അ​പ​ക​ട​ക​ര​മാ​യ മ​ര​ങ്ങ​ൾ മു​റി​ച്ചെ​ങ്കി​ലും ത​ടി നീ​ക്കം ചെ​യ്യാ​നാ​കു​ന്നി​ല്ല
Sunday, June 16, 2024 10:22 PM IST
പൊ​ൻ​കു​ന്നം: കാ​ഞ്ഞി​ര​പ്പ​ള്ളി കോ​ട​തി വ​ള​പ്പി​ൽ​നി​ന്ന അ​പ​ക​ട​ക​ര​മാ​യ മ​ര​ങ്ങ​ൾ മു​റി​ച്ചെ​ങ്കി​ലും ത​ടി നീ​ക്കം ചെ​യ്യാ​നാ​കു​ന്നി​ല്ല. മൂ​ല്യ​നി​ർ​ണ​യ പ​രി​ശോ​ധ​ന​യി​ൽ വ​നം​വ​കു​പ്പ് ത​ടി​ക​ൾ​ക്ക് നി​ശ്ച​യി​ച്ച​ത് വ​ലി​യ വി​ല​യാ​ണ്. ആ ​തു​ക​യ്ക്ക് ടെ​ൻ​ഡ​ർ വി​ളി​ച്ച് ത​ടി എ​ടു​ക്കാ​ൻ ആ​രും ത​യാ​റാ​കാ​ത്ത​താ​ണ് മു​റി​ച്ച മ​ര​ങ്ങ​ൾ ഇ​വി​ടെ​ക്കി​ട​ന്ന് ന​ശി​ക്കാ​ൻ കാ​ര​ണം.

ഏ​തു നി​മി​ഷ​വും മ​റി​ഞ്ഞു​വീ​ഴാ​വു​ന്ന നി​ല​യി​ലാ​യി​രു​ന്നു കോ​ട​തി വ​ള​പ്പി​ലെ തേ​ക്ക്, ആ​ഞ്ഞി​ലി അ​ട​ക്ക​മു​ള്ള വ​ൻ​മ​ര​ങ്ങ​ൾ നി​ന്നി​രു​ന്ന​ത്. ബ​ന്ധ​പ്പെ​ട്ട അ​ധി​കാ​രി​ക​ൾ​ക്ക് ന​ൽ​കി​യ നി​ര​ന്ത​ര​മാ​യ പ​രാ​തി​യെ​ത്തു​ട​ർ​ന്ന് മ​ര​ങ്ങ​ൾ മു​റി​ച്ചു. കോ​ട​തി​വ​ള​പ്പി​ലെ പാ​ർ​ക്കിം​ഗ് ഗ്രൗ​ണ്ടി​ലാ​ണ് മു​റി​ച്ച മ​ര​ങ്ങ​ളെ​ല്ലാം കൂ​ട്ടി​യി​ട്ട​ത്. വ​ൻ ത​ടി​ക​ൾ മാ​സ​ങ്ങ​ളാ​യി അ​വി​ടെ​ക്കി​ട​ന്ന് ന​ശി​ക്കു​ക​യാ​ണ്. ത​ടി​ക​ൾ മൂ​ടി കാ​ട് വ​ള​ർ​ന്ന​തോ​ടെ ഇ​ഴ​ജ​ന്തു​ക്ക​ളു​ടെ​യും മ​ര​പ്പ​ട്ടി, കീ​രി തു​ട​ങ്ങി​യ ജീ​വി​ക​ളു​ടെ​യും വി​ഹാ​ര​കേ​ന്ദ്ര​മാ​യി ഇ​വി​ടം മാ​റി.

ഉ​ദ്യോ​ഗ​സ്ഥ​ര​ട​ക്കം കോ​ട​തി​യി​ലെ​ത്തു​ന്ന ജീ​വ​ന​ക്കാ​രു​ടെ​യും മ​റ്റു​ള്ള​വ​രു​ടെ​യും വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​ൻ ഇ​ട​മി​ല്ലാ​താ​യ​തു മാ​ത്ര​മ​ല്ല ഇ​ഴ​ജ​ന്തു​ക്ക​ളു​ടെ​യും മ​റ്റും ശ​ല്യ​വും വ​ർ​ധി​ച്ചു. വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​ൻ ഇ​ട​മി​ല്ലാ​ത്ത​തി​നാ​ൽ അ​ഭി​ഭാ​ഷ​ക​ര​ട​ക്കം പ​ല​രും ബ​സി​ലും ഓട്ടോ​റി​ക്ഷ​യി​ലു​മൊ​ക്കെ​യാ​ണ് ഇ​പ്പോ​ൾ കോ​ട​തി​യി​ലെ​ത്തു​ന്നത്.
Copyright @ 2018 , Rashtra Deepika Ltd.