കു​ഞ്ഞു​കു​ഞ്ഞു നെ​ല്‍​വി​ത്ത് ഉ​ദ്യോ​ഗ​സ്ഥ സ്വ​ന്ത​മാ​ക്കി​യെ​ന്ന് ആ​ക്ഷേ​പം
Wednesday, March 27, 2024 6:11 AM IST
തൃ​ശൂ​ര്‍: കു​ഞ്ഞു​കു​ഞ്ഞു എ​ന്ന നെ​ല്‍​വി​ത്ത് ക​ണ്ടു​പി​ടി​ച്ച ക​ര്‍​ഷ​ക​നെ വ​ഞ്ചി​ച്ച് സ്വ​ന്തം പേ​രി​ല്‍ ക​ണ്ടു​പി​ടി​ത്തം രേ​ഖ​പ്പെ​ടു​ത്തി​യ കാ​ര്‍​ഷി​ക സ​ര്‍​വ​ക​ലാ​ശാ​ല ഉ​ദ്യോ​ഗ​സ്ഥ​യ്ക്കെ​തി​രേ പ​രാ​തി ന​ല്‍​കി​യി​ട്ടും ന​ട​പ​ടി​യെ​ടു​ക്കു​ന്നി​ല്ലെ​ന്നു ക​ര്‍​ഷ​ക​ന്‍റെ മ​ക​ളു​ടെ ഭ​ര്‍​ത്താ​വാ​യ കെ.​പി. കു​രി​യ​ന്‍ പ​ത്ര​സ​മ്മേ​ള​ന​ത്തി​ല്‍ പ​റ​ഞ്ഞു.

അ​തി​ര​പ്പി​ള്ളി സ്വ​ദേ​ശി​യാ​യ സു​ള്ള വെ​റ്റി​ല​പ്പാ​റ അ​ത്തി​ക്ക​ല്‍ വീ​ട്ടി​ല്‍ എ.​വി. അ​ബ്ര​ഹാം ക​ണ്ടെ​ത്തി​യ നെ​ല്‍​വി​ത്ത് കാ​ര്‍​ഷി​ക സ​ര്‍​വ​ക​ലാ​ശാ​ല​യി​ലെ വി​ത്തു​ക​ള്‍​ക്കും കാ​ര്‍​ഷി​കോ​ത്പ​ന്ന​ങ്ങ​ള്‍​ക്കും അം​ഗീ​കാ​രം കൊ​ടു​ക്കാ​ന്‍ ചു​മ​ത​ല​യു​ണ്ടാ​യി​രു​ന്ന സി.​ആ​ർ. എ​ല്‍​സി എ​ന്ന ഉ​ദ്യോ​ഗ​സ്ഥ സ്വ​ന്തം പേ​രി​ലാ​ക്കി​യെ​ന്നാ​ണ് ആ​ക്ഷേ​പം. നെ​ല്‍​വി​ത്ത് ക​ണ്ടെ​ത്തി​യ​തു ത​ന്‍റെ പേ​രി​ല്‍ രേ​ഖ​പ്പെ​ടു​ത്ത​ണ​മെ​ന്നാ​വ​ശ്യ​പ്പെ​ട്ട് ര​ണ്ടു വ​ര്‍​ഷ​ത്തോ​ളം എ.​വി. അ​ബ്ര​ഹാം എ​ല്‍​സി എ​ന്ന ഉ​ദ്യോ​ഗ​സ്ഥ​യു​ടെ അ​ടു​ത്തു പോ​യി​രു​ന്നു​വെ​ന്നു കെ.​പി. കു​രി​യ​ന്‍ പ​റ​ഞ്ഞു. എ​ന്നാ​ല്‍ എ​ല്ലാ വി​വ​ര​ങ്ങ​ളും വാ​ങ്ങി​വ​ച്ച​തി​നു​ശേ​ഷം ര​ണ്ടു​വ​ര്‍​ഷ​ത്തി​നു​ശേ​ഷം എ​ല്‍​സി സ്വ​ന്തം പേ​രി​ല്‍ നെ​ല്‍​വി​ത്ത് ക​ണ്ടു​പി​ടി​ച്ച​തു രേ​ഖ​പ്പെ​ടു​ത്തു​ക​യാ​യി​രു​ന്നു​വ​ത്രെ.

