പൈ​ങ്ങ​നാ കൊ​ടും​വ​ള​വി​ലെ അ​പ​ക​ട​ക്കു​ഴി​ക​ൾ നി​ക​ത്തി
Sunday, July 28, 2024 4:40 AM IST
മു​ണ്ട​ക്ക​യം: നി​ര​വ​ധി അ​പ​ക​ട​ങ്ങ​ൾ​ക്കി​ട​യാ​ക്കി​യ ദേ​ശീ​യ​പാ​ത പൈ​ങ്ങ​നാ​യി​ലെ കൊ​ടും​വ​ള​വി​ലെ​യും വ​ലി​യ പാ​ല​ത്തി​നു സ​മീ​പ​വും രൂ​പ​പ്പെ​ട്ട കു​ഴി നി​ക​ത്തി ദേ​ശീ​യ​പാ​താ അ​ധി​കൃ​ത​ർ. ദേ​ശീ​യ​പാ​ത​യി​ലെ കു​ഴി​ക​ൾ അ​പ​ക​ട​ങ്ങ​ൾ​ക്കു വ​ഴി​വ​യ്ക്കു​ന്ന​താ​യി ക​ഴി​ഞ്ഞ ദി​വ​സം ദീ​പി​ക റി​പ്പോ​ർ​ട്ട് ചെ​യ്തി​രു​ന്നു. പൈ​ങ്ങ​നാ​യി​ലെ കൊ​ടും​വ​ള​വി​ൽ ആ​ദ്യം രൂ​പ​പ്പെ​ട്ട കു​ഴി ദേ​ശീ​യ​പാ​ത അ​ധി​കൃ​ത​രെ​ത്തി ന​വീ​ക​രി​ച്ചി​രു​ന്നു. എ​ന്നാ​ൽ, ദി​വ​സ​ങ്ങ​ൾ പി​ന്നി​ടും​മു​മ്പ് ഇ​വി​ടെ വ​ലി​യ മൂ​ന്നു കു​ഴി​ക​ൾ രൂ​പ​പ്പെ​ടു​ക​യാ​യി​രു​ന്നു.

ദേ​ശീ​യ​പാ​ത​യി​ൽ നി​ര​ന്ത​ര​മാ​യി കു​ഴി​ക​ൾ രൂ​പ​പ്പെ​ടു​ന്ന ര​ണ്ടു ഭാ​ഗ​ങ്ങ​ളാ​ണ് പൈ​ങ്ങ​നാ​യി​ലെ വ​ള​വും പു​തി​യ പാ​ല​ത്തി​ന്‍റെ തു​ട​ക്ക​ഭാ​ഗ​വും. ഇ​വി​ട​ങ്ങ​ളി​ലെ ഓ​ട​യു​ടെ അ​ഭാ​വം മൂ​ലം വെ​ള്ള​ക്കെ​ട്ട് രൂ​പ​പ്പെ​ടു​ന്ന​താ​ണ് റോ​ഡ് ത​ക​രു​വാ​ൻ പ്ര​ധാ​ന കാ​ര​ണം. ഓ​ട​ക​ൾ നി​ർ​മി​ച്ചെ​ങ്കി​ൽ മാ​ത്ര​മേ ഇ​വി​ടു​ത്തെ പ്ര​ശ്ന​ത്തി​നു പ​രി​ഹാ​ര​മാ​കൂ​വെ​ന്നും നാ​ട്ടു​കാ​ർ പ​റ​യു​ന്നു. മ​ഴ​ക്കാ​ല​മാ​യ​തോ​ടെ റോ​ഡി​ലെ കു​ഴി​യി​ൽ വെ​ള്ളം കെ​ട്ടി​നി​ന്ന് ഇ​രു​ച​ക്ര വാ​ഹ​ന​ങ്ങ​ള​ട​ക്കം അ​പ​ക​ട​ത്തി​ൽ​പ്പെ​ടു​ന്ന​തും പ​തി​വു സം​ഭ​വ​മാ​യി​രു​ന്നു. ഒ​രു ദി​വ​സം മൂ​ന്നും നാ​ലും അ​പ​ക​ട​ങ്ങ​ളാ​ണ് പൈ​ങ്ങ​നാ​യി​ലെ വ​ള​വി​ലു​ണ്ടാ​കു​ന്ന​ത്.

