ഒക്ടോബറിലാണ് പുതിയ പ്രസിഡന്റ് അധികാരമേൽക്കുന്നത്. 17,000 ദ്വീപുകളിലായി 27 കോടി ജനങ്ങൾ വസിക്കുന്ന ഇന്തോനേഷ്യ ജനസംഖ്യകൊണ്ട് ലോകത്തിലെ മൂന്നാമത്തെ വലിയ ജനാധിപത്യ രാജ്യമാണ്.
ബോട്ടിലും കുതിരവണ്ടിയിലും കാൽനടയായുമൊക്കെ ബാലറ്റ് പെട്ടികൾ എത്തിക്കേണ്ട രാജ്യത്തെ തെരഞ്ഞെടുപ്പിന്റെ ഔദ്യോഗികഫലം വരാൻ ഒരു മാസമെങ്കിലും എടുക്കും. മുൻ തെരഞ്ഞെടുപ്പുകളിലെ അതിവേഗ വോട്ടെണ്ണലിൽ കൃത്യമായ ഫലം പ്രവചിക്കപ്പെട്ടിരുന്നു.
വിപുലമായ ആഭ്യന്തര വിപണി, പ്രകൃതിവിഭവങ്ങൾ, തെക്കുകിഴക്കനേഷ്യൽ രാജ്യങ്ങളിലുള്ള സ്വാധീനം മുതലായ കാരണങ്ങളാൽ ഇന്തോനേഷ്യയിലെ തെരഞ്ഞെടുപ്പിനെ അമേരിക്കയും ചൈനയും വളരെ പ്രാധാന്യത്തോടെയാണ് കാണുന്നത്.