ആ​റാ​ട്ടു​പു​ഴ പൂ​ര​ത്തി​നി​ടെ വീ​ണ്ടും ആ​ന​യി​ട​ഞ്ഞു, പാ​പ്പാ​നു പ​രി​ക്ക്
Monday, March 25, 2024 1:14 AM IST
തൃ​ശൂ​ർ: ആ​റാ​ട്ടു​പു​ഴ പൂ​ര​ത്തി​നി​ടെ വീ​ണ്ടും ആ​ന ഇ​ട​ഞ്ഞു. ആ​ന​യി​ട​ഞ്ഞ​തോ​ടെ തൃ​പ്ര​യാ​ർ തേ​വ​രു​ടെ​യും ഊ​ര​ക​ത്ത​മ്മ​യു​ടെ​യും മ​ട​ക്ക​യാ​ത്ര വൈ​കി.

കൂ​ട്ടി​യെ​ഴു​ന്ന​ള്ളി​പ്പി​നു​ശേ​ഷം ക്ഷേ​ത്ര​ത്തി​നു സ​മീ​പ​ത്തെ ഒ​ഴി​ഞ്ഞ പ​റ​ന്പി​ൽ ത​ള​ച്ച വ​ട​ക്കു​ന്നാ​ഥ​ൻ ശി​വ​ൻ എ​ന്ന ആ​ന​യാ​ണ് ഓ​ടി​യ​ത്. പാ​പ്പാ​നു സാ​ര​മാ​യ പ​രി​ക്കു​ണ്ട്. ഇ​ന്ന​ലെ രാ​വി​ലെ എ​ട്ടോ​ടെ​യാ​ണു സം​ഭ​വം. ക്ഷേ​ത്ര​ത്തി​നോ​ടു​ചേ​ർ​ന്നു​ള്ള വ​ഴി​യി​ലൂ​ടെ കി​ഴ​ക്കേ​ന​ട​യി​ലേ​ക്കാ​ണ് ആ​ദ്യം ഓ​ടി​യ​ത്. പി​ന്നീ​ടു സ്റ്റേ​ജി​നു സ​മീ​പ​ത്തൂ​ടെ വ​ട​ക്കു​ഭാ​ഗ​ത്തേ​ക്കും ഓ​ടി.

ഉ​ട​ൻ​ത​ന്നെ പാ​പ്പാ​ൻ​മാ​രും എ​ല​ഫെ​ന്‍റ് സ്ക്വാ​ഡ് അം​ഗ​ങ്ങ​ളും ചേ​ർ​ന്നു ത​ള​ച്ചു. പി​ന്നാ​ലെ മ​റ്റൊ​രാ​ന​യും ഇ​ട​ഞ്ഞെ​ങ്കി​ലും വേ​ഗം ത​ള​ച്ചു.ക​ഴി​ഞ്ഞ​ദി​വ​സം ത​റ​യ്ക്ക​ൽ പൂ​ര​ത്തി​നി​ടെ​യും ര​ണ്ട് ആ​ന​ക​ൾ ഇ​ട​ഞ്ഞു. ഊ​ര​കം അ​മ്മ​ത്തി​രു​വ​ടി​യു​ടെ തി​ട​ന്പേ​റ്റി​യ ഗു​രു​വാ​യൂ​ർ ര​വി​കൃ​ഷ്ണ​ൻ, തൊ​ട്ടി​പ്പാ​ൾ ഭ​ഗ​വ​തി​യു​ടെ തി​ട​ന്പേ​റ്റി​യ പു​തു​പ്പ​ള്ളി അ​ർ​ജു​ന​ൻ എ​ന്നീ ആ​ന​ക​ളാ​ണ് ഇ​ട​ഞ്ഞ​ത്.

ഉ​പ​ചാ​രം ചൊ​ല്ലി പി​രി​യു​ന്ന​തി​നി​ടെ കൊ​ന്പു​കോ​ർ​ത്ത ആ​ന​ക​ൾ പൂ​രം കാ​ണാ​നെ​ത്തി​യ​വ​ർ​ക്കി​ട​യി​ലേ​ക്കു വി​ര​ണ്ടോ​ടി​യ​തോ​ടെ നി​ര​വ​ധി​പ്പേ​ർ​ക്കു പ​രി​ക്കേ​റ്റു. ര​വി​കൃ​ഷ്ണ​ൻ പാ​പ്പാ​നെ കു​ത്താ​നും ച​വി​ട്ടാ​നും ശ്ര​മി​ച്ചെ​ങ്കി​ലും അ​ത്ഭു​ത​ക​ര​മാ​യി ര​ക്ഷ​പ്പെ​ടു​ക​യാ​യി​രു​ന്നു. എ​ലി​ഫ​ന്‍റ് സ​ക്വാ​ഡ് എ​ത്തി​യാ​ണ് ആ​ന​ക​ളെ ത​ള​ച്ച​ത്.

Copyright @ 2022 , Rashtra Deepika Ltd.