വീ​ടു​ക​ള്‍ പൊ​ളി​ച്ചുനീക്കാ​ന്‍ വൈ​കു​ന്ന​തി​ല്‍ ​ ചേ​ല​ക്ക​ട​വ് നി​വാ​സി​ക​ളു​ടെ പ്ര​തി​ഷേ​ധം
Saturday, November 2, 2024 4:55 AM IST
ഇ​രി​ങ്ങാ​ല​ക്കു​ട: ന​ഗ​ര​സ​ഭ ര​ണ്ടാം വാ​ര്‍​ഡി​ല്‍ സാ​മൂ​ഹ്യവി​രു​ദ്ധ​രു​ടെ കേ​ന്ദ്ര​മാ​യി മാ​റി​യി​ട്ടു​ള്ള ചേ​ല​ക്ക​ട​വ് പ്ര​ദേ​ശ​ത്തെ വീ​ടു​ക​ള്‍ പൊ​ളി​ച്ചുനീ​ക്കാ​ന്‍ വൈ​കു​ന്ന​തി​ല്‍ ​ചേ​ല​ക്ക​ട​വ് നി​വാ​സി​ക​ളു​ടെ പ്ര​തി​ഷേ​ധം. ന​ഗ​ര​സ​ഭയോ​ഗം ത​ന്നെ ഇ​തുസം​ബ​ന്ധി​ച്ച് തീ​രു​മാ​ന​മെ​ടു​ത്തി​ട്ടും പൊ​ളി​ച്ചുനീ​ക്കു​ന്ന ന​ട​പ​ടി വൈ​കു​ന്ന​തി​ല്‍ പ്ര​തി​ഷേ​ധി​ച്ച് പ്ര​തി​പ​ക്ഷ കൗ​ണ്‍​സി​ല​ര്‍​മാ​രു​ടെ നേ​ത്യ​ത്വ​ത്തി​ലാ​ണ് ചേ​ല​ക്ക​ട​വ് നി​വാ​സി​ക​ള്‍ ന​ഗ​ര​സ​ഭ ചെ​യ​ര്‍​പേ​ഴ്‌​സ​ന്‍റെ മു​ന്നി​ല്‍ എ​ത്തി​യ​ത്.

അ​ന​ധി​കൃ​ത​മാ​യി നി​ലകൊ​ള്ളു​ന്ന വീ​ടു​ക​ള്‍ ല​ഹ​രി മാ​ഫി​യ​യു​ടെ വി​ല്പ​നകേ​ന്ദ്ര​ങ്ങ​ളാ​യി മാ​റി​ക്ക​ഴി​ഞ്ഞു​വെ​ന്നും ജോ​ലി ക​ഴി​ഞ്ഞ് മ​ട​ങ്ങു​ക​യാ​യി​രു​ന്ന ര​ണ്ടു പേ​രെ​യാ​ണ് വീ​ടു​ക​ളി​ല്‍ വൈ​കു​ന്നേ​ര​ങ്ങ​ളി​ല്‍ ത​മ്പ​ടി​ച്ച​വ​ര്‍ അ​ക്ര​മി​ച്ച​തെ​ന്നും രാ​ത്രി ഇ​തുവ​ഴി ന​ട​ക്കാ​ന്‍ ക​ഴി​യാ​ത്ത സാ​ഹ​ച​ര്യ​മാ​ണെ​ന്നും ചേ​ല​ക്ക​ട​വി​ല്‍നി​ന്ന് എ​ത്തി​യ സ്ത്രീ​ക​ള്‍ അ​ട​ക്ക​മു​ള്ള​വ​ര്‍ ചൂ​ണ്ടി​ക്കാ​ട്ടി.

ഇ​ക്കാ​ര്യ​ത്തി​ല്‍ കൗ​ണ്‍​സി​ല്‍ ന​ട​പ​ടി​ക​ള്‍ സ്വീ​ക​രി​ച്ചുവ​രി​ക​യാ​യി​രു​ന്നു​വെ​ന്നും ഇ​തി​നി​ട​യി​ല്‍ വീ​ടു​ക​ള്‍ പൊ​ളി​ച്ചുനീ​ക്കു​ന്ന ന​ട​പ​ടി​യി​ല്‍ സാ​വ​കാ​ശം വേ​ണ​മെ​ന്ന് ആ​വ​ശ്യ​പ്പെ​ട്ട് കൗ​ണ്‍​സി​ല​ര്‍ സ​ന്തോ​ഷ് ബോ​ബ​ന്‍റെ നേ​തൃ​ത്വ​ത്തി​ല്‍ പ​രാ​തി ല​ഭി​ച്ചി​ട്ടു​ണ്ടെ​ന്നും പ​രാ​തി ന​ല്‍​കി​യ​വ​രു​ടെ ഹിയ​റിം​ഗ് ന​ട​പ​ടി​ക​ള്‍ പൂ​ര്‍​ത്തി​യാ​ക്കേ​ണ്ട​തു​ണ്ടെ​ന്നും ചെ​യ​ര്‍ പേ​ഴ്‌​സ​ണ്‍ മേ​രി​ക്കു​ട്ടി ജോ​യ് വി​ശ​ദീ​ക​രി​ച്ചു.

