വെ​ള്ളി​യാ​മ​റ്റം: പൂ​മാ​ല സ്കൂ​ളി​ൽ ട്രൈ​ബ​ൽ വി​ദ്യാ​ർ​ഥി​ക​ളു​ടെ പ്ര​ഭാ​ത ഭ​ക്ഷ​ണം മു​ട​ങ്ങി​യ സം​ഭ​വ​ത്തി​ൽ ജി​ല്ല ലീ​ഗ​ൽ സ​ർ​വീ​സ​സ് അ​ഥോ​റി​റ്റി​യു​ടെ ഇ​ട​പെ​ട​ൽ. അ​ഥോ​റി​റ്റി സെ​ക്ര​ട്ട​റി അ​ര​വി​ന്ദ് ബി. ​എ​ട​യോ​ടി പൂ​മാ​ല സ്കൂ​ൾ സ​ന്ദ​ർ​ശി​ച്ചു.

സ്കൂ​ളിന് ആ​ദ്യ സ​ഹാ​യം എ​ന്ന നി​ല​യി​ൽ 15,000 രൂ​പ കേ​ര​ള ഗ്രാ​മീ​ണ ബാ​ങ്ക് ന​ൽ​കി. ലീ​ഗ​ൽ സ​ർ​വീ​സ​സ് അ​ഥോ​റി​റ്റി സെ​ക്ര​ട്ട​റി​യു​ടെ നി​ർ​ദേ​ശ​പ്ര​കാ​ര​മാ​ണ് ഫ​ണ്ട് അ​നു​വ​ദി​ച്ച​ത്. പൂ​മാ​ല ഗ​വ. ​ട്രൈ​ബ​ൽ സ്കൂ​ളി​ലെ ആ​റാം​ക്ലാ​സ് വി​ദ്യാ​ർ​ഥി വെ​ള്ളി​യാ​മ​റ്റം പ​ഞ്ചാ​യ​ത്ത് പ്ര​സി​ഡ​ന്‍റി​ന് ക​ത്തെ​ഴു​തി​യ​തോ​ടെ​യാ​ണ് സം​ഭ​വ​ത്തി​ന്‍റെ ഗൗ​ര​വം പു​റ​ത്താ​കു​ന്ന​ത്.

ഒ​രു വി​ദ്യാ​ർ​ഥി​ക്ക് 30 രൂ​പ​യാ​ണ് ശ​രാ​ശ​രി ഒ​രു ദി​വ​സം ആ​വ​ശ്യ​മു​ള്ള​ത്. പൂ​മാ​ല സ്കൂ​ളി​ൽ 108 ട്രൈ​ബ​ൽ വി​ദ്യാ​ർ​ഥി​ക​ളു​ണ്ട്. വെ​ള്ളി​യാ​മ​റ്റം പ​ഞ്ചാ​യ​ത്തി​ൽ 200 ട്രൈ​ബ​ൽ വി​ദ്യാ​ർ​ഥി​ക​ൾ വി​വി​ധ സ്കൂ​ളു​ക​ളി​ൽ പ​ഠി​ക്കു​ന്നു​ണ്ട്. പ്ര​ഭാ​ത ഭ​ക്ഷ​ണം മു​ട​ങ്ങി​യ സം​ഭ​വം വാ​ർ​ത്ത​യാ​യ​തി​നെത്തു​ട​ർ​ന്ന് ജി​ല്ലാ ക​ള​ക്ട​ർ ട്രൈ​ബ​ൽ ഡി​പാ​ർ​ട്ട്മെ​ന്‍റി​നോ​ട് റി​പ്പോ​ർ​ട്ട് ആ​വ​ശ്യ​പ്പെ​ട്ടി​ട്ടു​ണ്ട്.

ലീ​ഗ​ൽ സ​ർ​വീ​സ​സ് അ​ഥോ​റി​റ്റി ചെ​യ​ർ​മാ​നാ​യ തൊ​ടു​പു​ഴ പ്രി​ൻ​സി​പ്പ​ൽ ഡി​സ്ട്രി​ക്‌ട് ആ​ൻ​ഡ് സെ​ഷ​ൻ​സ് ജ​ഡ്ജി പി.​എ​സ്. ശ​ശി​കു​മാ​ർ ഡി​എ​ൽ​എ​സ്എ സെ​ക്ര​ട്ട​റി​യോ​ട് റി​പ്പോ​ർ​ട്ട് ആ​വ​ശ്യ​പ്പെ​ടു​ക​യാ​യി​രു​ന്നു. ഇ​തേത്തു​ട​ർ​ന്നാ​ണ് സെ​ക്ര​ട്ട​റി സ്കൂ​ൾ സ​ന്ദ​ർ​ശി​ച്ച​ത്.

പ​ഞ്ചാ​യ​ത്ത് പ്ര​സി​ഡ​ന്‍റ് മോ​ഹ​ൻ​ദാ​സ് പു​തു​ശേ​രി, പ​ഞ്ചാ​യ​ത്ത് സെ​ക്ര​ട്ട​റി, പി​ടി​എ ഭാ​ര​വാ​ഹി​ക​ൾ, ഐ​ടി​ഡി​പി ഓ​ഫീ​സ​ർ എ​ന്നി​വ​രും സ്ഥ​ല​ത്തെ​ത്തി​യി​രു​ന്നു. കു​ട്ടി​ക​ൾ​ക്ക് പ്ര​ഭാ​തഭ​ക്ഷ​ണ വി​ത​ര​ണ​ത്തി​നാ​യി പ​ഞ്ചാ​യ​ത്ത് പ്രോ​ജ​ക്‌ട് സ​മ​ർ​പ്പി​ച്ചി​ട്ടു​ണ്ടെ​ങ്കി​ലും സ​മ​യ​ത്ത് വി​ക​സ​നഫ​ണ്ട് ല​ഭി​ക്കാ​ത്ത​താ​ണ് ഭ​ക്ഷ​ണവി​ത​ര​ണം മു​ട​ങ്ങാ​ൻ കാ​ര​ണ​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് പ​റ​ഞ്ഞു.