ഷെ​ഫീ​ക്ക് വ​ധ​ശ്ര​മ​ക്കേ​സ്: കോ​ട​തി നാ​ളെ തെ​ളി​വെ​ടു​ക്കും
Tuesday, August 20, 2024 11:36 PM IST
തൊ​ടു​പു​ഴ: കോ​ളി​ള​ക്കം സൃ​ഷ്ടി​ച്ച ഷെ​ഫീ​ക്ക് വ​ധ​ശ്ര​മ​ക്കേ​സി​ൽ ആ​ശു​പ​ത്രി​യി​ൽ ക​ഴി​യു​ന്ന ഷെ​ഫീ​ക്കി​നെ നാ​ളെ തൊ​ടു​പു​ഴ അ​ഡീ​ഷ​ണ​ൽ സെ​ഷ​ൻ​സ് ന​ന്പ​ർ -1 കോ​ട​തി ജ​ഡ്ജി ആ​ഷ് കെ.​ ബാ​ൽ നേ​രി​ട്ടുക​ണ്ട് തെ​ളി​വെ​ടു​ക്കും.

പി​താ​വി​ന്‍റെ​യും ര​ണ്ടാ​ന​മ്മ​യു​ടെ​യും ക്രൂ​രമ​ർ​ദ​ന​ത്തെത്തു​ട​ർ​ന്ന് ആ​രോ​ഗ്യപ്ര​ശ്ന​ങ്ങ​ളു​ള്ള ഷെ​ഫീ​ക്കി​ന് കോ​ട​തി​യി​ൽ നേ​രി​ട്ട് ഹാ​ജ​രാ​കു​ന്ന​തി​നോ മൊ​ഴി ന​ൽ​കു​ന്ന​തി​നോ ക​ഴി​യി​ല്ല. ഈ ​സാ​ഹ​ച​ര്യ​ത്തി​ൽ കു​ട്ടി​യു​ടെ അ​വ​സ്ഥ മ​ന​സി​ലാ​ക്കി കോ​ട​തി നേ​രി​ട്ടെ​ത്തി തെ​ളി​വെ​ടു​ക്ക​ണ​മെ​ന്ന പ​ബ്ലി​ക് പ്രോ​സി​ക്യൂ​ട്ട​റു​ടെ ഹ​ർ​ജി പ​രി​ഗ​ണി​ച്ചാ​ണ് ജ​ഡ്ജി ആ​ഷ് കെ. ​ബാ​ൽ അ​സാ​ധാ​ര​ണ ന​ട​പ​ടി​ക്ക് ഉ​ത്ത​ര​വി​ട്ട​ത്.

വാ​ദി, പ്ര​തിഭാ​ഗം അ​ഭി​ഭാ​ഷ​ക​രും അ​ദ്ദേ​ഹ​ത്തോ​ടൊ​പ്പം ഉ​ണ്ടാ​കും. ഡോ​ക്ട​ർ​മാ​രു​ടെ സാ​ന്നി​ധ്യ​ത്തി​ലാ​കും തെ​ളി​വെ​ടു​പ്പ്.

2013 ജൂ​ലൈ 15 നാ​യി​രു​ന്നു ഷെ​ഫീ​ക്കി​ന് പി​താ​വി​ന്‍റെ​യും ര​ണ്ടാ​ന​മ്മ​യു​ടെ​യും ക്രൂ​രമ​ർ​ദ​ന​മേ​റ്റ​ത്. ത​ല​യ്ക്കും ശ​രീ​ര​ത്തും മാ​ര​ക പ​രി​ക്കു​ക​ളോ​ടെ​യാ​ണ് കു​ട്ടി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്.
ചൈ​ൽ​ഡ് ലൈ​ൻ പ്ര​വ​ർ​ത്ത​ക​ർ ന​ട​ത്തി​യ അ​ന്വേ​ഷ​ണ​ത്തെത്തു​ട​ർ​ന്നാ​ണ് ക്രൂ​ര പീ​ഡ​ന​ത്തി​ന്‍റെ വി​വ​ര​ങ്ങ​ൾ പു​റ​ത്തുവ​ന്ന​ത്. ക​ട്ട​പ്പ​ന​യി​ലെ​യും വെ​ല്ലൂ​രി​ലെ​യും ആ​ശു​പ​ത്രി​ക​ളി​ൽ ന​ൽ​കി​യ വി​ദ​ഗ്ധ ചി​കി​ത്സ​യ്ക്കൊ​ടു​വി​ലാ​ണ് ഷെ​ഫീ​ക്ക് ജീ​വി​ത​ത്തി​ലേ​ക്കു തി​രി​ച്ചുവ​ന്ന​ത്.

