ക​നാ​ലി​ൽ ഉ​പ്പുവെ​ള്ളം ക​യ​റി
Wednesday, March 27, 2024 6:11 AM IST
ചാ​വ​ക്കാ​ട്: ചേ​റ്റു​വ പു​ഴ​യി​ൽ നി​ന്ന് ഉ​പ്പു​വെ​ള്ളം ക​യ​റു​ന്ന​ത് ത​ട​യു​ന്ന​തി​നുവേ​ണ്ടി പു​രാ​ത​ന​കാ​ല​ത്ത് നി​ർമി​ച്ച ലോ​ക്ക് ത​ക​രാ​ർ മൂ​ലം ഉ​പ്പു​വെ​ള്ളം ക​യ​റി​യും ഇ​റ​ങ്ങി​യും ക​നോ​ലി ക​നാ​ലി​ൽ വെ​ള്ള​ത്തി​ന് ഉ​പ്പു​ര​സ​മാ​യി. ഒ​രു​മ​ന​യൂ​ർ - ക​ട​പ്പു​റം പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന ഒ​രു​മ​ന​യൂ​ർ ലോ​ക്ക് അ​ടു​ത്തി​ടെ പൊ​ളി​ച്ചു പ​ണി​തു​വെ​ങ്കി​ലും പ​ല​ഭാ​ഗ​ങ്ങ​ളി​ലാ​യി ത​ക​രാ​റു​ക​ൾ സം​ഭ​വി​ച്ചി​രി​ക്കു​ക​യാ​ണെന്ന് നാ​ട്ടു​കാ​ർ പ​റ​ഞ്ഞു.

മാ​സ​ങ്ങ​ൾ​ക്കുമു​ൻ​പ് എ​ട​ചീ​ർ​പ്പി​ൽ പ​ന​മ്പ് വെ​ച്ച് നി​റ​ച്ച ച​ളി പ​ണി​യു​ടെ അ​പാ​ക​ത മൂ​ലം ഇ​ള​കി പോ​യ അ​വ​സ്ഥ​യി​ലാ​ണ്. ഇ​തേ തു​ട​ർ​ന്ന് ഷ​ട്ട​റിന്‍റെ ഇ​രു​വ​ശ​ത്തു​കൂ​ടി​യും ഉ​പ്പു​വെ​ള്ളം ക​യ​റു​ന്നു​ണ്ട്.

ഒ​രു​മ​ന​യൂ​ർ മു​ത​ൽ ചാ​വ​ക്കാ​ട് വ​രെ​യു​ള്ള ക​നോ​ലി ക​നാ​ലി​ന്‍റെ ഇ​രു​വ​ശ​ത്തു​മാ​യി താ​മ​സി​ക്കു​ന്ന​വ​രു​ടെ കി​ണ​റു​ക​ളി​ൽ ഉ​പ്പു​വെ​ള്ളം ക​യ​റു​ക​യാ​ണ്. ക​നാ​ലി​ലെ വെ​ള​ള​മാ​ണ് കൃ​ഷിക്കും ​ഉ​പ​യോ​ഗി​ക്കു​ന്ന​ത് . ജ​ന​പ്ര​തി​നി​ധി​ക​ളും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രും അ​ടി​യ​ന്ത​ര​മാ​യി ഇ​ട​പ്പെ​ട​ണ​മെ​ന്നാ​ണ് കാ​യ​ലോ​ര​വാ​സി​ക​ളു​ടെ ആ​വ​ശ്യം.

Copyright @ 2022 , Rashtra Deepika Ltd.