ട്ര​ഷ​റി നി​യ​ന്ത്ര​ണം; ആ​നു​കൂ​ല്യ​ങ്ങ​ള്‍ ല​ഭി​ക്കാ​തെ ക​ര്‍​ഷ​ക​ര്‍ ദു​രി​ത​ത്തി​ല്‍
Tuesday, March 26, 2024 1:17 AM IST
ഇ​രി​ങ്ങാ​ല​ക്കു​ട: ട്ര​ഷ​റി ഇ​ട​പാ​ടു​ക​ളി​ലെ നി​യ​ന്ത്ര​ണം​മൂ​ലം യ​ഥാ​സ​മ​യം ആ​നു​കൂ​ല്യ​ങ്ങ​ള്‍ ല​ഭി​ക്കാ​തെ ക​ര്‍​ഷ​ക​ര്‍​ക്ക് ദു​രി​തം.

2023-24 സാ​മ്പ​ത്തി​ക​വ​ര്‍​ഷം ജി​ല്ലാ, ബ്ലോ​ക്ക്, ഗ്രാ​മ​പ​ഞ്ചാ​യ​ത്ത് അ​ടി​സ്ഥാ​ന​ത്തി​ലു​ള്ള നെ​ല്ലി​ന്‍റെ ആ​നു​കൂ​ല്യ​ങ്ങ​ള്‍ ല​ഭി​ക്കാ​തെ​യാ​ണ് ക​ര്‍​ഷ​ക​ര്‍ ന​ട്ടം​തി​രി​യു​ന്ന​ത്. ക​ര്‍​ഷ​ക​ര്‍ ഇ​ക്കാ​ര്യം പ​രാ​തി​യാ​യി അ​വ​ത​രി​പ്പി​ച്ച​പ്പോ​ള്‍ ട്ര​ഷ​റി നി​യ​ന്ത്ര​ണം​മൂ​ലം ബി​ല്ല് മാ​റി​യെ​ടു​ക്കാ​നു​ള്ള ത​ട​സ​മു​ണ്ടെ​ന്ന് അ​റി​യി​ച്ചു. സ​മ​യം​തെ​റ്റി​യ മ​ഴ​മൂ​ലം പ​ല നെ​ല്‍​ക്ക​ര്‍​ഷ​ക​ര്‍​ക്കും വൈ​ക്കോ​ല്‍ ഉ​ള്‍​പ്പ​ടെ ന​ഷ്ട​പ്പെ​ട്ട സ്ഥി​തി​യു​ണ്ട്.

ഈ ​സാ​ഹ​ച​ര്യ​ത്തി​ല്‍ വ​ലി​യ തു​ക​മു​ട​ക്കി കൃ​ഷി​യി​റ​ക്കി​യ ക​ര്‍​ഷ​ക​ര്‍​ക്ക് അ​വ​രു​ടെ ആ​നു​കൂ​ല്യ​ങ്ങ​ള്‍ സ​മ​യ​ത്തു​ത​ന്നെ ല​ഭ്യ​മാ​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്ന് വേ​ളൂ​ക്ക​ര പ​ഞ്ചാ​യ​ത്തി​ലെ ക​ണ്ണു​കെ​ട്ടി​ച്ചി​റ വ​ഴി​ക്കി​ലി​ച്ചി​റ പാ​ട​ശേ​ഖ​ര​സ​മി​തി സെ​ക്ര​ട്ട​റി ടോം ​കി​ര​ണ്‍ പ​റ​ഞ്ഞു. വ​ര്‍​ഷം​തോ​റും തെ​ങ്ങി​നും ജാ​തി​ക്കും വ​ള​പ്ര​യോ​ഗ​ത്തി​ന് ല​ഭി​ക്കാ​റു​ള്ള ആ​നു​കൂ​ല്യ​ങ്ങ​ളു​ടെ അ​വ​സ്ഥ​യും ഇ​തു​ത​ന്നെ​യാ​ണ്. വ​നി​ത​ക​ള്‍​ക്കാ​യി മാ​റ്റി​വ​ച്ചി​ട്ടു​ള്ള ആ​നു​കൂ​ല്യ​ങ്ങ​ളു​ടെ സ്ഥി​തി​യും വ്യ​ത്യ​സ്ത​മ​ല്ല. ക​ര്‍​ഷ​ക​ര്‍ കൃ​ഷി​ഭ​വ​നു​ക​ളി​ല്‍ പ​രാ​തി ഉ​ന്ന​യി​ക്കു​ന്നു​ണ്ടെ​ങ്കി​ലും കൃ​ത്യ​മാ​യ ഫ​യ​ല്‍ വ​ര്‍​ക്കു​ക​ള്‍ ഉ​ദ്യോ​ഗ​സ്ഥ​ര്‍ ചെ​യ്തി​ട്ടു​ണ്ടെ​ന്നും സ​ര്‍​ക്കാ​രി​ന്‍റെ സാ​മ്പ​ത്തി​ക പ്ര​തി​സ​ന്ധി കാ​ര​ണം ഒ​രു​ല​ക്ഷം രൂ​പ​യി​ല്‍ മു​ക​ളി​ലു​ള്ള ബി​ല്ലു​ക​ള്‍ മാ​റാ​ന്‍ സാ​ധി​ക്കു​ന്നി​ല്ലെ​ന്നും അ​താ​ണ് കാ​ര​ണ​മെ​ന്നും അ​വ​ര്‍ പ​റ​യു​ന്നു.

ഈ ​സാ​മ്പ​ത്തി​ക​വ​ര്‍​ഷം അ​വ​സാ​നി​ക്കു​ന്ന​തി​നു​മു​മ്പ് ആ​നു​കൂ​ല്യ​ങ്ങ​ള്‍ ല​ഭി​ച്ചി​ല്ലെ​ങ്കി​ല്‍ ഇ​വ​യെ​ല്ലാം ന​ഷ്ട​പ്പെ​ടു​മോ​യെ​ന്നു​ള്ള ഭ​യ​ത്തി​ലാ​ണ് ക​ര്‍​ഷ​ക​ര്‍.

Copyright @ 2022 , Rashtra Deepika Ltd.