വൈ​ക​ല്യം തോ​റ്റു, തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ല്‍ കൂ​ള ബേ​ബിച്ചേ​ട്ട​നി​തു നാല്പതാം വ​ര്‍​ഷം
Friday, March 29, 2024 1:13 AM IST
പു​ല്ലൂ​ര്‍: ര​ണ്ട​ര വ​യ​സി​ല്‍ പി​ടി​പെ​ട്ട പോ​ളി​യോ​മൂ​ലം വ​ല​തു കാ​ലി​ലു​ണ്ടാ​യ സ്വാ​ധീ​ന​ക്കു​റ​വി​നെ തോ​ല്പി​ച്ച് തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ല്‍ നാ​ല്പ​താം വ​ര്‍​ഷ​വും സ​ജീ​വ​മാ​ണ് മു​രി​യാ​ട് പ​ഞ്ചാ​യ​ത്തി​ലെ ഊ​ര​ക​ത്തെ കോ​ണ്‍​ഗ്ര​സി​ന്‍റെ മു​ഖ​മാ​യ കൂ​ള ബേ​ബിച്ചേട്ട​ന്‍. 1984ല്‍ ​ന​ട​ന്ന ലോ​ക്‌​സ​ഭാ തെ​ര​ഞ്ഞെ​ടു​പ്പി​ല്‍ കെ. ​മോ​ഹ​ന്‍​ദാ​സി​നു​വേ​ണ്ടി ആ​രം​ഭി​ച്ച​താ​ണ് ബേ​ബി​യു​ടെ തെ​ര​ഞ്ഞെ​ടു​പ്പ് പ്ര​ചാ​ര​ണം. 71-ാം വ​യ​സി​ലും അ​ന്ന​ത്തെ മു​പ്പ​ത്തി​യൊ​ന്നു​കാ​ര​ന്‍റെ അ​തേ ഊ​ര്‍​ജ​സ്വ​ല​ത​യോ​ടെ ഇ​പ്പോ​ഴും തു​ട​രു​ന്നു.

പ​ത്താം ക്ലാ​സി​നുശേ​ഷം ജോ​ലി തേ​ടി നാ​ടു​വി​ട്ട ബേ​ബി 16 വ​ര്‍​ഷ​ത്തോ​ളം എ​റ​ണാ​കു​ള​ത്തും ബം​ഗ​ളൂ​രു​വി​ലു​മാ​യി ജോ​ലി ചെ​യ്തു.1984​ല്‍ നാ​ട്ടി​ല്‍ തി​രി​ച്ചെ​ത്തി​യ സ​മ​യ​ത്താ​ണ് ലോ​ക്‌​സ​ഭാ തെ​ര​ഞ്ഞെ​ടു​പ്പ് ന​ട​ക്കു​ന്ന​ത്. യു​ഡി​എ​ഫ് സ്ഥാ​നാ​ര്‍​ഥി​യാ​യ കെ. ​മോ​ഹ​ന്‍​ദാ​സി​നു​വേ​ണ്ടി അ​ന്ന​ത്തെ പ്ര​ദേ​ശ​ത്തെ കോ​ണ്‍​ഗ്ര​സ് നേ​താ​വാ​യി​രു​ന്ന ടി.​കെ. അ​ന്തോ​ണി​ക്കുട്ടി​ക്കും എം.​കെ. കോ​രു​കു​ട്ടി​ക്കു​മൊ​പ്പം തെ​ര​ഞ്ഞെ​ടു​പ്പ് പ്ര​വ​ര്‍​ത്ത​ന​ങ്ങ​ള്‍​ക്കു മു​ന്നി​ട്ടി​റ​ങ്ങു​ക​യാ​യി​രു​ന്നു.

പ​ഞ്ചാ​യ​ത്ത്, സ​ഹ​ക​ര​ണ സം​ഘം തെ​ര​ഞ്ഞെ​ടു​പ്പു​ക​ളി​ല്‍ മ​ത്സ​രി​ക്കു​ന്ന​തി​നു പ​ലത​വ​ണ പാ​ര്‍​ട്ടി ആ​വ​ശ്യ​പ്പെ​ട്ടെ​ങ്കി​ലും ഒ​രി​ക്ക​ല്‍​പോ​ലും മ​ത്സ​രി​ക്കാ​ന്‍ അ​ദ്ദേ​ഹം ത​യാ​റാ​യി​രു​ന്നി​ല്ല.

എ​ന്നാ​ല്‍, യു​ഡി​എ​ഫ് സ്ഥാ​നാ​ര്‍​ഥി​ക​ളു​ടെ വി​ജ​യം ഉ​റ​പ്പി​ക്കാ​ന്‍ ത​ന്‍റെ സ്വാ​ധീ​ന​ക്കു​റ​വു​ള്ള കാ​ലു​മാ​യി ന​ട​ന്ന് ഓ​രോ വീ​ടു​ക​ളി​ലും ക​യ​റി​യി​റ​ങ്ങു​ന്ന​തി​ല്‍ അ​ദ്ദേ​ഹ​ത്തി​ന് യാ​തൊ​രു ക്ഷീ​ണ​വും ഉ​ണ്ടാ​യി​രു​ന്നി​ല്ല.

മ​ന​സി​ന്‍റെ വേ​ഗ​ത്തി​നൊ​പ്പം കാ​ലു​ക​ള്‍ എ​ത്താ​താ​യ​തോ​ടെ ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പുമു​ത​ല്‍ മു​ച്ച​ക്ര വാ​ഹ​ന​ത്തി​ലി​രു​ന്നാ​ണു ബേ​ബി​യു​ടെ തെ​ര​ഞ്ഞെ​ടു​പ്പ് പ്ര​വ​ര്‍​ത്ത​നം. കോ​ണ്‍​ഗ്ര​സി​ന്‍റെ പു​തു​ത​ല​മു​റ പ്ര​ദേ​ശ​ത്തെ നേ​തൃ​ത്വം ഏ​റ്റെ​ടു​ത്തെ​ങ്കി​ലും അ​വ​ര്‍​ക്ക് മാ​ര്‍​ഗനി​ര്‍​ദേ​ശ​ങ്ങ​ള്‍ ന​ല്‍​കാ​നും അ​വ​രെ ന​യി​ക്കാ​നും ഇ​ന്നും ബേ​ബി മു​ന്നി​ല്‍ ത​ന്നെ​യു​ണ്ട്.

Copyright @ 2022 , Rashtra Deepika Ltd.