കെ-​സ്റ്റോ​ര്‍ വി​പു​ല​മാ​ക്കു​മെ​ന്ന് മ​ന്ത്രി​യു​ടെ പ്ര​ഖ്യാ​പ​നം: പ​ക്ഷേ എ​ങ്ങ​നെ ?
Sunday, July 7, 2024 7:40 AM IST
കാ​ഞ്ഞ​ങ്ങാ​ട്: ജി​ല്ല​യി​ല്‍ കെ-​സ്റ്റോ​റു​ക​ളു​ടെ പ്ര​വ​ര്‍​ത്ത​നം വി​പു​ല​മാ​ക്കു​മെ​ന്ന് ഭ​ക്ഷ്യ​മ​ന്ത്രി ജി.​ആ​ര്‍.​അ​നി​ലി​ന്‍റെ പ്ര​ഖ്യാ​പ​നം. നി​ല​വി​ല്‍ 12 സ്റ്റോ​റു​ക​ളാ​ണ് പ്ര​വ​ര്‍​ത്തി​ക്കു​ന്ന​ത്. ഓ​ണ​ത്തി​ന് മു​മ്പാ​യി 30 കെ-​സ്റ്റോ​റു​ക​ള്‍ വ​ര്‍​ധി​പ്പി​ക്കു​മെ​ന്നും മ​ന്ത്രി പ​റ​ഞ്ഞു.

കാ​ഞ്ഞ​ങ്ങാ​ട് പൊ​തു​മ​രാ​മ​ത്ത് റ​സ്റ്റ് ഹൗ​സി​ല്‍ ജി​ല്ല​യി​ലെ ഭ​ക്ഷ്യ സി​വി​ല്‍ സ​പ്ലൈ​സ് ഉ​ദ്യോ​ഗ​സ്ഥ​രു​ടെ​യും കെ-​സ്റ്റോ​ര്‍ റേ​ഷ​ന്‍ ലൈ​സ​ന്‍​സി​മാ​രു​ടെ​യും അ​വ​ലോ​ക​ന യോ​ഗ​ത്തി​ന് ശേ​ഷം മാ​ധ്യ​മ​പ്ര​വ​ര്‍​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു മ​ന്ത്രി.

എ​ന്നാ​ല്‍ പ്ര​ഖ്യാ​പ​ന​ത്തി​ന​പ്പു​റം ഇ​തി​നു​വേ​ണ്ട പ്രാ​യോ​ഗി​ക ന​ട​പ​ടി​ക​ളൊ​ന്നും പ്ര​ഖ്യാ​പി​ച്ചി​ട്ടി​ല്ലെ​ന്ന​താ​ണ് വ​സ്തു​ത. ജി​ല്ല​യി​ലെ കെ-​സ്റ്റോ​റു​ക​ള്‍ നി​ല​വി​ല്‍ എ​പ്പോ​ള്‍ വേ​ണ​മെ​ങ്കി​ലും പൂ​ട്ടി​പ്പോ​കാ​വു​ന്ന അ​വ​സ്ഥ​യി​ലാ​ണു​ള്ള​ത്.

ശ​ബ​രി ഉ​ത്പ​ന്ന​ങ്ങ​ളും ചെ​റു​കി​ട സം​ര​ഭ​ക​രു​ടെ ഉ​ത്പ​ന്ന​ങ്ങ​ളും മാ​ത്ര​മാ​ണ് ഇ​വി​ടെ വി​ല്‍​പ​ന​യ്ക്കു​ള്ള​ത്. ശ​ബ​രി ഉ​ത്പ​ന്ന​ങ്ങ​ള്‍​ക്ക് ഗു​ണ​നി​ല​വാ​ര​മി​ല്ലെ​ന്നും വി​ല കൂ​ടു​ത​ലാ​ണെ​ന്നു​മു​ള്ള ആ​ക്ഷേ​പ​മു​ള്ള​തി​നാ​ല്‍ ഇ​തു വാ​ങ്ങാ​നും ആ​ളി​ല്ല. എ​ന്നാ​ല്‍ കെ-​സ്റ്റോ​റി​ല്‍ സ്വ​കാ​ര്യ​ക​മ്പ​നി​ക​ളു​ടെ സാ​ധ​ന​ങ്ങ​ള്‍ വി​ല്‍​പ​ന ന​ട​ത്താ​ന്‍ നി​യ​മ​പ​ര​മാ​യ ത​ട​സ​മു​ണ്ടെ​ന്നാ​ണ് മ​ന്ത്രി ചോ​ദ്യ​ത്തി​നു മ​റു​പ​ടി​യാ​യി പ​റ​ഞ്ഞ​ത്.

