നെ​യ്യാ​റ്റി​ന്‍​ക​ര: നെ​യ്യാ​ര്‍ കൃ​ഷ്ണ​പു​രം ആ​റാ​ട്ടു​ക​ട​വി​ല്‍ മു​ന്ന​റി​യി​പ്പ് ബോ​ര്‍​ഡ് സ്ഥാ​പി​ക്ക​ണ​മെ​ന്ന് ന​ഗ​ര​സ​ഭ ആ​രോ​ഗ്യ സ്ഥി​രം സ​മി​തി ചെ​യ​ര്‍​മാ​ന്‍ ജെ. ​ജോ​സ് ഫ്രാ​ങ്ക്ളി​നും ന​ദി​യി​ലേ​യ്ക്ക് മാ​ലി​ന്യം ഒ​ഴു​ക്കി വി​ടു​ന്ന​തി​നെ​തി​രെ ക​ര്‍​ശ​ന ന​ട​പ​ടി സ്വീ​ക​രി​ക്ക​ണ​മെ​ന്ന് കൗ​ണ്‍​സി​ല​ര്‍ മ​ഞ്ച​ത്ത​ല സു​രേ​ഷും ആ​വ​ശ്യ​പ്പെ​ട്ടു.

നെ​യ്യാ​റി​ല്‍ പ​ല​യി​ട​ത്തും മു​ന്പ് വ​ന്‍​തോ​തി​ല്‍ മ​ണ​ലൂ​റ്റ് പ്ര​വൃ​ത്തി​ക​ള്‍ ആ​വ​ര്‍​ത്തി​ച്ചി​രു​ന്നു. ന​ദി​യു​ടെ സ്വ​ത​സി​ദ്ധ​മാ​യ ഒ​ഴു​ക്കി​നും ന​ദി​യോ​ട് ചേ​ര്‍​ന്ന ക​ര​യു​ടെ നി​ല​നി​ല്‍​പ്പി​നും ഭീ​ഷ​ണി സൃ​ഷ്ടി​ച്ചി​രു​ന്ന ഇ​ത്ത​രം അ​ന​ധി​കൃ​ത ന​ട​പ​ടി​ക​ള്‍ നി​യ​ന്ത്ര​ണാ​ധീ​ന​മാ​യെ​ന്നാ​ണ് നി​ല​വി​ല്‍ അ​ധി​കൃ​ത​രു​ടെ അ​വ​കാ​ശ​വാ​ദം. അ​തേ സ​മ​യം, പ​രി​ധി​ക​ളി​ല്ലാ​തെ തു​ട​ര്‍​ന്ന പ്ര​വൃ​ത്തി​ക​ള്‍ ന​ദി​യു​ടെ ആ​ഴ​വും വീ​തി​യും വ​ര്‍​ധി​പ്പി​ച്ചി​ട്ടു​ണ്ട്. ചി​ല ക​ട​വു​ക​ളി​ല്‍ ക​ര​യി​ടി​ച്ചു വ​രെ മ​ണ​ലൂ​റ്റി​യി​രു​ന്നു.

നെ​യ്യാ​റി​ന്‍റെ ആ​ഴ​മ​റി​യാ​തെ ന​ദി​യി​ലി​റ​ങ്ങി​യ നി​ര​വ​ധി പേ​ര്‍ മു​ങ്ങി മ​രി​ച്ചി​ട്ടു​ണ്ടെ​ന്ന് ത​ദ്ദേ​ശ​വാ​സി​ക​ള്‍ ചൂ​ണ്ടി​ക്കാ​ട്ടി. ശ​രി​യാ​യ സം​ര​ക്ഷ​ണ​മി​ല്ലാ​തെ നെ​യ്യാ​ര്‍ നാ​ശ​ത്തി​ലേ​യ്ക്ക് കൂ​പ്പു കു​ത്തു​ക​യാ​ണെ​ന്ന പ​രി​സ്ഥി​തി​വാ​ദി​ക​ളു​ടെ പ​രാ​തി​ക​ള്‍ ഇ​പ്പോ​ഴും ഉ​യ​രു​ന്നു​ണ്ട്.

അ​പ​ക​ട സാ​ധ്യ​ത​യു​ള്ള ക​ട​വു​ക​ളി​ല്‍ മു​ന്ന​റി​യി​പ്പ് ബോ​ര്‍​ഡു​ക​ള്‍ സ്ഥാ​പി​ക്ക​ണ​മെ​ന്ന ആ​വ​ശ്യം കൃ​ഷ്ണ​പു​രം ആ​റാ​ട്ടു ക​ട​വി​ലെ വി​ദ്യാ​ര്‍​ഥി​യു​ടെ മു​ങ്ങി​മ​ര​ണ​വു​മാ​യി ബ​ന്ധ​പ്പെ​ട്ട് ന​ഗ​ര​സ​ഭ ആ​രോ​ഗ്യ സ്ഥി​രം സ​മി​തി ജെ. ​ജോ​സ് ഫ്രാ​ങ്ക്ളി​ന്‍ മു​ന്നോ​ട്ടു​വ​യ്ക്കു​ക​യു​ണ്ടാ​യി.

ന​ഗ​ര​സ​ഭ കൗ​ണ്‍​സി​ല​റും നെ​യ്യാ​ർ സം​ര​ക്ഷ​ണ സ​മി​തി പ്ര​സി​ഡ​ന്‍റു​മാ​യ മ​ഞ്ച​ത്ത​ല സു​രേ​ഷ് ന​ദി​യി​ലെ മാ​ലി​ന്യ​ശേ​ഖ​ര​ത്തി​ലും ആ​ശ​ങ്ക പ്ര​ക​ടി​പ്പി​ച്ചു.