അ​യ​ത്തി​ൽ മേ​ൽ​പ്പാ​ല​ത്തിനടിയിലൂടെ ഗ​താ​ഗ​തം അ​നു​വ​ദി​ക്ക​ണം
Friday, September 20, 2024 5:55 AM IST
കൊ​ട്ടി​യം: നി​ർ​മാ​ണം പൂ​ർ​ത്തി​യാ​യ കൊ​ല്ലം - ആ​യൂ​ർ സം​സ്ഥാ​ന പാ​ത​യി​ൽ അ​യ​ത്തി​ൽ ബൈ​പ്പാ​സ് ജം​ഗ്ഷ​നി​ലെ മേ​ൽ​പ്പാ​ല​ത്തി​ന്‍റെ അ​ടി​യി​ലൂ​ടെ വാ​ഹ​ന​ങ്ങ​ളെ ക​ട​ത്തി​വി​ട​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.

പാ​ല​ത്തി​ന​ടി​യി​ലൂ​ടെ വാ​ഹ​ന​ങ്ങ​ൾ ക​ട​ത്തി വി​ടാ​ത്ത​തി​നാ​ൽ വാ​ഹ​ന​ങ്ങ​ൾ​ക്ക് ഏ​റെദൂ​രം പോ​യി തി​രി​ഞ്ഞു പോ​രേ​ണ്ട സ്ഥി​തി​യാ​ണു​ള്ള​ത്. നി​ല​വി​ലെ ഗ​താ​ഗ​ത രീ​തി സ്വ​കാ​ര്യ ബ​സു​ക​ൾ​ക്ക് ഉ​ൾ​പ്പെ​ടെ വ​ലി​യ ന​ഷ്ടം ഉ​ണ്ടാ​ക്കു​ന്നു. ബ​സു​ക​ൾ​ക്ക് അ​നു​വ​ദി​ച്ച സ​മ​യ​ത്ത് ഓ​ടി​യെ​ത്താ​ൻ ക​ഴി​യു​ന്നി​ല്ല.

ക​ല്ലും താ​ഴ​ത്തെ പാ​ലം നി​ർ​മാ​ണം പൂ​ർ​ത്തി​യാ​യ​പ്പോ​ൾ പാ​ല​ത്തി​ന​ടി​യി​ലൂ​ടെ വാ​ഹ​ന​ങ്ങ​ൾ ക​ട​ത്തി​വി​ട്ടി​രു​ന്നു. സം​സ്ഥാ​ന ഹൈ​വേ​യി​ൽ ക​ണ്ണ​ന​ല്ലൂ​ർ ഭാ​ഗ​ത്തു​നി​ന്ന് വ​രു​ന്ന വാ​ഹ​ന​ങ്ങ​ൾ ബൈ​പ്പാ​സി​ലെ സ​ർ​വീ​സ് റോ​ഡി​ലൂ​ടെ ഏ​റെ ദൂ​രം പോ​യി പെ​ട്രോ​ൾ പ​മ്പി​ന​ടു​ത്ത് നി​ന്ന് തി​രി​ച്ചു പോ​കു​ക​യാ​ണ് ചെ​യ്യു​ന്ന​ത്.

ഇ​ത് അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്നു. ഗ​താ​ഗ​ത നി​യ​ന്ത്ര​ണ​ത്തി​നാ​യി ഹോം ​ഗാ​ർ​ഡും ദേ​ശീ​യ​പാ​ത നി​ർ​മാ​ണം ക​രാ​ർ എ​ടു​ത്ത ക​മ്പ​നി നി​യ​മി​ച്ച മൂ​ന്നു​പേ​രും പോ​ലീ​സും ഉ​ണ്ട്.

പാ​ല​ത്തി​ന​ടി​യി​ലൂ​ടെ വാ​ഹ​ന​ങ്ങ​ൾ ക​ട​ത്തി​വി​ട​ണ​മെ​ന്ന ആ​വ​ശ്യം സ്വ​കാ​ര്യ ബ​സ് ജീ​വ​ന​ക്കാ​രും ഉ​ന്ന​യി​ച്ചി​ട്ടു​ണ്ട്. പാ​ല​ത്തി​ന​ടി​യി​ലൂ​ടെ വാ​ഹ​നം ക​ട​ത്തി വി​ട്ടാ​ൽ ഗ​താ​ഗ​ത​ക്കു​രു​ക്ക് ഉ​ണ്ടാ​കി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

കൊ​ല്ല​ത്തു​നി​ന്നും ക​ണ്ണ​ന​ല്ലൂ​രി​ൽ നി​ന്നും വ​രു​ന്ന വാ​ഹ​ന​ങ്ങ​ൾ​ക്ക് സം​സ്ഥാ​ന ഹൈ​വേ വ​ഴി പോ​കാ​ൻ ന​ട​പ​ടി​യെ​ടു​ക്ക​ണ​മെ​ന്നാ​വ​ശ്യ​പ്പെ​ട്ട് അ​യ​ത്തി​ൽ നി​സാം ക​രാ​ർ ക​മ്പ​നി അ​ധി​കൃ​ത​ർ​ക്കും ജി​ല്ലാ ക​ള​ക്ട​ർ​ക്കും നി​വേ​ദ​നം ന​ൽ​കി.
Copyright @ 2018 , Rashtra Deepika Ltd.