തൃ​ത്താ​ല കു​ടി​വെ​ള്ള പ​ദ്ധ​തി അ​ന്തി​മഘ​ട്ട​ത്തി​ൽ
Friday, March 29, 2024 1:13 AM IST
പാ​വ​റ​ട്ടി: ഗ്രാ​മപ​ഞ്ചാ​യ​ത്തി​ലെ കു​ടി​വെ​ള്ള​ക്ഷാ​മ​ത്തി​ന് പ​രി​ഹാ​ര​മാ​യി വി​ഭാ​വ​നം ചെ​യ്ത തൃ​ത്താ​ല കു​ടി​വെ​ള്ള പ​ദ്ധ​തി പൂ​ർ​ത്തി​യാ​കു​ന്നു. പ​ത്തു​വ​ർ​ഷ​മാ​യി റെ​യി​ൽ​വേ​യി​ൽ കു​രു​ങ്ങി​ക്കി​ട​ന്നി​രു​ന്ന തൃ​ത്താ​ല കു​ടി​വെ​ള്ള പ​ദ്ധ​തി​യു​ടെ ബാ​ക്കി​യു​ള്ള പൈ​പ്പി​ട​ൽ തു​ട​ങ്ങി. ബ്ര​ഹ്മ​കു​ളം റെ​യി​ൽ​വേ ക്രോ​സിന്‍റെ അ​ടി​യി​ലൂ​ടെ 3.5 മീ​റ്റ​ർ നീ​ള​ത്തി​ൽ കു​ടിവെ​ള്ള പൈ​പ്പ് ഇ​ടു​ന്ന ജോ​ലി​ക​ളാ​ണ് ഇ​പ്പോ​ൾ പു​ന​രാ​രം​ഭി​ച്ചി​ട്ടു​ള്ള​ത്.

കു​ടി​വെ​ള്ള​ക്ഷാ​മം രൂ​ക്ഷ​മാ​യ പാ​വ​റ​ട്ടി ഗ്രാ​മപ​ഞ്ചാ​യ​ത്തി​നെ തൃ​ത്താ​ല കു​ടി​വെ​ള്ള പ​ദ്ധ​തി​യി​ൽ ഉ​ൾ​പ്പെ​ടു​ത്ത​ണ​മെ​ന്ന് ആ​വ​ശ്യ​പ്പെ​ട്ട് 2014- ൽ ​ജ​ല​സേ​ച​ന വ​കു​പ്പ് മ​ന്ത്രി പി.​ജെ. ജോ​സ​ഫി​ന് അ​ന്ന​ത്തെ പ​ഞ്ചാ​യ​ത്ത് പ്ര​സി​ഡന്‍റാ​യി​രു​ന്ന വി​മ​ല സേ​തു​മാ​ധ​വ​ൻ നി​വേ​ദ​നം ന​ൽ​കി​യ​തി​ന്‍റെ അ​ടി​സ്ഥാ​ന​ത്തി​ലാ​ണ് പാ​വ​റ​ട്ടി​യെ ഈ ​പ​ദ്ധ​തി​യി​ൽ ഉ​ൾ​പ്പെ​ടു​ത്തി​യ​ത്.

33 കോ​ടി രൂ​പ​യാ​ണ് അ​ന്ന് പ​ദ്ധ​തി​ക്കാ​യി നീ​ക്കി​വ​ച്ച​ത്. എ​സ്റ്റി​മേ​റ്റ് ഉ​ണ്ടാ​ക്കു​ന്ന​തി​നാ​യി ജ​ല അ​തോ​റി​റ്റി ആ​വ​ശ്യ​പ്പെ​ട്ട​ത​നു​സ​രി​ച്ച് 2014-ൽ ​പ​ഞ്ചാ​യ​ത്ത് വി​ഹി​ത​മാ​യി സ​ർ​വേ ന​ട​പ​ടി​ക​ൾ​ക്ക് 1.75 ല​ക്ഷം രൂ​പ​യും ന​ൽ​കി​യി​രു​ന്നു. കു​ന്നം​കു​ളം ചാ​ട്ടു​കു​ള​ത്തു​നി​ന്ന് ആ​രം​ഭി​ച്ച് പാ​വ​റ​ട്ടി പ​ഞ്ചാ​യ​ത്തി​ലെ മു​ഴു​വ​ൻ വാ​ർ​ഡു​ക​ളി​ലും കു​ടി​വെ​ള്ളം എ​ത്തി​ക്കു​ക​യാ​യി​രു​ന്നു ല​ക്ഷ്യം. എ​ന്നാ​ൽ നീ​ണ്ട പ​ത്ത് വ​ർ​ഷ​മാ​യി​ട്ടും ആ ​പ​ദ്ധ​തി പൂ​ർ​ത്തീ​ക​രി​ക്കാ​ൻ ബ​ന്ധ​പ്പെ​ട്ട അ​ധി​കാ​രി​ക​ളു​ടെ ഭാ​ഗ​ത്തു​നി​ന്നും ക്രി​യാ​ത്മ​ക​മാ​യ ന​ട​പ​ടി​ക​ൾ ഉ​ണ്ടാ​യി​ല്ലെ​ന്ന് പാ​വ​റ​ട്ടി മു​ൻ ഗ്രാ​മപ​ഞ്ചാ​യ​ത്ത് പ്ര​സി​ഡ​ന്‍റ്് വി​മ​ല സേ​തു​മാ​ധ​വ​ൻ ആ​രോ​പി​ച്ചു.​

