പുതിയ ടാബ്‌ലറ്റും ലാപ്‌ടോപ്പും പുറത്തിറക്കി ലെനോവോ
Monday, November 25, 2024 1:09 AM IST
കൊച്ചി: ടെക്‌നോളജി രംഗത്തെ പ്രമുഖരായ ലെനോവോ, വര്‍ക്കിംഗ് പ്രഫഷണലുകള്‍ക്കായി പുതിയ ലാപ്‌ടോപ്പും ടാബ്‌ലെറ്റും പുറത്തിറക്കി. ലെനോവോ ടാബ് കെ11 വിപണിയിലെ വ്യത്യസ്ത ആവശ്യങ്ങള്‍ നിറവേറ്റുന്നതിനും വ്യവസായങ്ങള്‍ക്കും പ്രഫഷണലുകള്‍ക്കും അനുയോജ്യമായ രീതിയിലാണു രൂപകല്പന ചെയ്തിരിക്കുന്നത്.
11 ഇഞ്ച് എല്‍സിഡി ഡിസ്‌പ്ലേ, 400 നിറ്റ്‌സ് ബ്രൈറ്റ്‌നസ്, 1920-1200 റസല്യൂഷന്‍ എന്നിവയോടെയുള്ള ടാബ്‌ലെറ്റ്, ഉയര്‍ന്ന ഗുണമേന്മയുള്ള ദൃശ്യാനുഭവമാണ് നല്‍കുന്നത്. നാല് സ്പീക്കറുകളും മിഡിയാടെക് ഹെലിയോ ജി 88 പ്രോസസറും 8 ജിബി വരെ റാം 128ജിബി സ്റ്റോറേജ് എന്നിവയും ഉപയോക്താക്കള്‍ക്കു ശരിയായ മള്‍ട്ടിടാസ്‌കിംഗും ധാരാളം സ്റ്റോറേജും ഉറപ്പുവരുത്തുന്നു. 22,999 രൂപയില്‍ ആരംഭിക്കുന്ന ലൂണ ഗ്രേ നിറത്തിലുള്ള ഈ മോഡല്‍ lenovo.comല് ലഭ്യമാണ്. കൂടാതെ തിങ്ക് ബുക്ക് എന്ന പുതിയ ലാപ്‌ടോപ്പും ലെനോവോ പുറത്തിറക്കി.