ര​ണ്ടുവ​ര്‍​ഷ​മാ​യി ഇ​ക്കാ​ര്യം ഉ​ന്ന​യി​ച്ച് വ​രി​ക​യാ​ണെ​ന്ന് വാ​ര്‍​ഡ് കൗ​ണ്‍​സി​ല​ര്‍ രാ​ജി കൃ​ഷ്ണ​കു​മാ​റും ഇ​ത്‌സം​ബ​ന്ധി​ച്ച് നി​ര​വ​ധി ത​വ​ണ സെ​ക്ര​ട്ട​റി​യോ​ട് സൂ​ചി​പ്പി​ച്ചി​ട്ടു​ണ്ടെ​ന്ന് നാ​ലാം വാ​ര്‍​ഡ് കൗ​ണ്‍​സി​ല​ര്‍ അ​ല്‍​ഫോ​ണ്‍​സ തോ​മ​സും കൂ​ടു​ത​ല്‍ സാ​വ​കാ​ശം ഇ​നി അ​നു​വ​ദി​ക്കാ​ന്‍ ക​ഴി​യി​ല്ലെ​ന്ന് 39-ാം വാ​ര്‍​ഡ് കൗ​ണ്‍​സി​ല​ര്‍ ടി.​കെ. ഷാ​ജു​വും പ​റ​ഞ്ഞു.

പോ​ലീ​സ് നി​ഷ്‌​ക്ര​ിയ​മാ​ണെ​ന്നും വീ​ടു​ക​ള്‍ പൊ​ളി​ച്ചുനീ​ക്കു​ന്ന​തുവ​രെ സ്ഥ​ല​ത്ത് പോ​ലീ​സ് സം​ര​ക്ഷ​ണം ഉ​റ​പ്പാ​ക്ക​ണ​മെ​ന്നും ഉ​റ​പ്പുല​ഭി​ക്കാ​തെ ത​ങ്ങ​ള്‍ മ​ട​ങ്ങു​ക​യി​ല്ലെ​ന്നും പ്ര​തി​ഷേ​ധ​ക്കാ​ര്‍ ആ​വ​ര്‍​ത്തി​ച്ചു.

പ​രാ​തി ന​ല്‍​കി​യ​വ​രു​ടെ ഹിയ​റിം​ഗ് ന​ട​പ​ടി​ക​ള്‍ അ​ടു​ത്ത ദി​വ​സംത​ന്നെ പൂ​ര്‍​ത്തി​യാ​ക്കു​മെ​ന്നും ര​ണ്ടു വീ​ടു​ക​ളി​ലെ താ​മ​സ​ക്കാ​രെ ഒ​ഴി​പ്പി​ച്ച​തി​നുശേ​ഷം ഈ ​മാ​സം 12 ന​കം മു​ഴു​വ​ന്‍ വീ​ടു​ക​ളും പൊ​ളി​ച്ചുനീ​ക്കു​മെ​ന്നും ന​ഗ​ര​സ​ഭ സെ​ക്ര​ട്ട​റി എം.എ​ച്ച്. ഷാ​ജി​ക് സ്ഥ​ല​ത്തെ​ത്തി ഉ​റ​പ്പുന​ല്‍​കി​യശേ​ഷ​മാ​ണ് സ​മ​ര​ക്കാ​ര്‍ മ​ട​ങ്ങി​യ​ത്.

കൗ​ണ്‍​സി​ല​ര്‍​മാ​രാ​യ അ​മ്പി​ളി ജ​യ​ന്‍, ആ​ര്‍​ച്ച അ​നീ​ഷ് , സ്മി​ത കൃ​ഷ്ണ​കു​മാ​ര്‍, വി​ജ​യ​കു​മാ​രി അ​നി​ല​ൻ, പൊ​തുപ്ര​വ​ര്‍​ത്ത​ക​രാ​യ കെ.സി. ജെ​യിം​സ്, ഷി​യാ​സ് പാ​ള​യ​ങ്കോ​ട്ട് എ​ന്നി​വ​രും ചേ​ല​ക്ക​ട​വ് നി​വാ​സി​ക​ളോ​ടൊ​പ്പം ഉ​ണ്ടാ​യി​രു​ന്നു. ഇ​രി​ങ്ങാ​ല​ക്കു​ട പോ​ലീ​സും സ്ഥ​ല​ത്ത് എ​ത്തി​യി​രു​ന്നു.
Copyright @ 2018 , Rashtra Deepika Ltd.