പോ​ലീ​സ് സ്റ്റേ​ഷ​നി​ലെ അ​തി​ക്ര​മം: ബ​സ് ജീ​വ​ന​ക്കാ​ര​ൻ ചി​ല്ല​റ​ക്കാ​ര​ന​ല്ല
Sunday, March 19, 2023 10:18 PM IST
തൊ​ടു​പു​ഴ: ക​രി​ങ്കു​ന്നം പോ​ലീ​സ് സ്റ്റേ​ഷ​നി​ലും പി​എ​ച്ച്സി​യി​ലും അ​തി​ക്ര​മം ന​ട​ത്തി​യ പ​ത്ത​നം​തി​ട്ട സ്വ​ദേ​ശി​യാ​യ ബ​സ് ജീ​വ​ന​ക്കാ​ര​നെ റി​മാ​ൻ​ഡ് ചെ​യ്തു. ചി​റ്റാ​ർ മ​ണ​ക്ക​യം കു​മ​രം​കു​ന്ന് ഷാ​ജി തോ​മ​സ് (അ​ച്ചാ​യി-47) ആ​ണ് റി​മാ​ൻ​ഡി​ലാ​യ​ത്. പോ​ലീ​സ് അ​ന്വേ​ഷ​ണ​ത്തി​ൽ ഇ​യാ​ൾ​ക്കെ​തി​രേ പ​തി​നെ​ട്ടോ​ളം ക്രി​മി​ന​ൽ കേ​സു​ക​ൾ ഉ​ള്ള​താ​യി ക​ണ്ടെ​ത്തി. ഇ​തോ​ടെ ബ​സി​ൽ ബ​ഹ​ള​മു​ണ്ടാ​ക്കി​യ​തി​ന് പി​ടി​കൂ​ടി​യ പ്ര​തി നി​സാ​ര​ക്കാ​ര​ന​ല്ലെ​ന്ന് പോ​ലീ​സി​നും വ്യ​ക്ത​മാ​യി.
മോ​ഷ​ണം, പൊ​തു​മു​ത​ൽ ന​ശി​പ്പി​ക്ക​ൽ, അ​ടി​പി​ടി തു​ട​ങ്ങി​യ കേ​സു​ക​ളാ​ണ് ഇ​യാ​ൾ​ക്കെ​തി​രെ ഉ​ള്ള​ത്. ഇ​യാ​ൾ​ക്ക് മാ​ന​സി​ക​രോ​ഗ​മി​ല്ലെ​ന്നും ല​ഹ​രി ഉ​പ​യോ​ഗ​ത്തെ​ത്തു​ട​ർ​ന്നാ​ണ് അ​തി​ക്ര​മം ന​ട​ത്തി​യ​തെ​ന്നും പോ​ലീ​സ് പ​റ​ഞ്ഞു.
ശ​നി​യാ​ഴ്ച ക​രി​ങ്കു​ന്നം പോ​ലീ​സ് സ്റ്റേ​ഷ​നി​ലും സ​മീ​പ​ത്തെ പി​എ​ച്ച്സി​യി​ലു​മാ​ണ് ഇ​യാ​ൾ ആ​ക്ര​മ​ണം അ​ഴി​ച്ചു​വി​ട്ട​ത്. ഇ​യാ​ളു​ടെ ആ​ക്ര​മ​ണ​ത്തി​ൽ എ​സ്ഐ ബൈ​ജു പി. ​ബാ​ബു, ഉ​ദ്യോ​ഗ​സ്ഥ​നാ​യ അ​നീ​ഷ് ആ​ന്‍റ​ണി എ​ന്നി​വ​ർ ഉ​ൾ​പ്പെ​ടെ മൂ​ന്നു പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.
പ്ര​തി​ക്കെ​തി​രേ ചി​റ്റാ​ർ സ്റ്റേ​ഷ​നി​ൽ എ​ട്ടും പ​ന്ത​ള​ത്ത് ര​ണ്ടും കേ​സു​ക​ളു​ണ്ട്, എ​റ​ണാ​കു​ളം, ഇ​ടു​ക്കി, കോ​ട്ട​യം ജി​ല്ല​ക​ളി​ലും പ്ര​തി​ക്കെ​തി​രേ കേ​സു​ണ്ട്. കൂ​ടു​ത​ൽ കേ​സു​ണ്ടോ എ​ന്ന വി​വ​ര​വും പോ​ലീ​സ് അ​ന്വേ​ഷി​ച്ചു​വ​രി​ക​യാ​ണ്.
പ്ര​തി​ക്കെ​തി​രെ​യു​ള്ള കേ​സു​ക​ളു​ടെ എ​ണ്ണം ഇ​നി​യും വ​ർ​ധി​ക്കു​മെ​ന്നാ​ണ് സൂ​ച​ന. ഇ​യാ​ൾ കൊ​ടും​ക്രി​മി​ന​ലാ​ണെ​ന്ന് പോ​ലീ​സ് പ​റ​ഞ്ഞു. കേ​സു​ക​ളി​ൽ റി​മാ​ൻ​ഡി​ലാ​കു​ന്ന പ്ര​തി ജാ​മ്യം നേ​ടി മു​ങ്ങു​ക​യാ​ണ് പ​തി​വ്.