1965-68 കാ​ല​ഘ​ട്ട​ത്തി​ല്‍ മൂ​ന്നു​വ​ര്‍​ഷ​ത്തെ പ​രീ​ക്ഷ​ണ​ങ്ങ​ള്‍ ന​ട​ത്തി​യാ​ണ് എ.​വി. അ​ബ്ര​ഹാം കു​ഞ്ഞു​കു​ഞ്ഞു നെ​ല്‍​വി​ത്ത് ക​ണ്ടെ​ത്തി​യ​ത്. ഏ​ഴു വ​ര്‍​ഷം മു​മ്പാ​ണ് വി​ത്ത് ക​ണ്ടെ​ത്തി​യ​തി​ന് ഔ​ദ്യോ​ഗി​ക അം​ഗീ​കാ​രം നേ​ടു​ന്ന​തി​നു​വേ​ണ്ടി ശ്ര​മി​ച്ച​ത്. ത​ന്നെ ഒ​ഴി​വാ​ക്കി​വി​ട്ട​തി​നു​ശേ​ഷം കാ​ര്യ​ങ്ങ​ള്‍ അ​റി​യാ​ന്‍ ചെ​ല്ലു​മ്പോ​ള്‍ പു​റ​ത്താ​ക്കു​ന്ന രീ​തി വ​ന്ന​തോ​ടെ വി​വ​രാ​വ​കാ​ശം വ​ഴി അ​പേ​ക്ഷി​ച്ച​പ്പോ​ഴാ​ണ് നെ​ല്‍​വി​ത്ത് ക​ണ്ടെ​ത്തി​യ​ത് സി.​ആ​ർ. എ​ല്‍​സി ആ​ണെ​ന്ന് സ​ര്‍​വ​ക​ലാ​ശാ​ല മ​റു​പ​ടി ത​ന്ന​ത്. തു​ട​ര്‍​ന്ന് 2022ല്‍ ​കാ​ര്‍​ഷി​ക സ​ര്‍​വ​ക​ലാ​ശാ​ല വൈ​സ് ചാ​ന്‍​സ​ല​ര്‍ ഡോ. ​ബി. അ​ശോ​കി​നു പ​രാ​തി ന​ല്‍​കി​യ​പ്പോ​ള്‍ മൂ​ന്നു​മാ​സ​ത്തി​ന​കം റി​പ്പോ​ര്‍​ട്ട് ന​ല്‍​കാ​ന്‍ ആ​വ​ശ്യ​പ്പെ​ട്ടി​രു​ന്നു. പ​ക്ഷേ, നാ​ളി​തു​വ​രെ​യാ​യി​ട്ടും അ​ന്വേ​ഷ​ണം ന​ട​ത്തി​യി​ട്ടു​മി​ല്ല, മ​റു​പ​ടി എ.​വി. അ​ബ്ര​ഹാ​മി​നു ന​ല്‍​കി​യി​ട്ടു​മി​ല്ലെ​ന്നു മ​രു​മ​ക​ന്‍ പ​റ​ഞ്ഞു.

എ​ല്‍​സി ന​ട​ത്തി​യ ത​ട്ടി​പ്പി​നെ​ക്കു​റി​ച്ച് കാ​ര്‍​ഷി​ക​സ​ര്‍​വ​ക​ലാ​ശാ​ല ജു​ഡീ​ഷ​ല്‍ അ​ന്വേ​ഷ​ണം ന​ട​ത്ത​ണ​മെ​ന്ന് അ​ബ്ര​ഹാം ആ​വ​ശ്യ​പ്പെ​ട്ടു. ഇ​തി​നാ​യി കോ​ട​തി​യെ സ​മീ​പി​ക്കു​മെ​ന്നും മ​രു​മ​ക​ന്‍ കെ.​പി. കു​രി​യ​ന്‍ പ​റ​ഞ്ഞു.

Copyright @ 2022 , Rashtra Deepika Ltd.