വെള്ളരിക്കുണ്ട്: മലയോരമേഖലയിലെ ആദ്യത്തെ സൗജന്യ മെഗാ ഓർത്തോപീഡിക് മെഡിക്കൽ ക്യാമ്പ് ഓഗസ്റ്റ് 10നു മാലോം സെന്‍റ് ജോർജ് ദേവാലയ ഓഡിറ്റോറിയത്തിൽ നടക്കും. തലശേരി സോഷ്യൽ സർവീസ് സൊസൈറ്റി, കൊച്ചിൻ ഓർത്തോപീഡിക് സൊസൈറ്റി, കേരള ഓർത്തോപീഡിക് അസോസിയേഷന്‍റെ ജില്ലാ ചാപ്റ്റർ, മഹാത്മാഗാന്ധി ചാരിറ്റബിൾ ട്രസ്റ്റ്, കേരള വ്യാപാരി വ്യവസായി ഏകോപന സമിതി മാലോം, കൊന്നക്കാട് യൂണിറ്റുകൾ, വെള്ളരിക്കുണ്ട് ലയൺസ് ക്ലബ് എന്നിവരുടെ സഹകരണത്തോടെയാണ് ഓർത്തോപീഡിക് മെഗാ മെഡിക്കൽ ക്യാമ്പ് നടത്തുന്നത്.
കൊച്ചിയിലെ പ്രമുഖ ആശുപത്രികളിൽ നിന്നു 40 ഓർത്തോപീഡിക് സർജന്മാരാണ് ക്യാമ്പ് നയിക്കുന്നത്. പേര് രജിസ്റ്റർ ചെയ്യുന്നതിന് +91 79941 35393, +919447489272, +919496422423, +919846246750 എന്നീ നമ്പരുകളിൽ ബന്ധപ്പെടണം.
ക്യാമ്പിന്‍റെ വിജയത്തിനായി നാളെ വൈകുന്നേരം നാലിന് മാലോത്ത് വിപുലമായ സംഘാടകസമിതി ചേരുമെന്ന് ബളാൽ പഞ്ചായത്ത് പ്രസിഡന്‍റ് രാജു കട്ടക്കയം, ഡോ.ജോൺ തയ്യിൽ, ലയൺസ് ക്ലബ് പ്രസിഡന്‍റ് റ്റോമിച്ചൻ കാഞ്ഞിരമറ്റം, അലക്സ് നെടിയകാലായിൽ, സാബു കോനാട്ട്, ഷാലറ്റ് ജോസഫ്, ജിന്‍റോ മുറിഞ്ഞകല്ലേൽ എന്നിവർ പത്രസമ്മേളനത്തിൽ അറിയിച്ചു.