പുന്നയൂർക്കുളം: ദേശീയപാതയിൽ അകലാട് കാറിടിച്ച് ആറുപേർക്ക് പരിക്ക്. ഒാട്ടോയിലും ബൈക്കിലും പിന്നീട് കാൽനട യാത്രക്കാരനേയും ഇടിച്ചു. കാറിലുണ്ടായ കാസർഗോഡ് സ്വദേശി കാർത്യായിനി, ഒാട്ടോ ഡ്രൈവർ മംഗലംകുന്ന് മുഹമ്മദ് കാസിം (50), യാത്രക്കാരായ ഷംസീറ, നഫീസ എന്നിവർക്കും ബൈക്ക് യാത്രക്കാരായ മിഥുലാജ്, കാൽ നടയാത്രക്കാരനായ ആലുണ്ണി എന്നിവർക്കുമാണ് പരിക്കേറ്റത്. പരിക്കേറ്റവരെ നവബി ആംബുലൻസ് പ്രവർത്തകർ ആശുപത്രിയിൽ പ്രവേശിപ്പിച്ചു.
പെരുന്പടപ്പ് നന്നംമുക്ക് ശങ്കരംകുളം റോഡിൽവച്ച് ബൈക്കും സ്കൂട്ടറും കൂട്ടിയിടിച്ച മൂന്നുപേർക്കു പരിക്കേറ്റു. അനസ് (26), സെയ്തലവി (59), ഷാബില (22) എന്നിവർക്കാണ് പരിക്കേറ്റത്. ഇവരെ കുന്നംകുളം താലൂക്ക് ആശുപത്രിയിൽ പ്രവേശിപ്പിച്ചു.
സമരത്തിന് ഐക്യദാർഢ്യം
ചേലക്കര: വിഴിഞ്ഞത്ത് ലത്തീൻ അതിരൂപത നടത്തുന്ന സമരത്തിന് കിള്ളിമംഗലം സെന്‍റ് ആന്‍റണീസ് പള്ളിയിലെ കത്തോലിക്ക കോണ്ഗ്രസ് ഐക്യദാർഢ്യം പ്രഖ്യാപിച്ചു. തൃശൂർ അതിരൂപതയിൽ 11ന് നടത്തുന്ന വിഴിഞ്ഞം സമര ഐക്യദാർഢ്യ റാലിയിലും, പൊതുസമ്മേളത്തിലും ഇടവകയിലെ വിശ്വാസികളെ പങ്കെടുപ്പിക്കാൻ യോഗം തിരുമാനിച്ചു. ഇടവക വികാരി ഫാ. തോമസ് കാക്കശേരി അധ്യക്ഷത വഹിച്ച യോഗത്തിൽ കത്തോലിക്ക കോണ്ഗ്രസ് യൂണിറ്റ് പ്രസിഡന്‍റ് സജി ജോസഫ്, ട്രസ്റ്റി ആന്‍റോ പുന്നപ്പുഴ, ഇടവക കേന്ദ്ര സമിതി കണ്‍വീനർ ജോർജ് പുന്നപ്പുഴ, സി.എം. ഷീജൻ, തോമസ് നെടുമുറ്റത്തിൽ, ബ്ലസി വിൻ ഏലിയാസ്, സാബു കണ്ണാല, റെജി ജോസ്, ഫ്രാൻസി ജോർജ്, സിബി ജോർജ് എന്നിവർ പ്രസംഗിച്ചു.