ആ​ല​പ്പു​ഴ: പു​ഞ്ചകൃ​ഷി​ക്ക് ത​യാ​റെ​ടു​പ്പ് ന​ട​ത്തു​ന്ന ക​ർ​ഷ​ക​ർ​ക്കാവ​ശ്യ​മാ​യ വി​ത്ത് ല​ഭി​ക്കു​ന്ന​തി​ന് രേ​ഖാ​മൂ​ലം അ​പേ​ക്ഷി​ച്ച കർഷകരോട് കൃഷിഭവനുകൾ സാങ്കേതിക തടസങ്ങൾ പറഞ്ഞതായി ആരോപ ണം. പു​ന്ന​പ്ര വ​ട​ക്ക് കൃ​ഷി​ഭ​വ​നുക​ളി​ലെ 502 ഏ​ക്ക​ർ വി​സ്തൃ​തി​യു​ള്ള വെ​ട്ടി​ക്ക​രി പാ​ട​ശേ​ഖ​ര​ത്തി​ലെ ക​ർ​ഷ​ക​രോ​ടും നെ​ടു​മു​ടി കൃ​ഷി​ഭ​വ​നു കീ​ഴി​ലെ 198 ഏ​ക്ക​ർ വി​സ്തൃ​തി​യു​ള്ള മു​ട്ട​നാ​ക​രി പാ​ട​ശേ​ഖ​ര​ത്തി​ലെ ക​ർ​ഷ​ക സ​മി​തി​യി​ലെ ഭാ​ര​വാ​ഹി​ക​ളോ​ടും വി​ത്തു ന​ൽ​കാ​ൻ സാ​ങ്കേ​തി​ക ത​ട​സ​ങ്ങ​ൾ പ​റ​ഞ്ഞ​തായാണ് പരാതി.

കൃ​ഷി​ഭ​വ​നു​ക​ളി​ൽനി​ന്ന് ക​ർ​ഷ​ക​ർ​ക്ക് ല​ഭ്യ​മാ​ക്കു​ന്ന മ​ണി​ര​ത്നം നെ​ൽ​വി​ത്ത് സ്വ​കാ​ര്യ​വ്യ​ക്തി​ക​ൾ വി​ത​ര​ണ​ത്തി​നാ​യി ശേ​ഖ​രി​ച്ച് ക​ഴി​ഞ്ഞാ​ണ് വി​ത​ര​ണ​ത്തി​നു​ള്ള സാ​ങ്കേ​തി​ക ത​ട​സം കൃ​ഷി​ഭ​വ​ന​ക​ളി​ൽനി​ന്നും ക​ർ​ഷ​ക​ർ​ക്ക് ല​ഭി​ച്ച​ത്. ക​ഴി​ഞ്ഞകാ​ല​ങ്ങ​ളി​ലെ വി​ത്തുവാ​ങ്ങി വി​ത​ച്ച ക​ർ​ഷ​ക​ർ​ക്ക് സ​ബ്സി​ഡി തു​ക ഇ​ന്നും ല​ഭി​ക്കാ​നു​ണ്ട്. വി​ത്ത് ല​ഭി​ക്കാ​ൻ സാ​ധ്യ​ത​യി​ല്ല എ​ന്ന അ​റി​യി​പ്പ് ക​ർ​ഷ​ക​രെ വ​ലി​യ ആ​ശ​ങ്ക​യി​ലാ​ക്കി.

പ​ക​രം സം​വി​ധാ​നം ഏ​ർ​പ്പെ​ടു​ത്തി ക​ർ​ഷ​ക​രെ വി​ത്തു ന​ൽ​കി സ​ഹാ​യി​ക്കാ​ൻ ആ​വ​ശ്യ​മാ​യ ന​ട​പ​ടി കൈ​ക്കൊ​ള്ള​ണ​മെ​ന്ന് ആ​വ​ശ്യ​പ്പെ​ട്ട് ജി​ല്ലാ ക​ള​ക്ട​ർ​ക്ക് നി​വേ​ദ​നം ന​ൽ​കാ​ൻ ക​ർ​ഷ​ക കോ​ൺ​ഗ്ര​സ് അ​മ്പ​ല​പ്പു​ഴ നി​യോ​ജ​ക​മ​ണ്ഡ​ലം ക​മ്മി​റ്റി തീ​രു​മാ​നി​ച്ചു. യോ​ഗം ജി​ല്ലാ പ്ര​സി​ഡ​ന്‍റ് മാ​ത്യു ചെ​റു​പ​റ​മ്പ​ൻ ഉ​ദ്ഘാ​ട​നം ചെ​യ്തു. നി​യോ​ജ​ക മ​ണ്ഡ​ലം പ്ര​സി​ഡ​ന്‍റ് തോ​മ​സു​കു​ട്ടി മു​ട്ട​ശേരി അ​ധ്യ​ക്ഷ​ത വ​ഹി​ച്ചു. സി​ബി മൂ​ലം​കു​ന്നം, സാ​ബു വെ​ള്ളാ​പ്പ​ള്ളി, ബേ​ബി​ച്ച​ൻ ആ​ഞ്ഞി​ലി​പ്പ​റ​മ്പി​ൽ, ഷാ​ജി നാല്പതിൽ, ​ഔ​സേ​പ്പ​ച്ച​ൻ എ​ന്നി​വ​ർ പ്രസംഗിച്ചു.