വ​ലി​യ പാ​ല​ത്തി​നു സ​മീ​പ​വും മ​ഴ പെ​യ്യു​മ്പോ​ൾ രൂ​പ​പ്പെ​ടു​ന്ന വ​ലി​യ വെ​ള്ള​ക്കെ​ട്ട് അ​പ​ക​ട​ങ്ങ​ൾ​ക്കി​ട​യാ​ക്കു​ന്നു​ണ്ട്. ഒ​പ്പം സ​മീ​പ​ത്തെ സ്കൂ​ളി​ലെ വി​ദ്യാ​ർ​ഥി​ക​ള​ട​ക്ക​മു​ള്ള കാ​ൽ​ന​ട​യാ​ത്ര​ക്കാ​രു​ടെ​മേ​ൽ വാ​ഹ​ന​ങ്ങ​ളി​ൽ​നി​ന്ന് വെ​ള്ളം തെ​റി​ക്കു​ന്ന​തും പ​തി​വ് സം​ഭ​വ​മാ​ണ്.

കു​രു​ക്കാ​യി കു​ഴി​യ​ട​യ്ക്ക​ൽ

പ​ക​ൽ ന​ട​ത്തി​യ റോ​ഡി​ലെ കു​ഴി​യ​ട​യ്ക്ക​ൽ വ​ലി​യ ഗ​താ​ഗ​ത​ക്കു​രു​ക്കി​നി​ട​യാ​ക്കി. കോ​സ്‌​വേ പാ​ല​ത്തി​ന്‍റെ ന​വീ​ക​ര​ണം​മൂ​ലം പാ​ലം അ​ട​ച്ചി​ട്ടി​രി​ക്കു​ന്ന​തി​നാ​ൽ കോ​രു​ത്തോ​ട്, പു​ലി​ക്കു​ന്ന്, പു​ഞ്ച​വ​യ​ൽ അ​ട​ക്ക​മു​ള്ള ഭാ​ഗ​ങ്ങ​ളി​ലേ​ക്കു​ള്ള വാ​ഹ​ന​ങ്ങ​ളും ദേ​ശീ​യ​പാ​ത​യി​ൽ വ​ലി​യ പാ​ല​ത്തി​ലൂ​ടെ മു​പ്പ​ത്തി​നാ​ലാം​മൈ​ൽ വ​ഴി​യാ​ണ് ക​ട​ന്നു​പോ​കു​ന്ന​ത്. തി​ര​ക്കേ​റി​യ സ​മ​യ​ത്ത് റോ​ഡി​ന്‍റെ ഒ​രു ഭാ​ഗം ത​ട​ഞ്ഞു​ള്ള ന​വീ​ക​ര​ണ പ്ര​വ​ർ​ത്ത​നം വ​ലി​യ ഗ​താ​ഗ​ത​ക്കു​രു​ക്കി​നാ​ണ് ഇ​ട​യാ​ക്കി​യ​ത്. മ​ണി​ക്കൂ​റു​ക​ളോ​ളം യാ​ത്ര​ക്കാ​ർ വാ​ഹ​ന​ത്തി​ൽ കു​ടു​ങ്ങി​യ​പ്പോ​ൾ, ഓ​ട്ടോ​റി​ക്ഷാ തൊ​ഴി​ലാ​ളി​ക​ളെ​ത്തി ഗ​താ​ഗ​തം നി​യ​ന്ത്രിച്ചു.

കു​രു​ക്ക് രൂ​ക്ഷ​മാ​യ​തോ​ടെ നാ​ട്ടു​കാ​രു​ടെ പ്ര​തി​ഷേ​ധ​ത്തെ​ത്തു​ട​ർ​ന്ന് കു​ഴി​യ​ട​യ്ക്ക​ൽ നി​ർ​ത്തി അ​ധി​കൃ​ത​ർ മ​ട​ങ്ങി. മു​ണ്ട​ക്ക​യം ടൗ​ണി​ൽ​നി​ന്നു തു​ട​ങ്ങി​യ ഗ​താ​ഗ​ത​ക്കു​രു​ക്ക് വ​രി​ക്കാ​നി പ​മ്പ് ക​വ​ല​വ​രെ നീ​ണ്ടു. രാ​ത്രി​സ​മ​യ​ങ്ങ​ളി​ൽ റോ​ഡി​ൽ ന​വീ​ക​ര​ണ പ്ര​വ​ർ​ത്ത​നം ന​ട​ത്തി​യാ​ൽ ടൗ​ണി​ൽ അ​നു​ഭ​വ​പ്പെ​ട്ട വ​ലി​യ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കു​വാ​ൻ ക​ഴി​യു​മാ​യി​രു​ന്നു​ന്നെ​ന്ന ആ​ക്ഷേ​പ​മു​യ​ർ​ന്നി​ട്ടു​ണ്ട്.
Copyright @ 2018 , Rashtra Deepika Ltd.