മൂവാറ്റുപുഴ: ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തിൽ മുൻ മുഖ്യമന്ത്രിയും കോണ്‍ഗ്രസ് നേതാവുമായിരുന്ന ആർ. ശങ്കർ അനുസ്മരണവും പുഷ്പാർച്ചനയും സംഘടിപ്പിച്ചു. 52-ാമത് ചരമ വാർഷിക ദിനത്തിലാണ് അനുസ്മരണ ചടങ്ങ് സംഘടിപ്പിച്ചത്.
പുഷ്പാർച്ചനയ്ക്കു ശേഷം നടന്ന അനുസ്മരണ യോഗം കെപിസിസി മുൻ നിർവാഹക സമിതി അംഗം വർഗീസ് മാത്യു ഉദ്ഘാടനം ചെയ്തു. ബ്ലോക്ക് വൈസ് പ്രസിഡന്‍റ് കെ.ഒ ജോർജ് അധ്യക്ഷത വഹിച്ചു. എൻ. രമേശ്, കെ.എ. അബ്ദുൾ സലാം, കബീർ പൂക്കടശേരി, എസ്. മജീദ്, നൗഷാദ് മായിക്കനാടൻ, അരുണ്‍ വർഗീസ്, കെ.കെ. സുബൈർ, എ.കെ. നാരായണൻ, വി.പി. സാജു, ജോയി കോപ്പുഴ, സി.കെ. ആരിഫ്, സി.വി. ജോയി, പി.പി. അലി, കെ. മനോജ് എന്നിവർ പ്രസംഗിച്ചു.
കോതമംഗലം: കോതമംഗലം, കവളങ്ങാട് കോൺഗ്രസ് ബ്ലോക്ക് കമ്മിറ്റികൾ സംയുക്തമായി മുൻ മുഖ്യമന്ത്രി ആർ. ശങ്കർ ചരമ വാർഷിക ദിനാചരണ സമ്മേളനം സംഘടിപ്പിച്ചു. കെപിസിസി അംഗം എ.ജി. ജോർജ് ഉദ്ഘാടനം ചെയ്തു. പ്രസിഡന്‍റ് ഷമീർ പനയ്ക്കൻ അധ്യക്ഷത വഹിച്ചു. കവളങ്ങാട് ബ്ലോക്ക് പ്രസിഡന്‍റ് ബാബു ഏലിയാസ്, പി.പി ഉതുപ്പാൻ, കെ.ഐ ജേക്കബ്, എം.എസ് എൽദോസ്, പി.സി ജോർജ്, എൽദോസ് കിച്ചേരി, സിജു ഏബ്രഹാം എന്നിവർ പ്രസംഗിച്ചു.