടൂര്‍ണമെന്‍റ് ഏപ്രില്‍ 14 ന് തുടങ്ങും. മഞ്ഞളാംകുഴി അലി എംഎല്‍എ ഉദ്ഘാടനം ചെയ്യും. ജീവകാരുണ്യം കാല്‍പന്തുകളിയിലൂടെ എന്ന പ്രമേയത്തില്‍ ടൂര്‍ണമെന്‍റിന്‍റെ സീസണ്‍ ടിക്കറ്റ് വിതരണോദ്ഘാടനം കൊളത്തൂര്‍ സബ് ഇന്‍സ്പെക്ടര്‍ ബാബു, റിഷാദ് തവക്കല്‍ ഗോള്‍ഡിന് നല്‍കി നിര്‍വഹിച്ചു.
ജീവകാരുണ്യ പ്രവര്‍ത്തനങ്ങള്‍ക്ക് ഫണ്ട് കണ്ടെത്താനാണ് സെവന്‍സ് ഫുട്ബോള്‍ ടൂര്‍ണമെന്‍റ് സംഘടിപ്പിക്കുന്നത്. സ്റ്റാന്‍ഡിംഗ് കമ്മിറ്റി ചെയര്‍മാന്‍ സക്കീര്‍ കളത്തിങ്ങല്‍ അധ്യക്ഷത വഹിച്ചു.
ഗ്രാമപഞ്ചായത്ത് വൈസ് പ്രസിഡന്‍റ് പി. അബ്ദുള്‍ മുനീര്‍ മുഖ്യാതിഥിയായിരുന്നു. കുറുവ ഗ്രാമപഞ്ചായത്ത് മെംബര്‍ ഷിഹാബ് പൂഴിത്തറ, കബ് പ്രസിഡന്‍റ് കെ.വി. ബഷീര്‍, മുഖ്യസ്പോണ്‍സറായ അസാസ് എല്‍ഇഡി ലൈറ്റ്സ് പാര്‍ട്ട്ണര്‍ മുന്നാസ്, വിന്നേഴ്സ് ട്രോഫി സ്പോണ്‍സര്‍ കീ ടീസ് ഇലക്ട്രിക്കല്‍സ് പാര്‍ട്ട്ണര്‍മാരായ നാഫി, ജാഫര്‍, റണ്ണേഴ്സ് ട്രോഫി സ്പോണ്‍സര്‍ കെ.ടി. മൊയ്തീന്‍കുട്ടി, സ്റ്റേഡിയം സ്പോണ്‍സര്‍ തൗഫീഖ് ഗോള്‍ഡ് പാങ്ങ് പാര്‍ട്ട്ണര്‍ സൈനുദീന്‍, ഷിഹാബ് നൗഫല്‍, അഫ്സല്‍, ഷമീം, ഷൗക്കത്ത്, ഇസ്ഹാഖ്, മുജീബ്, അസൈനാര്‍, ഹംസ, നിസാം, നൗഷാദ്, ഹാരിസ്, സുഹൈല്‍, ജനറല്‍ കണ്‍വീനര്‍ കെ.ടി.എ. മജീദ്, ക്ലബ് സെക്രട്ടറി ബാവ എന്നിവര്‍ പ്രസംഗിച്ചു. വാര്‍ത്താ സമേളനത്തില്‍ ജനറല്‍ കണ്‍വീനര്‍ കെ.ടി.എ. മജീദ്, ക്ലബ് പ്രസിഡന്‍റ് കെ.വി. ബഷീര്‍, സെക്രട്ടറി ബാവ, ഭാരവാഹികളായ ടി. ഷിഹാബ്, അസൈനാര്‍, അഫ്സല്‍, റിയാസ്, ഷൗക്കത്ത്, ഹാരിസ് എന്നിവര്‍ പങ്കെടുത്തു.