പെരിന്തല്‍മണ്ണ : പെരിന്തല്‍മണ്ണ സായി സ്നേഹതീരം ട്രൈബല്‍ ഹോസ്റ്റലില്‍ കൊളത്തൂര്‍ ശിവശങ്കരന്‍ സ്മാരക എന്‍ഡോവ്മെന്‍റ് വിതരണവും രക്ഷാകര്‍ത്തൃ ആദരായണവും ചലച്ചിത്ര പ്രദര്‍ശനവും നടത്തി.
എന്‍ഡോവ്മെന്‍റ് വിതരണോദ്ഘാടനം ഡോ. എസ്. രാമദാസ് നിര്‍വഹിച്ചു. അനുസ്മരണ പ്രഭാഷണം കെ.എസ്. ഗോപാലകൃഷ്ണന്‍ നടത്തി.കെ.ആര്‍. രവി അധ്യക്ഷത വഹിച്ചു. രക്ഷാകര്‍ത്തൃ ആദരായണം ഡോ.കെ.എ. സീതി, രക്ഷിതാവായ എം.എം. ലീലയ്ക്ക് നല്‍കി നിര്‍വഹിച്ചു. 45 രക്ഷിതാക്കള്‍ക്ക് ഇന്ത്യന്‍ മെഡിക്കല്‍ അസോസിയേഷന്‍ പെരിന്തല്‍മണ്ണ ബ്രാഞ്ച് വസ്ത്രങ്ങള്‍ നല്‍കി.
മുന്‍ എംഎല്‍എ വി. ശശികുമാര്‍, ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക, ഐഎംഎ പ്രസിഡന്‍റ് ഡോ. ഷാജി അബ്ദുള്‍ഗഫൂര്‍, ജില്ലാ ആര്‍സിഎച്ച് ഓഫീസര്‍ ഡോ. പമീലി, ഡോ. കൊച്ചു എസ്. മണി, ഡോ. മുബാറക് സാനി, ഡോ. അമൃതം കൃഷ്ണദാസ്, ഡോ. ഫെബിന സീതി, കുറ്റീരി മാനുപ്പ, ഡോ. ഫവാസ് അലി, ബിജുമോന്‍ പന്തിരു കുലം, റിട്ടയേര്‍ഡ് ജില്ലാ ജഡ്ജി രമേഷ്ഭായ്, ഡോ. അശോക് വത്സല, എം.കെ. ശ്രീധരന്‍, അഡ്വ. സുപ്രിയ, ഡോ. ദിലീപ്, ഡോ. സാലിം, ഡോ. ഷീബ കൃഷ്ണദാസ്, ഡോ. ശ്യാമളദേവ്, കെ.ടി. വിജയകുമാര്‍, കെ. പ്രസാദ്, കെ.സി. അബ്ദുള്‍ ലത്തീഫ്, ഹോസ്റ്റല്‍ വിദ്യാര്‍ഥികളായ ഉണ്ണികൃഷ്ണന്‍, എം.എം. രാജു എന്നിവര്‍ പ്രസംഗിച്ചു.