തൃ​ത്താ​ല കു​ടി​വെ​ള്ള പ​ദ്ധ​തി​ക്കാ​യി പാ​വ​റ​ട്ടി പ​ഞ്ചാ​യ​ത്തി​ലെ പു​ളി​ഞ്ചേ​രി​പ്പ​ടി​യി​ൽ ജ​ല സം​ഭ​ര​ണി​യു​ടെ നി​ർ​മാ​ണം പൂ​ർ​ത്തി​യാ​ക്കി​യി​ട്ടു​ണ്ട്. ഈ ​പ​ദ്ധ​തി​യി​ൽ മു​ല്ല​ശേ​രി ഗ്രാ​മപ​ഞ്ചാ​യ​ത്തി​നെ കൂ​ടി പി​ന്നീ​ട് ഉ​ൾ​പ്പെ​ടു​ത്തി​യി​രു​ന്നു. എ​ന്നാ​ൽ ഈ ​പ​ദ്ധ​തി​ക്ക് ത​ടസ​മാ​യി ബ്ര​ഹ്മ​കു​ള​ത്തെ റെ​യി​ൽ​വേ ക്രോ​സിന്‍റെ അ​ടി​യി​ലൂ​ടെ കു​ടിവെ​ള്ള പൈ​പ്പ് ലൈ​ൻ വ​ലി​ക്ക​ൽ ത​ട​സ​മാ​യി നി​ന്നു. ഇ​തി​നാ​യി ജ​ല അ​തോ​റി​റ്റി 5.19 ല​ക്ഷം രൂ​പ റെ​യി​ൽ​വേ​യി​ൽ കെ​ട്ടി​വെ​ച്ചി​രു​ന്നു. ഈ ​ത​ട​സ്സ​മാ​ണ് ഇ​പ്പോ​ൾ നീ​ങ്ങി​യ​ത്. ഇ​പ്പോ​ഴ​ത്തെ പാ​വ​റ​ട്ടി ഗ്രാ​മപ​ഞ്ചാ​യ​ത്ത് ആ​രോ​ഗ്യ- വി​ദ്യാ​ഭ്യാ​സ സ്റ്റാ​ൻ​ഡിംഗ്് ക​മ്മി​റ്റി ചെ​യ​ർ​പേ​ഴ്സ‌​ൺ വി​മ​ല സേ​തു​മാ​ധ​വ​ൻ ത​ടസ​ങ്ങ​ൾ നീ​ക്ക​ണ​മെ​ന്നാ​വ​ശ്യ​പ്പെ​ട്ട് റെ​യി​ൽ​വേ മ​ന്ത്രി, റെ​യി​ൽ​വേ ഉ​ദ്യോ​ഗ​സ്ഥ​ർ എ​ന്നി​വ​ർ​ക്ക് നി​വേ​ദ​നം ന​ൽ​കി​യി​രു​ന്നു. പാ​വ​റ​ട്ടി, മു​ല്ല​ശേ​രി, ഗ്രാ​മ പ​ഞ്ചാ​യ​ത്തു​ക​ളി​ലാ​യി 13,000 വീ​ടു​ക​ളി​ലേ​ക്കാ​ണ് കു​ടി​വെ​ള്ളം വീ​ട്ടു​ക​ണ​ക്ഷ​നാ​യി ന​ൽ​കു​ന്ന​ത്.

ഏ​പ്രി​ൽ ആ​ദ്യ​വാ​ര​ത്തി​ൽ പൈ​പ്പി​ട​ൽ അ​ട​ക്ക​മു​ള്ള നി​ർ​മാ​ണജോ​ലി​ക​ൾ പൂ​ർ​ത്തീ​ക​രി​ച്ച് കു​ടി​വെ​ള്ള പൈ​പ്പു​മാ​യി ബ​ന്ധി​പ്പി​ക്കു​വാ​നും എ​ത്ര​യും വേ​ഗം പ​ദ്ധ​തി ക​മ്മി​ഷ​ൻ ചെ​യ്യാ​നും ക​ഴി​യു​മെ​ന്ന പ്ര​തീ​ക്ഷ​യി​ലാ​ണ് ജ​ല അ​തോ​റി​റ്റി അ​ധി​കൃ​ത​ർ.

Copyright @ 2022 , Rashtra Deepika Ltd.