ആ​ദ്യം എ​രു​മേ​ലി സ്വ​ദേ​ശി​യാ​ണ് താ​നെ​ന്നു പ​റ​ഞ്ഞ പ്ര​തി ജ​ഡ്ജി​യു​ടെ മു​ന്നി​ൽ ഹാ​ജ​രാ​ക്കി​യ​തോ​ടെ​യാ​ണ് ആ ​അ​ഡ്ര​സി​ലു​ള്ള​ത് താ​ന​ല്ലെ​ന്ന് അ​റി​യി​ച്ച​ത്. പി​ന്നീ​ട് ന​ട​ത്തി​യ വി​ശ​ദ പ​രി​ശോ​ധ​ന​യി​ലാ​ണ് ചി​റ്റാ​ർ സ്വ​ദേ​ശി​യാ​ണെ​ന്നു ക​ണ്ടെ​ത്തി​യ​ത്. ഇ​യാ​ൾ ജോ​ലി ചെ​യ്തി​രു​ന്ന ബ​സി​ലെ സു​ഹൃ​ത്തു​ക്ക​ളോ​ടും കൃ​ത്യ​മാ​യ അ​ഡ്ര​സ് പ​റ​ഞ്ഞി​രു​ന്നി​ല്ല.
അ​ഡ്ര​സി​ലെ പി​ഴ​വ് തി​രു​ത്തി ഇ​ന്ന് കോ​ട​തി​യി​ൽ റി​പ്പോ​ർ​ട്ട് ന​ൽ​കു​മെ​ന്ന് തൊ​ടു​പു​ഴ ഡി​വൈ​എ​സ്പി എം.​ആ​ർ. മ​ധു ബാ​ബു അ​റി​യി​ച്ചു. ഇ​യാ​ൾ​ക്കെ​തി​രേ ഒ​രാ​ഴ്ച​യ്ക്കു​ള്ളി​ൽ കു​റ്റ​പ​ത്രം സ​മ​ർ​പ്പി​ക്കാ​നാ​ണ് നീ​ക്ക​മെ​ന്നും അ​ദ്ദേ​ഹം പ​റ​ഞ്ഞു. പ​ല കേ​സു​ക​ളി​ലും പി​ടി​കി​ട്ടാ​പ്പു​ള്ളി​യാ​യി പോ​ലീ​സും കോ​ട​തി​യും പ്ര​ഖ്യാ​പി​ച്ച ആ​ളാ​ണ് ഷാ​ജി. കേ​സു​ക​ൾ കൂ​ടി​യ​തോ​ടെ നാ​ട്ടി​ൽ നി​ൽ​ക്ക​ക്ക​ള്ളി​യി​ല്ലാ​തെ​യാ​ണ് പ്ര​തി നാ​ടു വി​ട്ട​തെ​ന്നും പോ​ലീ​സ് ക​ണ്ടെ​ത്തി. ഇ​തി​നു പു​റ​മേ ഇ​യാ​ളു​ടെ കൂ​ട്ടാ​ളി​ക​ളെ​ക്കു​റി​ച്ചും പോ​ലീ​സ് വി​വ​രം ശേ​ഖ​രി​ച്ചി​ട്ടു​ണ്ട്.
ശ​നി​യാ​ഴ്ച ഉ​ച്ച​യോ​ടെ മ​റ്റൊ​രു സ്വ​കാ​ര്യ ബ​സി​ൽ ടി​ക്ക​റ്റെ​ടു​ക്കാ​തെ യാ​ത്ര ചെ​യ്ത​ത് ചോ​ദ്യം ചെ​യ്ത​തി​ന് ഇ​യാ​ൾ ക​ണ്ട​ക്ട​ർ​ക്കു നേ​രെ അ​സ​ഭ്യ​വ​ർ​ഷം ന​ട​ത്തു​ക​യാ​യി​രു​ന്നു. വി​വ​ര​മ​റി​ഞ്ഞ് ബ​സ് ക​രി​ങ്കു​ന്നം ടൗ​ണി​ലെ​ത്തി​യ​പ്പോ​ൾ പോ​ലീ​സു​കാ​രെ​ത്തി പ്ര​തി​യെ പി​ടി​കൂ​ടി. തൊ​ടു​പു​ഴ-​പാ​ലാ റൂ​ട്ടി​ൽ ഓ​ടു​ന്ന സ്വ​കാ​ര്യ ബ​സി​ലെ ജീ​വ​ന​ക്കാ​ര​നാ​ണ് ഇ​യാ​ൾ. മു​ന്നി​ൽ പോ​കു​ന്ന ബ​സ് സ​മ​യം പാ​ലി​ക്കു​ന്നു​ണ്ടോ എ​ന്ന കാ​ര്യം പ​രി​ശോ​ധി​ക്കു​ന്ന​തി​നി​ടെ​യാ​ണ് സം​ഘ​ർ​ഷം ഉ​ണ്ടാ​യ​ത്.

Copyright @ 2022 , Rashtra Deepika Ltd.