ന്യൂഡൽഹി: യുഎസ് പ്രസിഡന്‍റ് തെരഞ്ഞെടുപ്പിലെ വിജയത്തില്‍ ഡോണള്‍ഡ് ട്രംപിനെ അഭിനന്ദിച്ച് പ്രധാനമന്ത്രി നരേന്ദ്ര മോദി. ചരിത്രപരമായ വിജയത്തിൽ തന്‍റെ സുഹൃത്ത് ട്രംപിനെ അഭിനന്ദിക്കുന്നു എന്ന് മോദി എക്സിൽ കുറിച്ചു.
ലോകസമാധാനത്തിനായും സുസ്ഥിരതയ്ക്കായും സമൃദ്ധിക്കായും ഒരുമിച്ച് പ്രവര്‍ത്തിക്കാമെന്നും ഇന്ത്യ‌യും അമേരിക്ക‌യും തമ്മിലുള്ള ബന്ധം കൂടുതൽ ദൃഢമാവുമെന്ന് പ്രതീക്ഷിക്കുന്നതായും നരേന്ദ്ര മോദി കൂട്ടിച്ചേർത്തു.
ട്രംപിനൊപ്പമുള്ള വിവിധ ചിത്രങ്ങളും പ്രധാനമന്ത്രി എക്സിൽ പങ്കുവച്ചു.