ക​ണ്ണി​ല്‍ മു​ള​കു​പൊ​ടി വി​ത​റി ല​ക്ഷ​ങ്ങ​ള്‍ അ​പ​ഹ​രി​ച്ച​താ​യി വീ​ട്ട​മ്മ​യു​ടെ നാ​ട​കം; പൊ​ളി​ച്ച​ടു​ക്കി പോ​ലീ​സ്
Monday, August 19, 2024 11:21 PM IST
നെ​ടു​ങ്ക​ണ്ടം: ക​ണ്ണി​ല്‍ മു​ള​കു​പൊ​ടി വി​ത​റി ല​ക്ഷ​ങ്ങ​ള്‍ അ​പ​ഹ​രി​ച്ച​താ​യി വീ​ട്ട​മ്മ​യു​ടെ നാ​ട​കം. കോ​മ്പ​യാ​റി​ന് സ​മീ​പ​മാ​ണ് ഇ​ന്ന​ലെ വൈ​കു​ന്നേ​രം മൂ​ന്നോ​ടെ നാ​ട​കീ​യ സം​ഭ​വ​ങ്ങ​ള്‍ ഉ​ണ്ടാ​യ​ത്. മേ​ഖ​ല​യി​ല്‍ ഓ​ണ​ച്ചി​ട്ടി ന​ട​ത്തു​ന്ന വ്യ​ക്തി​യാ​ണ് വീ​ട്ട​മ്മ. ഓ​ണ​ച്ചി​ട്ടി വീ​തി​ച്ച് ന​ല്‍​കു​ന്ന​തി​നാ​യി ബാ​ങ്കി​ല്‍ നി​ന്നും എ​ടു​ത്തു​കൊ​ണ്ടു​വ​ന്ന പ​ണം മോ​ഷ്ടി​ക്ക​പ്പെ​ട്ട​താ​യാ​ണ് വീ​ട്ട​മ്മ പ്ര​ദേ​ശ​വാ​സി​ക​ളോ​ട് പ​റ​ഞ്ഞ​ത്. ക​ഴി​ഞ്ഞ ര​ണ്ട് ദി​വ​സ​മാ​യി ചി​ട്ടി​പ്പ​ണം ഇ​വ​ര്‍ തി​രി​കെ ന​ല്‍​കി​വ​രി​ക​യാ​യി​രു​ന്നു. ബാ​ക്കി​പ്പ​ണം തി​രി​കെ ന​ല്‍​കു​ന്ന​തി​നാ​യാ​ണ് വീ​ട്ടി​ല്‍ പ​ണം സൂ​ക്ഷി​ച്ച​തെ​ന്നും ഇ​വ​ര്‍ നാ​ട്ടു​കാ​രെ ബോ​ധ്യ​പ്പെ​ടു​ത്തി.

മു​ഖം​മൂ​ടി​യും ഹെ​ല്‍​മെ​റ്റും ധ​രി​ച്ച് ബൈ​ക്കി​ലെ​ത്തി​യ ര​ണ്ടം​ഗ സം​ഘം വീ​ട്ടി​ലെ​ത്തി ത​ന്‍റെ മു​ഖ​ത്ത് മു​ള​കു​പൊ​ടി വി​ത​റു​ക​യും ക​ഴു​ത്തി​ല്‍ ക​ത്തി​വെ​ക്കു​ക​യും ചെ​യ്ത​ശേ​ഷം അ​ല​മാ​രി​യി​ല്‍​നി​ന്നു പ​ണം എ​ടു​ത്തു​കൊ​ണ്ടുപോ​യ​താ​യാ​ണ് വീ​ട്ട​മ്മ പ​റ​ഞ്ഞ​ത്. ഈ ​സ​മ​യം വീ​ട്ടി​ല്‍ താ​ന്‍ ഒ​റ്റ​യ്ക്കാ​യി​രു​ന്നു. അ​ടു​ക്ക​ള വാ​തി​ലി​ലൂ​ടെ​യാ​ണ് മോ​ഷ്ടാ​ക്ക​ള്‍ അ​ക​ത്ത് ക​യ​റി​യ​തെ​ന്നും ഇ​വ​ര്‍ പ​റ​യു​ന്നു. ഇ​വ​രു​ടെ നി​ല​വി​ളി കേ​ട്ട് എ​ത്തി​യ അ​യ​ല്‍​ക്കാ​ര്‍ പോ​ലീ​സി​ല്‍ വി​വ​രം അ​റി​യി​ക്കു​ക​യാ​യി​രു​ന്നു.

തു​ട​ര്‍​ന്ന് നെ​ടു​ങ്ക​ണ്ടം പോ​ലീ​സ് സ്ഥ​ല​ത്തെ​ത്തി മ​ണി​ക്കൂ​റു​ക​ളോ​ളം ചോ​ദ്യം ചെ​യ്ത​പ്പോ​ഴാ​ണ് ഇ​വ​ര്‍ ക​ളി​ച്ച നാ​ട​ക​മാ​ണ് ഇ​തെ​ന്ന് മ​ന​സി​ലാ​യ​ത്. ന​ഷ്ട​പ്പെ​ട്ട​ത് പ​ത്തു ല​ക്ഷ​മാ​ണെ​ന്നും 15 ല​ക്ഷ​മാ​ണെ​ന്നും 20 ല​ക്ഷ​മാ​ണെ​ന്നു​മു​ള്ള വ്യ​ത്യ​സ്ത മൊ​ഴി​ക​ളും സം​ഭ​വ​ത്തെ​ക്കു​റി​ച്ചു​ള്ള പ​ര​സ്പ​ര ബ​ന്ധ​മി​ല്ലാ​ത്ത വി​ശ​ദീ​ക​ര​ണ​ങ്ങ​ളും പ​റ​ഞ്ഞ​തോ​ടെ പോ​ലീ​സി​നു സം​ശ​യം തോ​ന്നു​ക​യാ​യി​രു​ന്നു.

പി​ന്നീ​ട് പോ​ലീ​സി​നോ​ട് ഇ​വ​ര്‍ ത​ന്നെ പ​ണം മോ​ഷ്ടി​ക്ക​പ്പെ​ട്ടി​ട്ടി​ല്ലെ​ന്നും നാ​ട​ക​മാ​യി​രു​ന്നെ​ന്നും സ​മ്മ​തി​ക്കു​ക​യാ​യി​രു​ന്നു. ഇ​തി​നി​ടെ പ​ണ​വു​മാ​യി ക​ട​ന്ന ബൈ​ക്ക് യാ​ത്രി​ക​രെ ക​ണ്ടെ​ത്തു​ന്ന​തി​നാ​യി പ്ര​ദേ​ശ​വാ​സി​ക​ളും പ​ല​സ്ഥ​ല​ങ്ങ​ളി​ല്‍ അ​ന്വേ​ഷ​ണം ആ​രം​ഭി​ച്ചി​രു​ന്നു. പ​രാ​തി​ക​ള്‍ ഇ​ല്ലാ​ത്ത​തി​നാ​ല്‍ നി​ല​വി​ല്‍ പോ​ലീ​സ് കേ​സെ​ടു​ത്തി​ട്ടി​ല്ല.
Copyright @ 2018 , Rashtra Deepika Ltd.