ത​ല​ച്ചോ​റി​നേ​റ്റ ഗു​രു​ത​ര​മാ​യ പ​രി​ക്കി​നെത്തു​ട​ർ​ന്ന് ഷെ​ഫീ​ക്ക് ക​ഴി​ഞ്ഞ 11 വ​ർ​ഷ​മാ​യി ബു​ദ്ധിവി​കാ​സ​മി​ല്ലാ​തെ സം​സാ​രി​ക്കാ​നോ ന​ട​ക്കാ​നോ ക​ഴി​യാ​ത്ത അ​വ​സ്ഥ​യി​ലാ​ണ്. സ​ർ​ക്കാ​ർ നി​യോ​ഗി​ച്ച രാ​ഗി​ണി എ​ന്ന ആ​യ​യു​ടെ സം​ര​ക്ഷ​ണ​യി​ലാ​ണ് അ​ൽ അ​സ്ഹ​ർ മെ​ഡി​ക്ക​ൽ കോ​ള​ജി​ൽ പ്ര​ത്യേ​കം ക്ര​മീ​ക​രി​ച്ച മു​റി​യി​ൽ ഷെ​ഫീ​ക്ക് ക​ഴി​യു​ന്ന​ത്.

ഷെ​ഫീ​ക്കി​ന്‍റെ അ​യ​ൽ​വാ​സി​ക​ൾ, ചി​കി​ത്സി​ച്ച ഡോ​ക്ട​ർ​മാ​രാ​യ കു​മ​ളി ഗ​വ.​ ആ​ശു​പ​ത്രി​യി​ലെ ഡോ.​ സു​ജി​ത്കു​മാ​ർ, പെ​രി​യാ​ർ ആ​ശു​പ​ത്രി​യി​ലെ ഡോ. ​സ​ഞ്ജ​യ് കു​മാ​ർ, ക​ട്ട​പ്പ​ന സെ​ന്‍റ് ജോ​ണ്‍​സ് ആ​ശു​പ​ത്രി​യി​ലെ ന്യൂ​റോ സ​ർ​ജ​ൻ ഡോ. ​നി​ഷാ​ന്ത് പോ​ൾ, വെ​ല്ലൂ​ർ ക്രി​സ്ത്യ​ൻ മെ​ഡി​ക്ക​ൽ കോ​ള​ജി​ലെ ഡോ. ​ജോ​ർ​ജ് ത​ര്യ​ൻ എ​ന്നി​വ​ര​ട​ക്ക​മു​ള്ള സാ​ക്ഷി​ക​ളെ വി​സ്ത​രി​ച്ചി​രു​ന്നു. ആ​ശു​പ​ത്രി​ക​ളി​ൽനി​ന്നു​ള്ള മെ​ഡി​ക്ക​ൽ സ​ർ​ട്ടി​ഫി​ക്ക​റ്റു​ക​ള​ട​ക്കം കോ​ട​തി​യി​ൽ തെ​ളി​വു​ക​ളാ​യി ഹാ​ജ​രാ​ക്കി​യി​രു​ന്നു.

കേ​സി​ൽ ഹാ​ജ​രാ​യ സാ​ക്ഷി​ക​ളെ​ല്ലാം പ്ര​തി​ക​ൾ​ക്കെ​തി​രേയാ​ണ് കോ​ട​തി​യി​ൽ മൊ​ഴിന​ൽ​കി​യ​ത്. പ്രോ​സി​ക്യൂ​ഷ​നു വേ​ണ്ടി അ​ഡീ​ഷ​ണ​ൽ പ​ബ്ലി​ക് പ്രോ​സി​ക്യൂ​ട്ട​ർ പി.​എ​സ്.​ രാ​ജേ​ഷ്, പ്ര​തി​ക​ൾ​ക്കാ​യി സാ​ബു ജേ​ക്ക​ബ്, മ​നേ​ഷ് പി. ​കു​മാ​ർ, ഡെ​ൽ​വി​ൻ പൂ​വ​ത്തി​ങ്ക​ൽ, സാ​ന്ത്വ​ന എ​ന്നി​വ​രാ​ണ് ഹാ​ജ​രാ​കു​ന്ന​ത്.
Copyright @ 2018 , Rashtra Deepika Ltd.