കെ-​സ്‌​റ്റോ​ര്‍ വ​ഴി നി​ല​വി​ല്‍ അ​ഞ്ചു​കി​ലോ​യു​ടെ ഛോട്ടു ​ഗ്യാ​സ് സി​ലി​ണ്ട​റാ​ണ് വി​ത​ര​ണം ചെ​യ്യു​ന്ന​ത്. ഇ​തി​നു ജി​ല്ല​യി​ല്‍ ആ​വ​ശ്യ​ക്കാ​രി​ല്ല. 15.9 കി​ലോ​യു​ടെ ഗാ​ര്‍​ഹി​ക സി​ലി​ണ്ട​റു​മാ​യി താ​ര​മ്യ​പ്പെ​ടു​ത്തു​മ്പോ​ള്‍ ഇ​തി​നു വി​ല​യും കൂ​ടു​ത​ലാ​ണ്. ഗാ​ര്‍​ഹി​ക സി​ലി​ണ്ട​റു​ക​ള്‍ കെ-​സ്‌​റ്റോ​ര്‍ വ​ഴി വി​ത​ര​ണം ചെ​യ്യാ​നു​ള്ള ച​ര്‍​ച്ച​ക​ള്‍ ന​ട​ക്കു​ന്നു​ണ്ടെ​ന്ന് മ​ന്ത്രി പ​റ​ഞ്ഞു.

എ​ന്നാ​ല്‍ സ്വ​കാ​ര്യ വി​ത​ര​ണ ഏ​ജ​ന്‍​സി​ക​ള്‍ നി​ല​വി​ലു​ള്ള സ്ഥ​ല​ത്ത് ഇ​ത്ത​ര​ത്തി​ല്‍ റേ​ഷ​ന്‍ ക​ട വ​ഴി എ​ല്ലാ​ത്ത​രം സി​ലി​ണ്ട​റു​ക​ളും ല​ഭി​ക്കു​ന്ന​ത് അ​വ​രു​മാ​യു​ള്ള നേ​രി​ട്ടു​ള്ള ഏ​റ്റു​മു​ട്ട​ലി​ന് കാ​ര​ണ​മാ​കു​മെ​ന്ന​തി​നാ​ല്‍ ഇ​തി​നു പ​രി​മി​തി​ക​ളു​ണ്ടെ​ന്നും മ​ന്ത്രി പ​റ​ഞ്ഞു.

പ​ഞ്ച​സാ​ര വി​ത​ര​ണം പു​ന​രാ​രം​ഭി​ക്കാ​ന്‍ ന​ട​പ​ടി

മാ​വേ​ലി സ്റ്റോ​റു​ക​ളി​ല്‍ 10 മാ​സ​മാ​യി മു​ട​ങ്ങി​ക്കി​ട​ക്കു​ന്ന പ​ഞ്ച​സാ​ര വി​ത​ര​ണം പു​ന​രാ​രം​ഭി​ക്കാ​നു​ള്ള ന​ട​പ​ടി പു​രോ​ഗ​മി​ക്കു​ന്ന​താ​യി മ​ന്ത്രി. വ​ട​ക്കേ​ന്ത്യ​ന്‍ വ്യാ​പാ​രി​ക​ളി​ല്‍ നി​ന്നാ​ണ് പ​ഞ്ച​സാ​ര വാ​ങ്ങേ​ണ്ട​ത്. ഇ​തി​നു​ള്ള മു​ഴു​വ​ന്‍ തു​ക​യും മു​ന്‍​കൂ​റാ​യി ന​ല്‍​കേ​ണ്ടി​വ​രു​ന്ന​താ​ണ് പ്ര​തി​സ​ന്ധി സൃ​ഷ്ടി​ക്കു​ന്ന​ത്.

മൂ​ന്നു ജി​ല്ല​ക​ളി​ല്‍ പ​ഞ്ച​സാ​ര​യു​ടെ പ്ര​ശ്‌​നം പ​രി​ഹ​രി​ച്ചു​ക​ഴി​ഞ്ഞു. മ​റ്റു ജി​ല്ല​ക​ളി​ലും പ​രി​ഹ​രി​ക്കും. മ​റ്റ് അ​വ​ശ്യ​സാ​ധ​ന​ങ്ങ​ളു​ടെ ല​ഭ്യ​ത​യും ഉ​റ​പ്പു​വ​രു​ത്തു​മെ​ന്ന് മ​ന്ത്രി പ​റ​ഞ്ഞു.
Copyright @ 2018 , Rashtra Deepika Ltd.