ആസ്ട്രൽ ഗ്രൂപ്പ് ‘പുഷ്പ: ദ റൂളു’മായി കൈകോര്‍ക്കുന്നു
Thursday, November 28, 2024 11:56 PM IST
മുംബൈ: ആസ്ട്രൽ ലിമിറ്റഡിന്‍റെ രണ്ട് മുൻനിര ബ്രാൻഡുകളായ ആസ്ട്രൽ പൈപ്പ്സും ബോണ്ട്‌ടൈറ്റ് അഡ്‌ഹസീവ്സും ഐക്കണ്‍ സ്റ്റാർ അല്ലു അർജുൻ അഭിനയിക്കുന്ന, ഏറെ പ്രതീക്ഷയോടെ കാത്തിരിക്കുന്ന ബ്ലോക്ക്ബസ്റ്റർ ‘പുഷ്പ: ദ റൂൾ, പാർട്ട് 2’-മായി കൈകോര്‍ക്കുന്നു.
സുകുമാർ സംവിധാനം ചെയ്യുന്ന ചിത്രത്തിന്‍റെ ചിത്രത്തിന്‍റെ കേന്ദ്രകഥാപാത്രമായ പുഷ്പ, നിരന്തരമായ കരുത്തും സ്ഥിരോത്സാഹവും വെല്ലുവിളികളെ അതിജീവിച്ച് ഉയിര്‍ത്തെഴുന്നേല്‍ക്കാനുള്ള കഴിവും ഇഴുകിച്ചേര്‍ന്ന വ്യക്തിത്വമാണ്.
കരുത്തുറ്റതും വിശ്വസനീയവുമായ പൈപ്പിംഗ് പരിഹാരങ്ങൾ നല്‍കുക എന്ന ആസ്ട്രലിന്‍റെ പ്രതിബദ്ധതയോട് പൊരുത്തപ്പെടുന്ന മൂല്യങ്ങളാണിവയെന്ന് മാനേജ്മെന്‍റ് അറിയിച്ചു.
സമാനമായി, മുൻനിര അഡ്‌ഹസീവ് ബ്രാൻഡുകളിലൊന്നായ ബോണ്ട്‌ടൈറ്റ് അഡ്‌ഹസീവുകള്‍ ആകട്ടെ ചിത്രത്തിന്‍റെ കാതലായ തീമുകളായ കരുത്ത്, പൂര്‍വസ്ഥിതി പ്രാപിക്കല്‍, തകർക്കാനാകാത്ത ബന്ധങ്ങൾ സൃഷ്‌ടിക്കാനുള്ള കഴിവ് എന്നിവയുമായി ചേർന്നു പോകുന്നവയാണ്.
ഉപഭോക്താക്കളുമായി ആഴത്തിലുള്ള ബന്ധം നിലനിർത്തിക്കൊണ്ട് നവീകരണത്തിന്‍റെ മുൻനിരയിൽ തുടരാനാണ് തങ്ങൾ ലക്ഷ്യമിടുന്നതെന്ന് ഈ കൈകോര്‍ക്കലിനെക്കുറിച്ചു പ്രതികരിക്കവേ ആസ്ട്രൽ ലിമിറ്റഡ് എക്‌സിക്യൂട്ടീവ് ഡയറക്‌ടർ കൈരവ് എൻജിനിയർ പറഞ്ഞു.
ദക്ഷിണേന്ത്യൻ വിപണി തങ്ങൾക്കു നിര്‍ണായക പ്രാധാന്യമുള്ളതാണെന്നും ഈ കൈകൊര്‍ക്കല്‍ തങ്ങളുടെ സാന്നിധ്യം വർധിപ്പിക്കാന്‍ ഉതകുമെന്നും അദ്ദേഹം വ്യക്തമാക്കി.