ക​ണ്ടാ​ൽ മ​നം​ക​വ​രുന്ന സ്വ​ർ​ഗ​ത്തി​ലെ പ​ഴം
Sunday, August 18, 2024 11:28 PM IST
ജെ​യി​സ് വാ​ട്ട​പ്പി​ള്ളി​ൽ

തൊ​ടു​പു​ഴ: പോ​ഷ​കസ​മൃ​ദ്ധ​മാ​യ ഗാ​ക് ഫ്രൂ​ട്ടി​ന്‍റെ വി​ള​നി​ല​മാ​ണ് അ​ടി​മാ​ലി ഓ​ട​യ്ക്കാ​സി​റ്റി കൂ​നം​പാ​റ​യി​ൽ റി​ട്ട.​സ​ബ് ഇ​ൻ​സ്പെ​ക്ട​ർ ചാ​ക്കോ​ച്ച​ൻ - സ​ലോ​മി ദ​ന്പ​തി​ക​ളു​ടെ വീ​ട്ടു​മു​റ്റം. വി​യ​റ്റ്നാ​മി​ൽനി​ന്നു​ള്ള കു​ക്കും​ബ​ർ മെ​ല​ൻ വി​ഭാ​ഗ​ത്തി​ൽ​പ്പെ​ട്ട പ​ഴ​വ​ർ​ഗ​മാ​യ ഗാ​ക് ഫ്രൂ​ട്ട് വി​ള​ഞ്ഞു​കി​ട​ക്കു​ന്ന​ത് കൗ​തു​ക കാ​ഴ്ച​യാ​ണ്.

റം​ബു​ട്ടാ​ൻ, മം​ഗോ​സ്റ്റി​ൻ, സ്ട്രോ​ബ​റി, പ​പ്പാ​യ, മു​ന്തി​രി, പൈ​നാ​പ്പി​ൾ, ദു​രി​യാ​ൻ, ലി​ച്ചി തു​ട​ങ്ങി​യ പ​ഴ​വ​ർ​ഗ​ങ്ങ​ൾ ഇടുക്കി ജി​ല്ല​യി​ൽ പ​ല​യി​ട​ത്തും കൃ​ഷി​ചെ​യ്യു​ന്നു​ണ്ടെ​ങ്കി​ലും പോ​ഷ​ക​സ​മൃ​ദ്ധ​മാ​യ ഗാ​ക്ഫ്രൂ​ട്ട് കൃ​ഷി വി​ര​ള​മാ​ണ്.

ക​ട്ടി​യു​ള്ള ചെ​റു​മു​ള്ളു​ക​ളു​ള്ള പു​റം​തൊ​ലി​യി​ൽ മാം​സ​ള​മാ​യ പാ​ട പൊ​തി​ഞ്ഞ കു​രു​ അ​ട​ങ്ങു​ന്ന​താ​ണ് ഈ ​പ​ഴം. ഇ​ല​ക​ളും പ​ഴ​വും കു​രു​വും ഉ​ള്ളി​ലെ സ​ത്തു​മെ​ല്ലാം ഒൗ​ഷ​ധ​ഗു​ണ​സ​ന്പ​ന്ന​മാ​ണ്. വി​പ​ണി​യി​ൽ ഒ​രു​പ​ഴ​ത്തി​ന് 1000 മു​ത​ൽ 1500 രൂ​പ​വ​രെ വി​ല​യു​ണ്ട്. കു​രു​വി​ൽനി​ന്ന് ഉ​ത്പാ​ദി​പ്പി​ക്കു​ന്ന എ​ണ്ണ​യ്ക്ക് അ​ന്താ​രാ​ഷ്‌ട്ര വി​പ​ണി​യി​ൽ 20,000 രൂ​പ​യാ​ണു വി​ല.

ആ​ണ്‍-​പെ​ണ്‍ ചെ​ടി​ക​ളു​മു​ണ്ട്. സ്വ​യം പ​രാ​ഗ​ണ​മ​ല്ല കൃ​ത്രി​മ പ​രാ​ഗ​ണ​മാ​ണ് ​കൃ​ഷി​യി​ൽ അ​വ​ലം​ബി​ക്കു​ന്ന​ത്. കോ​വ​ലും പാ​വ​ലുംപോ​ലെ പ​ന്ത​ലി​ട്ടാ​ണ് വ​ള​ർ​ത്തു​ന്ന​ത്. വി​റ്റാ​മി​നു​ക​ളു​ടെ ക​ല​വ​റ​യാ​യ ഈ ​പ​ഴ​ത്തെ ഫ്രൂ​ട്ട് ഓ​ഫ് ഹെ​വ​ൻ അ​ഥ​വാ സ്വ​ർ​ഗ​ത്തി​ലെ പ​ഴം എ​ന്നാ​ണ് വി​ളി​ക്കു​ന്ന​ത്.

