എസ്ബിഐയും മുത്തൂറ്റ് മൈക്രോഫിനും കോ-ലെന്‍ഡിംഗ് സഹകരണത്തിന്
Saturday, November 23, 2024 11:30 PM IST
കൊച്ചി: എസ്ബിഐയുമായി ചേര്‍ന്ന് കോ-ലെന്‍ഡിംഗ് പങ്കാളിത്തത്തിന് മുന്‍നിര എന്‍ബിഎഫ്‌സി-എംഎഫ്‌ഐ സ്ഥാപനമായ മുത്തൂറ്റ് മൈക്രോഫിന് നീക്കങ്ങളാരംഭിച്ചു.
ഇതിന്‍റെ ഭാഗമായി എസ്ബിഐ 500 കോടി രൂപ പരിധിയുമായി തുക അനുവദിച്ചു. 100 കോടി രൂപ വീതമുള്ള ഘട്ടങ്ങളായാകും ഇതു നല്‍കുക.
അര്‍ഹരായ ഉപഭോക്താക്കള്‍ക്ക് 50,000 മുതല്‍ മൂന്നു ലക്ഷം രൂപ വരെയാകും വായ്പകള്‍ നല്‍കുക. കാര്‍ഷിക, അനുബന്ധ പ്രവര്‍ത്തനങ്ങളിലും വരുമാനമുണ്ടാക്കുന്ന മറ്റ് പ്രവര്‍ത്തനങ്ങളിലും ഏര്‍പ്പെട്ടിരിക്കുന്ന ജോയിന്‍റ് ലയബിലിറ്റി ഗ്രൂപ്പുകളെയാകും (ജെഎല്‍ജി) പ്രാഥമികമായി ഇതില്‍ പരിഗണിക്കുക.