കാ​യ് വി​രി​യു​ന്പോ​ൾ പ​ച്ച​നി​റ​വും മൂ​പ്പെ​ത്താ​റാ​കു​ന്പോ​ൾ മ​ഞ്ഞ​യും ഓ​റ​ഞ്ചും പാ​ക​മാ​കു​ന്പോ​ൾ ചു​വ​പ്പ് നി​റ​വു​മാ​ണ്. കാ​യ്ച്ച് 40 ദി​വ​സംകൊ​ണ്ട് വി​ള​വെ​ടു​പ്പി​നു പാ​ക​മാ​കും.

ഫ്രൂ​ട്ട്‌വാ​ലി ഫാ​ർ​മേ​ഴ്സ് പ്രൊ​ഡ്യൂ​സിം​ഗ് ക​ന്പ​നി ചെ​യ​ർ​മാ​ൻ അ​ഡ്വ.​ ബി​ജു പ​റ​യ​ന്നി​ല​വും വാ​ർ​ഡം​ഗം എ​ബി​ൻ പൂ​ച്ച​ക്കാ​ലാ​യി​ലും ചേ​ർ​ന്നാ​ണ് വി​ള​വെ​ടു​പ്പി​ന്‍റെ ഉ​ദ്ഘാ​ട​നം നിർവഹിച്ചത്. ക​ന്പ​നി ഓ​പ്പ​റേ​ഷ​ൻ മാ​നേ​ജ​ർ ബി​നു ബേ​ബി മ​ണ്ണൂ​ർ, ഫാം ​കോ-​ഓ​ർ​ഡി​നേ​റ്റ​ർ ബി​നോ​യി ക​രി​നാ​ട്ട്, അ​ഗ്രി​ക​ൾ​ച്ച​റ​ൽ സൂ​പ്പ​ർ​വൈ​സ​ർ സെ​ബി​ൻ സ​ണ്ണി തു​ണ്ട​ത്തി​ൽ എ​ന്നി​വ​ർ നേ​തൃ​ത്വം ന​ൽ​കി.

പ​ഴ​വ​ർ​ഗ കൃ​ഷി​യി​ലൂ​ടെ കേ​ര​ള​ത്തി​ലെ കാ​ർ​ഷി​ക​മേ​ഖ​ല​യ്ക്ക് പു​ത്ത​ൻ​ഉ​ണ​ർ​വും ക​ർ​ഷ​ക​ർ​ക്ക് അ​ധി​ക വ​രു​മാ​ന​വും നേ​ടാ​ൻ ക​ഴി​യു​മെ​ന്ന പ്ര​തീ​ക്ഷ​യാ​ണ് ഈ ​മേ​ഖ​ല​യി​ലേ​ക്ക് ക​ട​ന്നു​വ​രു​ന്ന ക​ർ​ഷ​ക​ർ​ക്കു​ള്ള​ത്. കാ​ലാ​വ​സ്ഥാ വ്യ​തി​യാ​നം പ​ര​ന്പ​രാ​ഗ​ത​മാ​യ പ​ല കൃ​ഷി​ക​ളെ​യും കാ​ര്യ​മാ​യി ബാ​ധി​ക്കു​ക​യാ​ണ്. മാ​റു​ന്ന കാ​ലാ​വ​സ്ഥ​യ്ക്ക​നു​സ​രി​ച്ച് പ​ഴ​വ​ർ​ഗ​കൃ​ഷി ന​ട​ത്തി​യാ​ൽ ഇ​തി​ലൂ​ടെ കൂ​ടു​ത​ൽ വ​രു​മാ​നം നേ​ടി​യെ​ടു​ക്കാ​നും ക​ഴി​ഞ്ഞാ​ൽ കാ​ർ​ഷി​ക മേ​ഖ​ല​യി​ൽ വി​പ്ല​വ​ക​ര​മാ​യ മാ​റ്റം കൊ​ണ്ടു​വ​രാ​നും ക​ഴി​യു​മെ​ന്നാ​ണ് ഈ ​മേ​ഖ​ല​യി​ലെ ക​ർ​ഷ​ക​ർ പ​റ​യു​ന്ന​ത്.
Copyright @ 2018 , Rashtra Deepika Ltd.